ଏକକ ନିର୍ବାଚନ ସପକ୍ଷରେ ନବୀନ : ପିସିସି ସଭାପତି କହିଲେ, ସମଦୂରତ୍ୱର ଦ୍ୱାହି ଦେଇ ନବୀନ ସବୁ କଥାରେ ମୋଦିଙ୍କୁ ସମର୍ଥନ କରୁଛନ୍ତି
କନକ ବ୍ୟୁରୋ : ଏକକ ନିର୍ବାଚନକୁ ନେଇ ମୋଦିଙ୍କ ପ୍ରସ୍ତାବକୁ ନବୀନ ପଟ୍ଟନାୟକଙ୍କ ସମର୍ଥନ ଉପରେ ପ୍ରତିକ୍ରିୟା ରଖିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । ସେ କହିଛନ୍ତି, ମୁଖମନ୍ତ୍ରୀ ନିଜ ରାଜ୍ୟ କଥା ଭାବୁଛନ୍ତି ସାରା ଦେଶ କଥା ଚିନ୍ତା କରୁନାହାନ୍ତି । ସମଦୂରତ୍ୱର ଦ୍ୱାହି ଦେଇ ନବୀନ କିନ୍ତୁ ସବୁ କଥାରେ ମୋଦିଙ୍କୁ ସମର୍ଥନ କରୁଛନ୍ତି । ନବୀନଙ୍କ ସ୍ପଷ୍ଟ ମତ ନାହିଁ । ଜଲଦି ନିର୍ବାଚନ ହେଲେ ବିଜେଡିକୁ ଫାଇଦା ମିଳିବ । ତେବେ ସମୟ କମ ଥିଲେ ବି କଂଗ୍ରେସ ନିର୍ବାଚନ ପାଇଁ ପ୍ରସ୍ତୁତ ଅଛି । ବିଜେଡି ସହ ମେଂଟକୁ ଅସ୍ୱୀକାର କରି ବିେଜେଡି ବିରୋଧରେ ଲଢିବୁ ବୋଲି କହିଛନ୍ତି ନିରଞ୍ଜନ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସାରା ଦେଶରେ ଏକକ ନିର୍ବାଚନ କରିବା ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଧାନମନ୍ତ୍ରୀଙ୍କ ପ୍ରସ୍ତାବକୁ ସମର୍ଥନ ଜଣାଇବା ପରେ ଏହାକୁ ନେଇ ଜୋର ଧରିଛି ଚର୍ଚ୍ଚା । ବିଭିନ୍ନ ପ୍ରସଙ୍ଗରେ କେନ୍ଦ୍ରକୁ ଖୋଲାଖୋଲି ବିରୋଧ କରୁଥିବା ନବୀନ ଏହି ପ୍ରସଙ୍ଗରେ କାହିଁକି ସମର୍ଥନ କଲେ ସେ ନେଇ ରାଜନୈତିକ ମହଲରେ ଆଲୋଚନା ଆରମ୍ଭ ହୋଇଛି । ବଡ ପ୍ରଶ୍ନ ଉଠୁଛି, ବିଜେଡିକୁ ଏଥିରୁ କି ଫାଇଦା ମିଳିବ । କାହିଁକି ସମର୍ଥନ କଲେ ନବୀନ । ଏକକ ନିର୍ବାଚନ ପ୍ରସଙ୍ଗରେ ନିଜର ବିଚାର ରଖିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଥିଲେ ଲ କମିଶନ । ଆଉ ଏହାକୁ ସମର୍ଥନ କରିଛନ୍ତି ନବୀନ ପଟ୍ଟନାୟକ ।