୧୦ ଜଣ ନେତାଙ୍କ ପାଖକୁ ଗଲାଣି ପାଇପ୍ ବୋମା ! ଡରରେ ଥରୁଛନ୍ତି ରାଷ୍ଟ୍ରପତିଙ୍କ ବିରୋଧି ।
ଆମେରିକାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୋଧି ଆଲୋଚକ ତଥା ଡେମୋକ୍ରାଟିକ ନେତାଙ୍କ ପାଖରେ ପହଞ୍ଚୁଛି ଦେଶୀ ପାଇପ୍ ବମ୍ । ନ୍ୟୁୟର୍କ ଠାରୁ ଆରମ୍ଭ କରି ଲସ୍ ଏଞ୍ଜେଲସ୍ ପର୍ଯ୍ୟନ୍ତ ବ୍ୟାପିଥିବା ଏଜେନ୍ସୀ ଏଭଳି ୧୦ ଟି ପାଇପ୍ ବମ୍ ଭିନ୍ନ ଭିନ୍ନ ନେତାଙ୍କ ପାଖକୁ ଜବତ କରିଛି । ଖାସ୍ କଥା ହେଉଛି ଯେଉଁ ନେତାମାନଙ୍କ ପାଖରେ ଏହି ବୋମା ପହଞ୍ଚୁଛି ସେମାନେ ସବୁ ରାଷ୍ଟ୍ରପତି ଟ୍ରମ୍ପଙ୍କ ବିରୋଧି ଆଲୋଚକ । ଗୋଟିଏ ପରେ ଗୋଟିଏ ବୋମା ପ୍ୟାକେଟ୍ ମିଳିବା ପରେ ଏଜେନ୍ସୀ ତରଫରୁ ଏବେ ଜୋରଦାର୍ ଅପରେସନ୍ ଚାଲୁଅଛି ଏବଂ ଅପରାଧିକୁ ଧରିବା ପାଇଁ ପ୍ରୟାସ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଥିରେ ଅଭିନେତା ରବର୍ଟ ଡି ନିରୋ,ପୂର୍ବ ରାଷ୍ଟ୍ରପତି ବାରାକ୍ ଓବାମା,ପୂର୍ବ ବିଦେଶ ମନ୍ତ୍ରୀ ହିଲରୀ କ୍ଲିଣ୍ଟନ୍ ,ଅରବପତି ଜର୍ଜ ସୋରୋସ,ପୂର୍ବ ଉପ-ରାଷ୍ଟ୍ରପତି ଜୋ ବାଇଡେନ୍ , ଡେମୋକ୍ରାଟିକ୍ ସାଂସଦ ଡେବି ୱାସରମ୍ୟାନ୍ , ପୂର୍ବ ସିଆଇଏ ଡାଇରେକ୍ଟର ଜନ୍ ବେନନ୍ ଏବଂ କ୍ୟାଲିଫର୍ଣ୍ଣିଆରୁ ଡେମୋକ୍ରାଟିକ୍ ପ୍ରତିନିଧି ମେକ୍ସିନ୍ ୱାଟର୍ସଙ୍କୁ ଏହି ବୋମା ପ୍ୟାକେଟ୍ ପଠାଯାଇଛି ।
ତେବେ ଯାହାଙ୍କ ପାଖକୁ ଏହି ପ୍ୟାକେଟ୍ ଯାଇଛି ସେଠାରେ ସମାନ୍ତରଭାବ ଦେଖାଯାଇଛି । 1×6 ଇଞ୍ଚ୍ ର ଆକାର ହୋଇଥିବା PVC ପାଇପ୍ ସମସ୍ତଙ୍କ ପାଖକୁ ପଠାଯାଇଛି । ଯେଉଁଥିରେ ସନ୍ଦିଗ୍ଧ ପାଉଡର୍ ମଧ୍ୟ ପଠାଇଛି । ଯେଉଁଥିରେ ଗୋଟିଏ ଛୋଟ ବ୍ୟାଟେରୀ,ଏକ ଡିଜିଟାଲ୍ ଘଡି ଏବଂ ଏକ ଇନିସିଟର ମଧ୍ୟ ମିଳିଛି । ତେବେ କୌଣସି ବି ଡିଭାଇଜ୍ ଏ ପର୍ଯ୍ୟନ୍ତ ବିସ୍ଫୋଟ ହୋଇନାହିଁ । ଏଥିରୁ ଜଣାପଡୁଛି ଏହି ନେତାମାନଙ୍କୁ କେବଳ ଡରାଇବା ପାଇଁ କେହି ଏଭଳି ହରକତ କରୁଛି ।