ସାକ୍ଷାତ କଲେ ଶୀର୍ଷ ନେତା, ତେଜିିଲା ରାଜନୀତି । ନବୀନ-ଧର୍ମେନ୍ଦ୍ରଙ୍କ ଭେଟଘାଟକୁ ରାଜନୀତି ରଙ୍ଗ ଦେଲେ ପିସିସି ସଭାପତି ।
କନକ ବ୍ୟୁରୋ: ଦିଲ୍ଲୀରେ ଭେଟଘାଟ୍ ପରେ ଜୋର ଧରିଲା ରାଜନୀତି । ଦିଲ୍ଲୀ ଓଡିଶା ଭବନରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମଧ୍ୟରେ ସାକ୍ଷାତକୁ ନେଇ ଆରମ୍ଭ ହୋଇଛି ବୟାନବାଜି । ଗତକାଲି ଓଡିଶାର ବିକାଶ ଦିଗରେ ଉଭୟ ଶୀର୍ଷ ନେତାଙ୍କ ସାକ୍ଷାତ ରାଜ୍ୟ ରାଜନୀତିକୁ ଖୋରାକ ଯୋଗାଇଛି । ନବୀନ-ଧର୍ମେନ୍ଦ୍ରଙ୍କ ସାକ୍ଷାତକୁ ନେଇ ପିସିସି ସଭାପତି ନିରଞ୍ଜନ ପଟ୍ଟନାୟକ ନିଶାନା କରିଛନ୍ତି । କହିଛନ୍ତି କି, ନିର୍ବାଚନ ବେଳେ ବିଜେପି ବିରୋଧରେ ବର୍ଷୁଥିବା ନବୀନ, ଏବେ ବିଜେପି ଆଡକୁ ଢଳୁଛନ୍ତି, ଆଉ ବିଜେପିର ନିକଟତର ହେବାକୁ ଉଦ୍ୟମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ପିସିସି ସଭାପତି ନିରଂଜନ ପଟ୍ଟନାୟକ ଅଭିଯୋଗ କରିଛନ୍ତି କି, ବିଜେଡିକୁ ଚିଟଫଣ୍ଡ୍ ଭୟ ଘାରିଥିବାରୁ ବିଜେପି ସହ ସମଦୂରତା କଥା କହୁଥିବା ମୁଖ୍ୟମନ୍ତ୍ରୀ ଏବେ ବିଜେପିର ନିକଟତର ହେଉଛନ୍ତି । ଯଦି ଗଣମାଧ୍ୟମରେ ନବୀନ କହିଥିବା କଥା ସତ ଏବଂ ଓଡ଼ିଶାର ବିକାଶ ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ଦାୟିତ୍ୱ ରହିଛି ତେବେ ଏଭଳି ସମ୍ପର୍କ ରହିବା ସ୍ୱାଗତଯୋଗ୍ୟ ବୋଲି କହିଛନ୍ତି ନିରଞ୍ଜନ ।
ଅନ୍ୟପଟେ ପିସିସି ସଭାପତିଙ୍କ ଏଭଳି ଅଭିଯୋଗ ପରେ ଉଭୟ ଶାସକ ବିଜେଡି ଓ ବିରୋଧୀ ବିଜେପି ଜବାବ୍ ରଖିଛନ୍ତି । ଆଉ ଏହି ସାକ୍ଷାତକୁ ସୌଜନ୍ୟମୂଳକ କହିବା ସହିତ ଏହାକୁ ନେଇ ରାଜନୀତି କରାନଯାଉ ବୋଲି ପ୍ରତିକ୍ରିୟାରେ ବିଜେଡି ଓ ବିଜେପି କହିଛନ୍ତି ।