ଦଶହରା ଓ ରାବଣପୋଡିରେ ଶୃଙ୍ଖଳା ରକ୍ଷା ପାଇଁ ଚାଲିଥିଲା ପୋଲିସ ଅଧିକାରୀଙ୍କ ଗୁରୁତ୍ୱପୂର୍ଣ୍ଣ ବୈଠକ ! କିନ୍ତୁ ଶୋଇ ପଡିଥିଲେ ପୋଲିସ ବାବୁ ।
କନକ ବ୍ୟୁରୋ : ଶୋଇ ପଡିଲା କାନୁନ୍ । ଗୁରୁତ୍ୱପୂର୍ଣ୍ଣ ମିଟିଂରେ ଶୋଇ ପଡିଲେ ପୋଲିସ ଅଧିକାରୀ । ଘଟଣା ଘଟିଛି ବିହାର ରାଜଧାନୀ ପାଟଣାରେ । ଦଶହରା ପାଇଁ ଗୁରୁତ୍ୱପୂର୍ଣ ମିଟିଂ ଚାଲୁଥିବା ବେଳେ ନିଜ ସିଟରେ ଶୋଇ ପଡିଥିଲେ ପୋଲିସ ଅଧିକାରୀ । ପାଟଣା ଜ୍ଞାନଭବନରେ ଦଶହରା ଓ ରାବଣପୋଡିରେ ଶୃଙ୍ଖଳା ରକ୍ଷା ପାଇଁ ହେଉଥିଲା ପୋଲିସ ଅଧିକାରୀଙ୍କ ଗୁରୁତ୍ୱପୂର୍ଣ ମିଟିଂ । ଆଉ ଏହି ଗୁରୁତ୍ୱପୂର୍ଣ ବୈଠକରେ ଯୋଗ ଦେଇଥିଲେ ରାଜ୍ୟର ବହୁ ବରିଷ୍ଠ ଅଧିକାରୀମାନେ ।
Kanak News is now on WhatsApp
Join and get latest news updates delivered to you via WhatsApp
ଦୁର୍ଗାପୂଜା ଅବସରରେ ଶାନ୍ତି ଶୃଙ୍ଖଳା ରକ୍ଷା ପାଇଁ ଗୁରୁତ୍ୱପୂର୍ଣ୍ଣ ଆଲୋଚନା ଚାଲିଥିବା ବେଳେ ବହୁ ଆଇପିଏସ ଅଧିକାରୀ ଏଥିରେ ସାମିଲ ହୋଇଥିଲେ । କିନ୍ତୁ ବିଡମ୍ବନାର କଥା ହେଉଛି ଶାନ୍ତି ଶୃଙ୍ଖଳା ରକ୍ଷା ପୋଲିସ ପ୍ରଶାସନ ପକ୍ଷରୁ ଗୁରୁତ୍ୱପୂର୍ଣ୍ଣ ଆଲୋଚନା ଚାଲିଥିବା ବେଳେ ନିଜ ଆସନରେ ଶୋଇ ପଡିଥିଲେ କିଛି ବରିଷ୍ଠ ପୋଲିସ ଅଧିକାରୀ । ଆଉ ଏପରି ଦୃଶ୍ୟ କ୍ୟାମେରାରେ କଏଦ୍ ହେବା ପରେ ବିଭିନ୍ନ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି । କାରଣ ଯଦି ପୋଲିସ ଅଧିକାରୀ ଏହିପରି ଭାବେ ନିଜ ଦାୟିତ୍ୱ ପାଳନ କରନ୍ତି ତେବେ ଆଇନ ଶୃଙ୍ଖଳା କିପରି ଚାଲିବ ତାହା ସହଜରେ ଅନୁମାନ କରାଯାଇପାରେ ।