ଭୁବନେଶ୍ୱର ନଗର ନିଗମର ନିଷ୍ପତି, ଏଣିକି ଖୋଲାରେ ମଳତ୍ୟାଗ କଲେ ଦେବାକୁ ହେବ ଜୋରିମାନା ।
ଏଣିକି ରାଜଧାନୀରେ ଖୋଲାରେ ମଳତ୍ୟାଗ କରିଲେ ୫୦ ଟଙ୍କା ଜୋରିମାନା ଦେବାକୁ ପଡିବ । ଭୁବନେଶ୍ୱର ମହାନଗର ନିଗମ (ବିଏମସି) ତରଫରୁ ଏହି ନିଷ୍ପତି ଗ୍ରହଣ କରାଯାଇଛି । ଖୋଲାରେ ମଳତ୍ୟାଗ କରୁଥିବା ଲୋକମାନଙ୍କ ଅଭ୍ୟାସକୁ ଦୁର କରିବା ପାଇଁ ବିଏମସି ଏପରି ଏକ ପଦକ୍ଷପ ନେଇଛି । ପରିବେଶକୁ ସୁରକ୍ଷିତ ରଖିବା ସହ ଖୋଲାରେ ମଳତ୍ୟାଗ କରିବା ଦ୍ୱାରା କେଉଁଭଳି ଭାବରେ ପରିବେଶ ଉପରେ କୁପ୍ରଭାବ ପଡୁଛି ସେ ସମ୍ଫର୍କରେ ଲୋକମାନଙ୍କୁ ଅବଗତ କରାଇହେବ । ଖୋଲାରେ ମଳତ୍ୟାଗ କରୁଥିବା ଲୋକଙ୍କ ଉପରେ ୱାର୍ଡ ସନିଟେଶନ କର୍ମଚାରୀ, ୱାର୍ଡ ପରିମଳ କମିଟି ଏବଂ ସ୍ୱୟଂ ସହାୟକ ଗୋଷ୍ଠି ଏହା ଉପରେ ନଜର ରଖିବେ । ଯଦି କୌଣସି ବ୍ୟକ୍ତି ଖୋଲାରେ ମଳତ୍ୟାଗ କରୁଥିବାର ନଜର ଆସିବେ ତେବେ ତାଙ୍କ ଠାରୁ ୫୦ ଟଙ୍କା ଜୋରିମାନା ଆଦାୟ କରିବେ ବୋଲି ବିଏମସି କର୍ପୋରେସନ ବୈଠକରେ ଏହି ନିଷ୍ପତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ କି, କିଛି ଦିନ ପୂର୍ବରୁ ମୁମ୍ବାଇରେ ମଧ୍ୟ ପରିବେଶର ସ୍ୱଚ୍ଛତାକୁ ଦୃଷ୍ଟିରେ ରଖି ମୁମ୍ବାଇ ନଗର ନିଗମ ଏପରି କିଛି ନିଷ୍ପତି ଗ୍ରହଣ କରିଥିଲା । ଏହି ନିଷ୍ପତି ଅନୁଯାୟୀ, ମହାରଷ୍ଟ୍ରରେ ଯଦି କୌଣସି ବ୍ୟକ୍ତି ଖୋଲାରେ ମଳତ୍ୟାଗ କରିବେ ତେବେ ତାଙ୍କ ଉପରେ ୫୦୦ ଟଙ୍କା ଜୋରିମାନା ଲଗାଇବାର ପ୍ରବନ୍ଧନ କରାଯାଇଥିଲା । ଏବେ ଭାରତରେ ଏହି ନିୟମ ଲାଗୁ କରାଗଲା ।