ପେଟ୍ରୋଲ ପମ୍ପ ମାଲିକଙ୍କ ବୟକଟ୍ ଧମକ ପରେ ବ୍ୟାଙ୍କର ପଛଘୁଂଚା : ଟ୍ରାନଜାକ୍ସନ୍ ଫି’ଆଦାୟ ପ୍ରସ୍ତାବ ସ୍ଥଗିତ
କନକ ବ୍ୟୁରୋ : ପେଟ୍ରୋଲ ପମ୍ପ ମାଲିକଙ୍କ ବୟକଟ ଧମକ ପରେ ପଛଘୁଂଚା ଦେଲେ ବ୍ୟାଙ୍କ । ପେଟ୍ରୋଲ ପମ୍ପରେ ୧ ପ୍ରତିଶତ ଟ୍ରାନଜାକ୍ସନ୍ ଫି’ଆଦାୟ ନିଷ୍ପତିରୁ ଓହରିଛନ୍ତି ଘରୋଇ ବ୍ୟାଙ୍କ । ସମସ୍ତ ପକ୍ଷଙ୍କ ସହ ଆଲୋଚନା କରି ଖୁବଶୀଘ୍ର ନିଷ୍ପତି ନିଆଯିବା ବୋଲି କହିଛନ୍ତି ବ୍ୟାଙ୍କ ଗୁଡିକ । ଘରୋଇ ବ୍ୟାଙ୍କ୍ ଗୁଡିକ ଟ୍ରାନଜାକ୍ସନ୍ ଉପରେ ୧ ପ୍ରତିଶତ ଫି ନେଉଥିବାରୁ ଆଜି ମଧ୍ୟ ରାତ୍ରୀରୁ ଆଉ ଡେବିଟ୍ କିମ୍ବା କ୍ରେଡିଟ କାର୍ଡ ଗ୍ରହଣ କରିବେ ନାହିଁ ବୋଲି କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାଙ୍ଗାଲୋର ପେଟ୍ରୋଲିୟମ ଡିଲର୍ସ ଆସୋସିଏସନ ଆଜିଠାରୁ କୌଣସି ଡେବିଟ୍ କିମ୍ବା କ୍ରେଡିଟ୍ କାର୍ଡ ଗ୍ରହଣ କରିବ ନାହିଁ ବୋଲି୍ ଧମକ ଦେଇଥିଲା । ସେହିପରି ଆଜିଠାରୁ ଓଡ଼ିଶାରେ ପେଟ୍ରୋଲ ପମ୍ପ୍ ମାଲିକମାନେ ଆକ୍ସିସ, ଏଚଡିଏଫସି ଘରୋଇ ବ୍ୟାଙ୍କର ପିଓଏସ ମେସିନ ବ୍ୟବହାର କରିବେ ନାହିଁ ବୋଲି ଚେତାବନୀ ଦେଇଥିଲେ ।
ପେଟ୍ରୋଲ ଓ ଡିଜେଲ୍ ଭଳି ତୈଳଗୁଡ଼ିକ କେତେ ଲାଭରେ ବିକ୍ରି ହେବ ତାହା ସ୍ଥିର କରିଥାନ୍ତି ତୈଳ ବିପଣନ କମ୍ପାନୀ । ତୈଳ କାରବାର ଉପରେ ପେଟ୍ରୋଲ ପମ୍ପମାଲିକଙ୍କୁ ମାତ୍ର ୦.୩ ପ୍ରତିଶତରୁ ୦.୫ ପ୍ରତିଶତ ପର୍ୟ୍ୟନ୍ତ ଲାଭ ମିଳିଥାଏ । ଏପରିସ୍ଥଳେ ସେମାନେ ବ୍ୟଙ୍କଗୁଡିକୁ କାହିଁକି ୧ ପ୍ରତିଶତ ଫି ଦେବେ ବୋଲି ପ୍ରଶ୍ନ କରିଥିଲେ । କୁହାଯାଉଛି ସରକାରଙ୍କ ହସ୍ତକ୍ଷେପ ପରେ ବ୍ୟାଙ୍କଗୁଡିକ ସେମାନଙ୍କ ନିଷ୍ପତିରୁ ଓହରିଛନ୍ତି ।