କନକ ବ୍ୟୁରୋ : ଢ଼େଙ୍କାନାଳରେ ଘଟିଛି ଅଭାବନୀୟ ଘଟଣା । କୀଡ଼ା ଅଧିକାରୀ ଜଣକ ଭିତରେ ଥିବା ସମୟରେ ପିଅନ୍ ଭୁଲରେ ତାଙ୍କୁ ତାଲା ପକାଇ ଦେଇଥିଲେ । ଆଉ ପ୍ରାୟ ଏକ ଘଂଟା ଭିତରେ ବନ୍ଦ ରହିବା ପରେ ତାଲି ଖୋଲିଥିଲା । ଆଉ କ୍ରୀଡ଼ା ଅଧିକାରୀ ଜଣକ ବାହାରକୁ ଆସିଥିଲେ । ସୂଚନା ଅନୁସାରେ କାର୍ଯ୍ୟବ୍ୟସ୍ତତା ଯୋଗୁଁ କ୍ରୀଡ଼ା ଅଧିକାରୀ ଜଣକ ଅନ୍ୟ ଏକ କୋଠରୀରେ ଥିଲେ, ଯାହା ପିଅନ ଜଣକ ଜାଣିପାରିନଥିଲେ । ଆଉ ବାହାର ପଟୁ ଭୁଲରେ କବାଟ ବନ୍ଦ କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏନେଇ କ୍ରୀଡ଼ା ଅଧିକାରୀ ଜଣକ କହିଛନ୍ତି ଏଥିରେ ପିଅନଙ୍କର କୌଣସି ଭୁଲ ନାହିଁ, କି ସେ ଜାଣିଶୁଣି କିଛି କରିନାହାନ୍ତି । ଅଫିସରେ ଜରୁରୀ କାଗଜପତ୍ର ଥାଏ । ଆଉ ସେସବୁର ଦାୟିତ୍ୱ ରଖିବା ଜରୁରୀ । ପିଅନଙ୍କ ଉପରେ ଦାୟିତ୍ୱ ଥିବାରୁ ସେ ତାଙ୍କ କାମ କରିଛନ୍ତି । ଅଫିସକୁ କାଳେ କିଏ ପଶିଯିବ ବୋଲି ପିଅନ କବାଟ ବନ୍ଦ କରିଥିଲେ ବୋଲି କହିଛନ୍ତି । ଆଉ ଡାକିବା ପରେ ସେ କବାଟ ଖୋଲିଥିଲେ । ଜାଣିଶୁଣି ସେ ଏପରି କିଛି କରିନାହାନ୍ତି ବୋଲି ମଧ୍ୟ କ୍ରୀଡ଼ା ଅଧିକାରୀ ଜଣକ କହିଛନ୍ତି ।