ରକ୍ତ ଚିହ୍ନେନା ହିନ୍ଦୁ ମୁସଲିମ୍ ! ଭାଇଚାରାର ବାର୍ତା ଦେବା ପାଇଁ କଟକରେ ନିଆରା ସର୍ବଧର୍ମ ରକ୍ତଦାନ ଶିବିର
କନକ ବ୍ୟୁରୋ : ରକ୍ତ ଚିହ୍ନେନା ହିନ୍ଦୁ ମୁସଲିମ୍ । ହେଲେ ଭଦ୍ରକରେ ଘଟିଯାଇଥିବା ସାଂପ୍ରଦାୟିକ ହିଂସାରେ ହିନ୍ଦୁ ମୁସଲିମ୍ ପାଲଟି ଗଲେ ପରସ୍ପରର ଶତ୍ରୁ । ଏହି ଦଂଗା ଘଟଣାକୁ ଏକ ଭାଇଚାରାର ବାର୍ତା ଦେବାକୁ ଯାଇ ଆଜି କଟକ ସହର ଷ୍ଟୁଆର୍ଟ ସ୍କୁଲରେ ନିଆରା ଢଂଗରେ ସର୍ବଧର୍ମ ରକ୍ତଦାନ ଶିବିର ଆୟୋଜିତ ହୋଇଯାଇଛି । ଏହି ରକ୍ତଦାନ ଶିବିରରେ ଭଦ୍ରକ ଦଂଗା କ୍ଷତିଗ୍ରସ୍ତ ଅଂଚଳର କିଛି ଛାତ୍ରଛାତ୍ରୀଙ୍କ ସମେତ ବିଭିନ୍ନ ଧର୍ମର ଲୋକେ ରକ୍ତଦାନରେ ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଓଡିଆ ନବବର୍ଷ ମହୋତ୍ସବ କମିଟି ପକ୍ଷରୁ ଆଜି କଟକ ନିଓ ଷ୍ଟୁଆର୍ଟ ସ୍କୁଲ ଠାରେ ଆୟୋଜିତ ଏହି ସର୍ବଧର୍ମ ରକ୍ତଦାନ ଶିବିରକୁ ସହଯୋଗର ହାତ ବଢାଇଥିଲା ସମ୍ବାଦ ଆମ ଓଡିଶା । ଆଜି ରକ୍ତଦାନ କାର୍ଯ୍ୟକ୍ରମରେ ସମ୍ବାଦ ଓ ଆମ ଓଡିଶା ଅଧ୍ୟକ୍ଷ ସୈାମ୍ୟ ରଂଜନ ପଟ୍ଟନାୟକ ଯୋଗ ଦେଇଥିଲେ ।
ଏହି ଅବସରରେ ସୌମ୍ୟ ରଂଜନ ପଟ୍ଟନାୟକ କହିଛନ୍ତି ରାଜ୍ୟରେ ସାଂପ୍ରତିକ ପରିସ୍ଥିତିରେ ଏଭଳି ନିଆରା ଢଙ୍ଗରେ ରକ୍ତଦାନ ଶିବିର ବେଶ୍ ସ୍ୱାଗତଯୋଗ୍ୟ । ଝଭଳି ଆୟୋଜନ ସମସ୍ତଙ୍କୁ ଚେତାଇ ଦେବ କି ଜାତିଗତ ଭେଦଭାବ କେବ ମଧ୍ୟ ସଭ୍ୟ ସମାଜରେ ଗ୍ରହଣୀୟ ନୁହେଁ ।
ଏହା ସହ ଦେଖନ୍ତୁ ଏହି ଭିଡିଓ-