ସାଧାରଣ ଜନତାଙ୍କୁ ପୁଣି ଝଟକା । ବଢିଲା ପେଟ୍ରୋଲ ଏବଂ ଡିଜେଲ ଦର୍ । ୭୦.୫୦ ଟଙ୍କା ହେଲା ପେଟ୍ରୋଲ , ୬୦.୫୦ଟଙ୍କାରେ ପହଂଚିଲା ଡିଜେଲ୍
ପେଟ୍ରୋଲ-ଡିଜେଲ ଆଦିର ଦାମ ଏବେ ଅହେତୂକ ଭାବେ ବୃଦ୍ଧି ପାଇବାରେ ଲାଗିଛି । ଯାହାର ସିଧା ପ୍ରଭାବ ସାଧାରଣ ଜନତାଙ୍କ ଉପରେ ହିଁ ପଡିଛି । ମାତ୍ର ଏହାର ଦାମ ହ୍ରାସ ପାଇବା ବଦଳରେ ବରଂ ଦିନକୁ ଦିନ ବଢିବାର ଲାଗିଛି । ଦେଶର ରାଜଧାନୀ ଦିଲ୍ଲୀରେ ପ୍ରଥମ ଥର ପାଇଁ ଡିଜେଲର ଦାମ ୬୦ ଟଙ୍କାରେ ପହଂଚିଛି । ସେହିପରି ପେଟ୍ରୋଲ ଦର ମଧ୍ୟ ପୁଣି ଥରେ ୭୦ ଟଙ୍କାକୁ ଛୁଇଁଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଇଣ୍ଡିଆନ ଅଏଲ କର୍ପୋରେସନ ଅନୁସାରେ ମଙ୍ଗଳବାର ତଥା ଆଜି ଦିଲ୍ଲୀରେ ପେଟ୍ରୋଲ ଦାମ ଲିଟର ପିଛା ୭୦.୫୩ ଟଙ୍କା ହୋଇଥିବା ବେଳେ ଡିଜେଲ ଦର ୬୦.୬୬ ଟଙ୍କାରେ ପହଂଚିଛି ।
ଏଠାରେ ଆମେ କହି ରଖୁଛୁ କି, ଏହା ପୂର୍ବରୁ ବି ଦିଲ୍ଲୀରେ ପେଟ୍ରୋଲ-ଡିଜେଲ ଦର ଆକାଶ ଛୁଆଁ ହୋଇଥିଲା । ୩ ଅକ୍ଟୋବର ୨୦୧୭ରେ ପେଟ୍ରୋଲର ସର୍ବାଧିକ ଦର ୭୦ ଟଙ୍କା ୮୮ ପଇସା ରହିଥିଲା । ଯଦିଓ ଚାପ ପଡିବା ପରେ କେନ୍ଦ୍ର ସରକାର ପେଟ୍ରୋଲ-ଡିଜେଲର ଉତ୍ପାଦନ ଶୁଳ୍କରେ ପ୍ରତି ଲିଟର ପିଛା ଦୁଇ ଦୁଇ ଟଙ୍କା କମାଇ ଦେଇଥିଲେ ହେଲେ ଏବେବି ଏହାର ଦାମ ଲଗାତର ଭାବେ ବୃଦ୍ଧିପାଇବାରେ ଲାଗିଛି ।
ସୌଜନ୍ୟ: ନିଜ୍ୟୁ-୧୮