ଆରମ୍ଭ ହେଲା ପେଟିଏମର ପେମେଣ୍ଟ ବ୍ୟାଙ୍କ ! ୨୫ ହଜାର ଜମା କଲେ ମିଳିବ ୨୫୦ ଟଙ୍କାର କ୍ୟାସବ୍ୟାକ୍
ଡିଜିଟାଲ ପେମେଣ୍ଟ କମ୍ପାନୀ ପେଟିଏମ ମଙ୍ଗଳବାର ନିଜର ପେମେଣ୍ଟ ବ୍ୟାଙ୍କ ଲଞ୍ଚ କରିଛି । ଏହି ବ୍ୟାଙ୍କ ନିଜର ଗ୍ରାହକଙ୍କୁ ଟଙ୍କା ଜମା କଲେ ୪ ପ୍ରତିଶତ ସୁଧ ସହ କ୍ୟାସବ୍ୟାକ ଦେବ ବୋଲି ସୂଚନା ରହିଛି । ଆପଣ ଯଦି ପେଟିଏମ ବ୍ୟାଙ୍କ ଖାତାରେ ୨୫,୦୦୦ ଟଙ୍କା ଜମା କରୁଛନ୍ତି, ତେବେ ଏଥିରେ ଆପଣଙ୍କୁ ୨୫୦ ଟଙ୍କାର କ୍ୟାସବ୍ୟାକ୍ ମଧ୍ୟ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଏହା ବ୍ୟତୀତ ସବୁଠାରୁ ଗରୁତ୍ୱପୂର୍ଣ୍ଣ କଥା ହେଲା ଅନଲାଇନ ଟ୍ରାନଜାକ୍ସନ ଉପରେ କୌଣସି ଶୁଳ୍କ ଦେବାକୁ ପଡିବ ନାହିଁ । ଏହାସହ ଯେଉଁମାନେ ପେଟିଏମରେ ଆକାଉଣ୍ଟ ଖୋଲିଛନ୍ତି ସେମାନଙ୍କୁ ସର୍ବନିମ୍ନ ରାଶି ରଖିବା ବାଧ୍ୟତାମୂଳକ ନୁହଁ । ପେଟିଏମ ୨୦୨୦ ପର୍ୟ୍ୟନ୍ତ ୫୦ କୋଟି ଗ୍ରାହକ ପାଇଁ ଟାର୍ଗେଟ ରଖିଛି ।
– ପେଟିଏମ ପେମେଣ୍ଟ ବ୍ୟାଙ୍କ ଆସନ୍ତା ୨ ବର୍ଷରେ ଦେଶ ସାରା ନିଜର ବ୍ୟାଙ୍କିଙ୍ଗ୍ ନେଟୱର୍କ ତିଆରି କରିବା ପାଇଁ ୪୦୦ କୋଟି ଟଙ୍କା ଅର୍ଥ ବିନିଯୋଗ କରିଛି । ଏହି ବ୍ୟାଙ୍କକୁ ଚୀନ କମ୍ପାନୀ ‘ଅଲୀବାବା’ ଓ ‘ଜାପାନ ଗ୍ରୁପ ଷ୍ଟକ ବ୍ୟାଙ୍କ’ ର ଆର୍ଥିକ ସହାୟତା ରହିଛି ।
– ପେଟିଏମ ବ୍ୟାଙ୍କରେ କୌଣସି ବି ସାଧାରଣ ବ୍ୟାଙ୍କ ପରି ଖାତା ଖୋଲାଯାଇ ପାରିବ । କମ୍ପାନୀ ଅପରେସନ ଆରମ୍ଭ କରିବା ପୂର୍ବରୁ ତାକୁ ଏନେଇ ମଞ୍ଜୁରୀ ମଧ୍ୟ ମିଳିସାରିଛି ।
– କମ୍ପାନୀ ପ୍ରଥମ ବର୍ଷରେ ହିଁ ୩୧ ଟି ବ୍ରାଞ୍ଚ ଓ ୩୦୦୦ ଗ୍ରାହକ ସେବା ପଏଣ୍ଟର ଟାର୍ଗେଟ ରଖିଛି ।
ଜାଣନ୍ତୁ କିପରି ଖୋଲିବେ ଆକାଉଂଟ –
-ପେଟିଏମ ତରଫରୁ ଗ୍ରାହକଙ୍କୁ ପଠା ଯାଇଥିବା ଏସଏମଏସରେ କୁହାଯାଉଛି ୱାଲେଟରେ ରଖା ଯାଇଥିବା ଟଙ୍କାକୁ ପେଟିଏମ ପେମେଣ୍ଟ ବ୍ୟାଙ୍କ ଲିମିଟେଡକୁ ଟ୍ରାନ୍ସଫର କରିଦିଆଯିବ ।
– ଏବେ ପେଟିଏମ ପାଖରେ ଅଛନ୍ତି ୨୨ କୋଟି ଗ୍ରାହକ, ଯେଉଁମାନେ ଡିଜିଟାଲ ୱାଲେଟ ବ୍ୟବହାର କରୁଛନ୍ତି । ତାଙ୍କର ୱାଲେଟ ହିଁ ପେମେଣ୍ଟ ବ୍ୟାଙ୍କରେ ବଦଳିଯିବ ।
– ଏହାପରେ ଗ୍ରାହକଙ୍କୁ କେୱାଇସି କରାଇବାକୁ ପଡିବ ଏବଂ ତାଙ୍କର ଆକାଉଂଟ ଖୋଲିଯିବ ।
ସୌଜନ୍ୟ-ମନିଭାସ୍କର.କମ