ପ୍ରଦୂଷଣ ରୋକି ପାରିଲେନି ଦିଲ୍ଲୀ ସରକାର ! NGT ଲଗାଇଲା ୫୦ କୋଟି ଟଙ୍କାର ଜୋରିମାନା ।
ପ୍ରଦୂଷଣ ରୋକିବାରେ ସମ୍ପୂର୍ଣ୍ଣ ଭାବେ ବିଫଳ ହୋଇଛି ଦିଲ୍ଲୀ ସରକାର । ଆଉ ଏଥିପାଇଁ ମୋଟା ଅଙ୍କ ଜୋରିମାନା ମଧ୍ୟ ଲାଗିଛି । ଦିଲ୍ଲୀ ସରକାରଙ୍କ ଉପରେ ୫୦ କୋଟି ଟଙ୍କାର ଜୋରିମାନା ଲଗାଇଛି ଏନଜିଟି । ଏନଜିଟିର ସୂଚନା ମୁତାବକ, ଦିଲ୍ଲୀର ପାଖାପାଖି ୬୨ ବଡ ୟୁନିଟସ ଉପରେ ଲଗାମ ଲଗାଇବାରେ ଡିପିସିସି ବିଫଳ ହେବା କାରଣରୁ ଏହି ଜୋରିମାନା ଲଗାଯାଇଛି । ଏନଜିଟି କହିଛି ଯେ, ତାଙ୍କ ପକ୍ଷରୁ ଦିଆଯାଇଥିବା ନିର୍ଦ୍ଦେଶର ଦିଲ୍ଲୀ ସରକାର ଏପର୍ଯ୍ୟନ୍ତ ପାଳନ କରିନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡିପିସିସି ପକ୍ଷରୁ ଏପର୍ଯ୍ୟନ୍ତ କୌଣସି ଆଫିଡେଭିଟ ଦିଆଯାଇନାହିଁ ଯେ, କିଭଳି ଏହି ବଡ ବଡ ୟୁନିଟସ ଗୁଡିକୁ ବିଜୁଳି ଏବଂ ପାଣି କନେକସନ୍ ଦିଆଯାଇଛି । ତେବେ ଏନେଇ ଡିପିସିସିର ଚେୟାରମ୍ୟାନଙ୍କୁ ଗିରଫ କରିବା ନିମନ୍ତେ ଏବେ ଚର୍ଚ୍ଚା ଜୋର ଧରିଛି । ଦିଲ୍ଲୀ ଏନସିଆରରେ ଥଣ୍ଡା ବଢିବା ସହ ପବନ ମଧ୍ୟ ବିଷାକ୍ତ ହୋଇଯାଇଥାଏ । ତେବେ ପ୍ରଦୂଷଣ ରୋକିବାରେ ଡିପିସିସି ସମ୍ପୂର୍ଣ୍ଣ ଭାବେ ବିଫଳ ହୋଇଥିବାରୁ ଦିଲ୍ଲୀ ସରକାରଙ୍କ ଉପରେ ୫୦ କୋଟି ଟଙ୍କାର ଜୋରିମାନା ଲଗାଇଛି ଏନଜିଟି ।