ପେଟିଏମ ବ୍ୟବହାର କରୁଛନ୍ତି କି? ଧ୍ୟାନ ଦିଅନ୍ତୁ ନଚେତ ଆପଣ ବି ହୋଇ ପାରନ୍ତି ଠକାମୀର ଶିକାର
ଯଦି ଆପଣ ପେଟିଏମ ବ୍ୟବହାର କରୁଛନ୍ତି ତେବେ ଆପଣଙ୍କ ପାଇଁ ଏହା ବିଶେଷ ଧ୍ୟାନ ଦେବାର ରହିଛି ଆବଶ୍ୟକ
କନକ ବ୍ୟୁରୋ : ବର୍ତମାନ ସମୟରେ ଧିରେ ଧିରେ ମଣିଷ କ୍ୟାସଲେସ ବ୍ୟବସ୍ଥା ଆଡକୁ ଗତି କରିବାରେ ଲାଗିଛି । ତେବେ ସବୁଠାରୁ ତଥା ବହୁଳ ଭାବରେ ପରିଚିତ ଥିବା ଅନଲାଇନ ବ୍ୟବସ୍ଥା ମଧ୍ୟରେ ପେଟିଏମ ମଧ୍ୟ ରହିଛି । ଯଦି ଆପଣ ପେଟିଏମ ବ୍ୟବହାର କରୁଛନ୍ତି ତେବେ ଆପଣଙ୍କ ପାଇଁ ଏହା ବିଶେଷ ଧ୍ୟାନ ଦେବାର ରହିଛି ଆବଶ୍ୟକ । କାରଣ ଏହି ଖବର ଜାଣିବା ପରେ ଆପଣ ବି ହୋଇଯିବେ ଚକିତ । କାରଣ ଏହାରି ମାଧ୍ୟମରେ ଆପଣ ବି ହୋଇ ପାରନ୍ତି ଠକାମୀର ଶିକାର । ମିଳିଥିବା ସୂଚନା ଅନୁସାରେ ଗାଜିୟାବାଦର ଏକ ପେଟିଏମ ବ୍ୟବହାରକାରୀଙ୍କ ନିକଟକୁ ଏକ ଫୋନ କଲ ଆସିଥିଲା । ଏହାପରେ ସେହି ଗ୍ରାହକଙ୍କ ଆକାଉଣ୍ଟରୁ ୧ ଲକ୍ଷ ଟଙ୍କା ଗାଏବ ହୋଇଯାଇଥିବା ସେ ସ୍ଥାନୀୟ ପୋଲିସ ସୂଚନା ଦେଇଛନ୍ତି । ମିଳିଥିବା ସୂଚନା ଅନୁସାରେ, ଅକ୍ଟୋବର ୨୯ ତାରିଖରେ ଏକ ଆସିଥିଲା । ଏହାପରେ ସେହି କଲ କରିଥିବା ସମ୍ପୃକ୍ତ ବ୍ୟକ୍ତିଙ୍କୁ କହିଥିଲେ ଯେ, ଆପଣଙ୍କର ଏକ ଲଟେରୀ ଉଠିଛି । ଏହାପରେ ଫୋନ କଲ କାଟିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପରେ ପେଟିଏମ ବ୍ୟବହାରକାରୀ ପ୍ରକୃତରେ କିଏ କଲ କରିଛନ୍ତି ତାହା ଜାଣିବା ପାଇଁ ଆଉ ଥରେ ଫୋନ ଆସିଥିବା ବ୍ୟକ୍ତିଙ୍କ ନିକଟକୁ କଲ କରିଥିଲେ । ତେବେ ଏହାପରେ ତାଙ୍କ ଆକାଉଣ୍ଟରୁ ହଠାତ ଟଙ୍କା କଟିଯାଇଥିବା ସେ ପୋଲିସ ନିକଟରେ ଅଭିଯୋଗ କରିଥିଲେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେ, ସେହି ଫୋନ କଲ ଯାହା ପାଖକୁ ଆସିଥିଲା ସେ ଜଣେ ପୋଲିସ ସବ-ଇନସପେକ୍ଟର । ତେବେ ପୋଲିସ ଅଧିକାରା ହୋଇଥିଲେ ମଧ୍ୟ ଫସିଯାଇଥିଲେ । ଏହାପରେ ସେ ବ୍ୟାଙ୍କରେ ଯାଚଂ କରିବା ପରେ ଜାଣିବା ପାଇଁ ପାଇଥିଲେ ଯେ, ପେଟିଏମ୍ ଏବଂ ଫାଇନାନ୍ସିଆଲ୍ ସଫ୍ଟୱେୟାର୍ ସିଷ୍ଟମ୍ ମାଧ୍ୟମରେ ସପିଂ କରାଯାଇ ଟ୍ରାଞ୍ଜାକସନ୍ ହୋଇଛି । କେବଳ ଏତିକି ନୁହେଁ ସେ ପେଟିଏମ ମାଧ୍ୟମରେ ୨ ଥର ବିଜୁଳି ବିଲ ମଧ୍ୟ ଦେଇଛନ୍ତି ।
ତେବେ ଏପରି ଖବର ଜଣାପଡିବା ପରେ ସାରା ସହରରେ ଏହି ଖବର ବିଷୟରେ ଚର୍ଚ୍ଚା ଜୋର ଧରିଛି । ସାଇବର୍ ବିଶେଷଜ୍ଞଙ୍କ କହିବା ଅନୁଯାୟୀ, ଏସଆଇ ଯେଉଁ ନମ୍ବରକୁ କଲ ବ୍ୟାକ୍ କରିଥିଲେ ତାହା ପେମେଂଟ୍ ସିଷ୍ଟମ୍ ସହ କନେକ୍ଟ ହୋଇ କଟିଗଲା ଏବଂ ଖାତାରୁ ଟଙ୍କା ଚାଲିଗଲା । ଏହି ଖବର ପରେ ଯେଉଁମାନେ ବି ପେଟିଏମ ବ୍ୟବହାର କରୁଛନ୍ତି ସେମାନଙ୍କୁ ସଚେତନତା ହୋଇ ସପିଂ କରିବା ପାଇଁ ସମ୍ପୃକ୍ତ ଅଧିକାରୀ ଜଣକ କହିଛନ୍ତି ।
ତେବେ ଜାଣିରଖନ୍ତୁ କିପରି ଭାବରେ ବଚିଂବେ ଠକାମୀର ଶିକାରରୁ….
ସବୁ ଟ୍ରାଞ୍ଜାକ୍ସନ୍ ପରେ ଲଗ ଆଉଟ୍ କରନ୍ତୁ ।
ନେଟ୍ ବ୍ୟାଙ୍କିଙ୍ଗ୍ ସମୟରେ ପାସୱର୍ଡ ମଜଭୂତ ରଖନ୍ତୁ ।
ଅନଲାଇନ୍ ସପିଂ କରିବା ସମୟରେ ଆପ୍ଲିକେସନ୍ କମ୍ପ୍ୟୁଟରରେ କୌଣସି କୋର୍ଡ ସଂଚୟ କରନ୍ତୁ ନାହିଁ ।
ପ୍ରତିମାସରେ ନେଟବ୍ୟାଙ୍କିଙ୍ଗ୍ , ଇମେଲ୍, ଡେବିଟ୍ କାର୍ଡ ଏବଂ କ୍ରେଡିଟ୍ କାର୍ଡର ପାସୱର୍ଡ ପରିବର୍ତ୍ତନ କରନ୍ତୁ ।
ଅନଲାଇନ୍ ପେମେଂଟ୍ ସଫ୍ଟୱେୟାରରେ ସବୁବେଳେ ଲଗଇନ୍ ରୁହନ୍ତୁ ନାହିଁ
ଯଦି କୌଣସି ସ୍କିମ୍ ପାଇଁ କଲ୍ ଆସୁଛି ତେବେ କଲ୍ ବ୍ୟାକ୍ କରନ୍ତୁ ନାହିଁ ।