ଆଧୁନିକ ଯୁଗର ବିଶ୍ୱକର୍ମା ଦୈତାରୀ ନାୟକଙ୍କୁ ଭେଟିଲେ ପସିସି ସଭାପତି ନିରଞ୍ଜନ ପଟ୍ଟନାୟକ ! ସାହାଯ୍ୟ ପାଇଁ ଦେଲେ ପ୍ରତିଶୃତି
କନକ ବ୍ୟୁରୋ : ଆଜି ପିସିସି ସଭାପତି ନିରଞ୍ଜନ ପଟ୍ଟନାୟକ ମାଉଂଟେନ ମ୍ୟାନ ଦୈତାରୀ ନାଏକଙ୍କ ଗାଁ ତଳ ବୈତରଣୀକୁ ଗସ୍ତ କରିଛନ୍ତି । ସେଠାରେ ଦୈତାରୀ ନାୟକଙ୍କୁ ସମ୍ବର୍ଦ୍ଧିତ କରିବା ସହ ପାହାଡ କାଟି ଦୈତାରୀ ତିଆରି କରିଥିବା ନାଳ ଏବଂ ଚାଷ ଜମି ବୁଲି ଦେଖିଥିଲେ ନିରଞ୍ଜନ । ଏଥିସହ ଗ୍ରାମର ସମସ୍ୟା ସମ୍ପର୍କରେ ସ୍ଥାନୀୟ ଲୋକଙ୍କ ସହ ଆଲୋଚନା କରିଥିଲେ । ପରେ ଜିଲ୍ଲାପାଳଙ୍କ ସହ ଫୋନରେ କଥାବାର୍ତା ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଦୈତାରି ନିଜ ଗାଁ ପାଖ ପାହାଡ ଉପରେ ଥିବା ଝରଣା ପାଣିକୁ ଚାଷ ଜମିକୁ ଆଣିବା ପାଇଁ ଦୀର୍ଘ ୩ କିଲୋମିଟର ପାହାଡ କାଟିଥିଲେ । ଏଥିପାଇଁ ତାଙ୍କୁ ୪ବର୍ଷର ଅକ୍ଲାନ୍ତ ପରିଶ୍ରମ କରିବାକୁ ପଡିଥିଲା । ଆଉ ଦୈତାରୀଙ୍କ ଧୈର୍ଯ୍ୟ ଆଗରେ ବାଲିଘର ଭଳି ଭୁଷିଡ଼ି ପଡ଼ିଥିଲା ପାହାଡ଼ । ଆଉ ୪୦୦ ଏକର ଟାଙ୍ଗରା ଜମି ହୋଇଥିଲା ଶସ୍ୟଶାମଳା । କେବଳ ଦୈତାରୀଙ୍କ ଜମି ନୁହେଁ ପୂରା ଗାଁ ଲୋକଙ୍କ ଜମି ସବୁଜିମାରେ ହସି ଉଠିଥିଲା । ଆଉ ଏହି ଘଟଣା ସାମ୍ନାକୁ ଆସିବା ପରେ ଦୈତାରୀଙ୍କୁ ନେଇ ପୂରା ଅଞ୍ଚଳରେ ଚର୍ଚ୍ଚା ଜୋର ଧରିଥିଲା ।