କନକ ବ୍ୟୁରୋ : ନଗଦ କାରବାର ୩ଲକ୍ଷ ଡେଇଁଲେ ଜରିମାନା । କଳାଧନ ରୋକିବାକୁ କେନ୍ଦ୍ରର କଡା ଆଭିମୁଖ୍ୟ । ଏପ୍ରିଲ ୧ ତାରିଖରୁ କଡାକଡି ହେବ ନୂଆ ନିୟମ । ୩ଲକ୍ଷରୁ ଅଧିକ ଟଙ୍କାର ନଗଦ କାରବାର କଲେ ଦେବାକୁ ପଡିବ ଶତପ୍ରତିଶତ ଜୋରିମାନା । ଏନେଇ ସମ୍ବାଦ ସରବରାହ ସଂସ୍ଥା ପିଟିଆଇକୁ ସୂଚନା ଦେଇଛନ୍ତି ରାଜସ୍ୱ ସଚିବ ହସମୁଖ ଆଧିଆ ।
Kanak News is now on WhatsApp
Join and get latest news updates delivered to you via WhatsApp
୩ଲକ୍ଷ ଟଙ୍କାରୁ ଅଧିକ ନଗଦ କାରବାର ଉପରେ କଟକଣା ନେଇ ବଜେଟରେ ଘୋଷଣା କରିଥିଲେ ଅର୍ଥ ମନ୍ତ୍ରୀ ଅରୁଣ ଜେଟଲୀ । ତେବେ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଜୋରିମାନା ଟଙ୍କା ଗ୍ରହଣ କରୁଥିବା ବ୍ୟକ୍ତିଙ୍କୁ ଦେବାକୁ ପଡିବ । ଅର୍ଥାତ ୩ ଲକ୍ଷରୁ ଅଧିକ ନଗଦ ଟଙ୍କା ଗ୍ରହଣ କଲେ ସେହି ବ୍ୟକ୍ତିଙ୍କୁ ଏହାର ୧୦୦ ପ୍ରତିଶତ ଜରିମାନା ଆକାରରେ ଦେବାକୁ ପଡିବ ।
ଆପଣ ଯଦି ୪ ଲକ୍ଷ ଟଙ୍କାର ଏକ ଗହଣା କିଣୁଛନ୍ତି ତେବେ ଆପଣଙ୍କୁ ଗହାଣା ବିକିଥିବା ଜୁଏକାଲୀ ଦୋକାନୀଙ୍କୁ ୪ ଲକ୍ଷ ଟଙ୍କାର ଜରିମାନା ଗଣିିବାକୁ ପଡିବ । ବିଶେଷ କରି ନଗଦ କାରବାରରୁ ଲୋକଙ୍କୁ ନିରୁତ୍ସାହିତ କରିବା ପାଇଁ ଏହି ପଦକ୍ଷେପ ନିଆଯାଇଛି । ୩ଲକ୍ଷରୁ ଅଧିକ ଟଙ୍କାର କାରବାର ଚେକ୍ କିମ୍ବା ଡିଜିଟାଲ ମୋଡରେ କରିହେବ ବୋଲି ବଜେଟରେ ଘୋଷଣା କରାଯାଇଥିଲା ।