ପିସିସି ନେତୃତ୍ୱରେ ସ୍ଥିତାବସ୍ଥା ନେଇ ଏଆଇସିସିର ଚିଠି : ବିଧାୟକଙ୍କ ପ୍ରଶ୍ନ, କୁଆଡେ ଗଲା ପର୍ଯ୍ୟବେକ୍ଷକଙ୍କ ଅନୁଧ୍ୟାନ ରିପୋର୍ଟ
କନକ ବ୍ୟୁରୋ : ଯିଏ ନିଜ ନିର୍ବାଚନ ମଣ୍ଡଳୀରେ ଉଧେଇ ପାରୁନି, ସିଏ ସାରା ରାଜ୍ୟରେ କଂଗ୍ରେସକୁ କିଭଳି ସମ୍ଭାଳିବେ । ଏଭଳି ଏକ ବୟାନ ଦେଇ ସିଧାସଳଖ ପ୍ରଦେଶ କଂଗ୍ରେସର ନେତୃତ୍ୱ ନେଉଥିବା ପ୍ରସାଦ ହରିଚନ୍ଦନଙ୍କ ଆଡକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି ସୁନ୍ଦରଗଡ଼ ବିଧାୟକ । ପରବର୍ତୀ ନିଷ୍ପତ୍ତି ନହେବା ଯାଏଁ ପିସିସି ସଭାପତି ପରିବର୍ତନ ହେବ ନାହିଁ ବୋଲି ଯେତେବେଳେ କଂଗ୍ରେସ ଅଧ୍ୟକ୍ଷ ଚିଠି ଜରିଆରେ ସ୍ପଷ୍ଟ କରିଦେଇଛନ୍ତି । ଠିକ୍ ସେତିକି ବେଳେ ପୁଣି ବାହାରିଛି କଂଗ୍ରେସର ପୁରୁଣା ରୋଗ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ଛତିଶଗଡ଼ ଇଲେକ୍ସନ କମିଟିକୁ ପାରିତ କରିଥିବା ବେଳେ ଭୁପେଶ ବାଘେଲ ସଭାପତି ଦାୟିତ୍ୱ ବଜାୟ ରଖିଛନ୍ତି । ଏହା ସହ ଦୁଇ ଜଣ କାର୍ଯ୍ୟକାରୀ ସଭାପତିଙ୍କୁ ନିଯୁକ୍ତି ଦେଇଛନ୍ତି । କିନ୍ତୁ ଓଡ଼ିଶାରେ ପିସିସି ପରିବର୍ତନ ନେଇ ଦାବି ଜୋରଦାର ହେବା ପରେ କେନ୍ଦ୍ରରୁ ଆସିଥିବା ପର୍ଯ୍ୟବେକ୍ଷକ ଟିମ୍ ଅନୁଧ୍ୟାନ କରି ଫେରିଗଲେ ସିନା, ହେଲେ ଫଳାଫଳ କିଛି ଜଣାପଡ଼ିଲା ନାହିଁ ।
୨୦୧୯ ନିର୍ବାଚନ ପାଇଁ ଯେତେବେଳେ ବିଜେଡି ଏବଂ ବିଜେପି ତୃଳମୂଳସ୍ତରରେ ସଂଗଠନ ମଜବୁତ କରିବାକୁ ଉଦ୍ୟମ କରୁଛନ୍ତି । ପ୍ରତିଦିନ କୌଣସି ନା କୌଣସି ପ୍ରସଙ୍ଗରେ ଲୋକଙ୍କ ପାଖକୁ ଯାଉଛନ୍ତି । ଠିକ୍ ସେିତିକି ବେଳେ ଏବେବି କଂଗ୍ରେସ ସେଇ ନେତୃତ୍ୱ ପରିବର୍ତନର କୋଲକଧନ୍ଦା ଭିତରେ ଛନ୍ଦି ହୋଇ ରହିଛି ।