ଦିଲ୍ଲୀ ବିମାନବନ୍ଦର ଉଡାଇବାକୁ ମିଳିଲା ଧମକ । ଫୋନ୍ ଯୋଗେ ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦରକୁ ଉଡାଇବାକୁ ଧମକ ମିଳିବା ପରେ ସଜାଗ ହୋଇଛି ପୋଲିସ । ସୋମବାର ସନ୍ଧ୍ୟା ୮ଟା ୪୯ ସମୟରେ ଟର୍ମିନାଲ-୨କୁ ଏକ ଫୋନ୍ କଲ ଆସିଥିଲା । ଯେଉଁଥିରେ ବିମାନବନ୍ଦରକୁ ଯଦି ବଞ୍ଚାଇ ପାରିବ ତ ବଞ୍ଚା ବୋଲି ଖୋଲିଖୋଲି ଧମକ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
#UPDATE Delhi Airport:A bomb threat call for Terminal- 2 was received by Delhi Police.Immediately,departure area was evacuated&passengers were moved to gate no4 while arriving passengers were on hold inside aircraft. It was found to be hoax.Normalcy at terminal operation restored https://t.co/93LXxw3Zvh
— ANI (@ANI) August 12, 2019
ତେବେ ଫୋନ୍ କଲ ମିଳିବା ପରେ ଯାଞ୍ଚ ଆରମ୍ଭ କରିଥିଲା ପୋଲିସ । ଏପରିକି କଲ୍ ଆସିଥିବା ଫୋନ୍ ନମ୍ବରକୁ ଟ୍ରାକ୍ କରି ଉକ୍ତ ବ୍ୟକ୍ତିଙ୍କୁ ଧରିଥିଲା ପୋଲିସ । ତେବେ ଧରାପଡିବା ପରେ ଏଭଳି କୌଣସି ଫୋନ୍ କରିନଥିବା କହିଥିଲେ ଉକ୍ତ ବ୍ୟକ୍ତି । ଏଭଳି ଘଟଣା ପରେ ପୋଲିସ ଆକ୍ଟିଭ ମୋଡକୁ ଆସିଛି । ପୂରା ବିମାନବନ୍ଦରର ଯାଞ୍ଚ କରିବା ସହ ପ୍ରତ୍ୟେକ ଯାତ୍ରୀଙ୍କ ଉପରେ କଡା ନଜର ରଖିଛି ।
ଏହାପୂର୍ବରୁ ଗତକାଲି ଗୁଇନ୍ଦା ବିଭାଗ ପକ୍ଷରୁ ମଧ୍ୟ ଦିଲ୍ଲୀ ପୋଲିସକୁ ସତର୍କ କରାଯାଇଛି । ସ୍ୱାଧୀନତା ଦିବସରେ ଆତଙ୍କବାଦୀ ମାନେ ଲାଲକିଲ୍ଲା ଓ ଏହାର ପାଖଆଖ ଅଞ୍ଚଳରେ ବଡ ଧରଣର ଆକ୍ରମଣ କରିପାରନ୍ତି ବୋଲି ଦିଲ୍ଲୀ ପୋଲିସକୁ ଆଲର୍ଟ କରିଛି ଗୁଇନ୍ଦା ବିଭାଗ । ଆତଙ୍କବାଦୀ ମାନେ ସରକାରୀ ଗାଡି ଓ ସରକାରୀ ପୋଷାକରେ ଏଭଳି ଆକ୍ରମଣ କରିବାକୁ ଷଡଯନ୍ତ୍ର କରୁଥିବା ନେଇ ସତର୍କ କରିଛି ଗୁଇନ୍ଦା ବିଭାଗ ।