ତେଲ ଦର ହ୍ରାସ ପରେ ତାତିଲା ବିଜେପି । ଭାଟ୍ କମାଇବା ଦାବିରେ ସରକାରଙ୍କ ବିରୋଧରେ ପ୍ରତିବାଦ, ବିଜେଡ଼ିର ଜବାବ ୨୦୧୪ ଦର ଲାଗୁ କରୁ କେନ୍ଦ୍ର ।
କନକ ବ୍ୟୁରୋ: ତେଲ ଦର କମିଲା ବଢ଼ିଲା ରାଜନୀତି । କେନ୍ଦ୍ର ସରକାରଙ୍କ ତେଲ ଦର କମାଇବା ନିଷ୍ପତି ପରେ ରାଜ୍ୟ ରାଜନୀତି ସରଗରମ ହୋଇଛି । ଗତକାଲି କେନ୍ଦ୍ର ସରକାର ଅହେତୁକ ଭାବେ ବୃଦ୍ଧି ପାଉଥିବା ତୈଳ ଦର ଉପରେ ବ୍ରେକ୍ ଲଗାଇଥିଲେ । ଯାହା ଫଳରେ ଉଭୟ ପେଟ୍ରୋଲ ଓ ଡିଜେଲ ଲିଟର ପିଛା ୨ ଟଙ୍କା ୫୦ ପଇସା ମୂଲ୍ୟ ହ୍ରାସ କରାଯାଇଛି । ଏହାସହିତ ଗତକାଲି ସମସ୍ତ ରାଜ୍ୟ ସରକାରଙ୍କୁ ଉତ୍ପାଦ ଶୁଳ୍କ ଭାଟ୍ ୨ ଟଙ୍କା ୫୦ ପଇସା ହ୍ରାସ କରିବା ପାଇଁ ଅପିଲ୍ କରିଥିଲେ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ । ସେହି ପରିପ୍ରେକ୍ଷୀରେ ଦେଶର ୧୩ଟି ରାଜ୍ୟର ବିଜେପି ସରକାର ପେଟ୍ରୋଲ ଓ ଡିଜେଲ ଦର କମାଇବା ପରେ ଏବେ ଓଡ଼ିଶା ସରକାରଙ୍କୁ ଟାର୍ଗେଟ କରିଛି ରାଜ୍ୟ ବିଜେପି ।
ଏନେଇ ଓଡ଼ିଶା ସରକାରଙ୍କୁ ଟାର୍ଗେଟ କରି ବିଜେପି କରିଛି ପ୍ରତିବାଦ । ବିଜେପିର ଅଭିଯୋଗ ତୁଚ୍ଛା ରାଜନୀତି କରୁଛି ବିଜେଡ଼ି । କାରଣ ଦେଶର ୧୩ଟି ରାଜ୍ୟ ଉତ୍ପାଦ ଶୁଳ୍କ ୨ ଟଙ୍କା ୫୦ ପଇସା କମାଇବାକୁ ନିଷ୍ପତି ନେଇଥିଲାବେଳେ ଓଡ଼ିଶା ସରକାର କାହିଁକି ଛାଡ଼ କରୁନାହାନ୍ତି ବୋଲି ପ୍ରଶ୍ନ କରିଛି ବିଜେପି । ଗତକାଲି ପେଟ୍ରୋଲ ଓ ଡିଜେଲ ଲିଟର ପିଛା ୨ଟଙ୍କା ୫୦ ପଇସା କମାଇଥିଲେ କେନ୍ଦ୍ର ସରକାର । ଉତ୍ପାଦ ଶୁଳ୍କ ଉପରୁ ୧ ଟଙ୍କା ୫୦ ପଇସା ହ୍ରାସ କରିବା ପାଇଁ କେନ୍ଦ୍ର ସରକାର ନିଷ୍ପତି ନେଇଥିଲେ । ଏହା ସହ ତେଲ କମ୍ପାନୀ ମାନେ ଲିଟର ପିଛା ୧ ଟଙ୍କା ଛାଡ କରିବେ ବୋଲି ଘୋଷଣା ହୋଇଥିଲା । ରାଜ୍ୟମାନଙ୍କୁ ମଧ୍ୟ ଭାଟ୍ ଛାଡ କରିବାକୁ ଅନୁରୋଧ କରିଥିଲେ କେନ୍ଦ୍ର ଅର୍ଥମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଅନପଟେ ଗତକାଲି କେନ୍ଦ୍ର ଅର୍ଥମନ୍ତ୍ରୀଙ୍କ ଅନୁରୋଧ ପରେ ରାଜ୍ୟ ସରକାର ଭାଟ୍ ହ୍ରାସ କରିବା ପାଇଁ ବିଚାର ବିମର୍ଷ କରୁଛନ୍ତି ବୋଲି କହିଥିଲେ ରାଜ୍ୟ ଅର୍ଥମନ୍ତ୍ରୀ ଶଶିଭୂଷଣ ବେହେରା । ତେବେ ବିଜେପିର ପ୍ରତିବାଦ ଧୂଆଁବାଣ ସଦୃଶ । ଦୀର୍ଘ ସାଢ଼େ ୪ ବର୍ଷ ମଧ୍ୟରେ ପେଟ୍ରୋଲ ଏବଂ ଡିଜେଲ୍ ଉପରେ ୧୧ ଲକ୍ଷ କୋଟି ଟଙ୍କା ରାଜସ୍ୱ ପାଇଛନ୍ତି କେନ୍ଦ୍ର ସରକାର । ସେହି ତୁଳନାରେ ୨୦୧୪ରେ ଡିଜେଲ ଉତ୍ପାଦ ଶୁଳ୍କ ୩ ଟଙ୍କା ୫୦ ପଇସା ଏବଂ ପେଟ୍ରୋଲ ଉପରେ ୯ ଟଙ୍କା ଥିବା ମୂଲ୍ୟକୁ ଲାଗୁ କରନ୍ତୁ । କେନ୍ଦ୍ର ସରକାର ୧ ଟଙ୍କା ୫୦ ପଇସା ହ୍ରାସ କରିବା ସମୂଦ୍ରକୁ ଶଙ୍ଖେ ଭଳି ସଦୃଶ । ଏବଂ ଦେଶର ୨୧ଟି ବିଜେପି ଶାସିତ ରାଜ୍ୟ ମଧ୍ୟରୁ ଅନେକ ଏ ପର୍ଯ୍ୟନ୍ତ କେନ୍ଦ୍ର ଅର୍ଥମନ୍ତ୍ରୀଙ୍କ ଅପିଲ୍ କୁ ପାଳନ କରି ନାହାନ୍ତି । ତେଣୁ ପ୍ରଥମେ ନିଜ ଘର କଥା ସଜାଡନ୍ତୁ ବୋଲି ବିଜେଡ଼ି ମୁଖପାତ୍ର ସସ୍ମିତ ପାତ୍ର କହିଛନ୍ତି ।