କନକ ବ୍ୟୁରୋ : ବଦଳିବ ଦିଦିଙ୍କ ୟୁନିଫର୍ମ । ଆଉ ଗୋଲାପି ଶାଢି ପିନ୍ଧିବେନି ଶିକ୍ଷୟିତ୍ରୀ । ବଦଳିବ ଶାଢିର ରଂଗ । ଆସନ୍ତା ଶିକ୍ଷାବର୍ଷରୁ ନୂଆ ରଙ୍ଗର ଶାଢିରେ ଆସିବେ ଶିକ୍ଷୟିତ୍ରୀ । ଗୋଲାପୀ ରଂଗର ଶାଢି ପିନ୍ଧିବାକୁ ଏବେ ରୋକଠୋକ୍ ମନା କରୁଛନ୍ତି ଦିଦି।
Kanak News is now on WhatsApp
Join and get latest news updates delivered to you via WhatsApp
ଗୋଲାପୀ ରଂଗକୁ ନେଇ ବଢିଚାଲିଛି ଟାହି ଟାପରା । ଓଡିଆ ଆଲବମ୍ ଆଉ ଫିଲ୍ମରେ ବି ଗୋଲାପୀ ରଂଗକୁ ଭଳିକି ଭଳି ଗୀତ । ଯାତ୍ରାରେ ବି ଏହି ରଂଗକୁ ନେଇ ଅନେକ କମେଂଟ୍ ଆଉ କମେଡି । ଯାହାର ଶୀକାର ହେଉଛନ୍ତି ଏହି ରଂଗର ଶାଢି ପିନ୍ଧୁଥିବା ଶିକ୍ଷୟିତ୍ରୀ । ଫଳରେ ଅନେକ ଶିକ୍ଷୟତ୍ରୀ ଏବେ ଗୋଲାପୀ ଶାଢି ପିନ୍ଧିବାକୁ ଅମଙ୍ଗ ହେଉଛନ୍ତି ।
ଗୋଲାପୀ ଶାଢି ସହ ଶିକ୍ଷକଙ୍କ ୟୁନିଫର୍ମ ବି ବଦଳିବ । ଗୋଟିଏ ରଂଗର ପ୍ୟାଂଟ ସାର୍ଟ ପିନ୍ଧିବେ ଶିକ୍ଷକ ଆଉ ସମାନ ରଂଗର ଶାଢୀ-ବ୍ଲାଉଜ୍ ପିନ୍ଧିବେ ଶିକ୍ଷୟିତ୍ରୀ । ଏପରିକି ପ୍ରାଥମିକ ସ୍କୁଲ୍ ଓ ହାଇସ୍କୁଲ ଶିକ୍ଷକଙ୍କ ଏକା କଲରର ୟୁନିଫର୍ମ କରିବାକୁ ଯୋଜନା କରୁଛି ଗଣଶିକ୍ଷା ବିଭାଗ।
ବର୍ତମାନ ଉଚ୍ଚପ୍ରାଥମିକ ସ୍କୁଲ ଶିକ୍ଷୟିତ୍ରୀ ମାନେ ଗୋଲାପୀ ରଂଗର ଶାଢି ପିନ୍ଧୁଛନ୍ତି । ସେହିପରି ହାଇସ୍କୁଲ୍ ଶିକ୍ଷୟିତ୍ରୀଙ୍କ ପାଇଁ ରହିଛି ମେରୁନ ଧଡିରେ ଟସର ରଂଗର ଶାଢି । ଏଭଳି ସ୍ଥିତିରେ ୟୁନିଫର୍ମ ରଂଗ ବଦଳାଇବା ନେଇ ବାରମ୍ବାର ଦାବି କରୁଛନ୍ତି ଶିକ୍ଷୟିତ୍ରୀ ।