କେବେ ଦେଖିଛନ୍ତି କି ଏଭଳି ବିରଳ ଦୃଶ୍ୟ ? ପୂଜା ମଣ୍ଡପରେ ମା’ ଦୂର୍ଗାଙ୍କ ଚଣ୍ଡିପାଠ ସାଙ୍ଗକୁ ଶୁଭେ ନମାଜର ଅଜାନ୍ ।

3

ଦେଶରେ ଜାତି ଏବଂ ଧର୍ମାନ୍ଧତାକୁ ନେଇ ଯେଉଁଠି କଳହ ସୃଷ୍ଟି ହେଉଛି । ସେଠାରେ ସର୍ବଧର୍ମ ସମନ୍ୱୟ ଏବଂ ଭାଇଚାରାର ପ୍ରମାଣ ଦେଇଛନ୍ତି ଏହି ବ୍ୟକ୍ତି । ନାଁ ତାଙ୍କର ଅରମାନୀ ଖାଁ । ଦିନରେ ପାଞ୍ଚଥର ନମାଜ ପଢି ନିଜ ଧର୍ମକୁ ସମ୍ମାନ ଦେବା ସଙ୍ଗେ ସଙ୍ଗେ ନବରାତ୍ରୀ ସମୟରେ ୯ ଦିନର ଉପବାସ କରି ସମାଜର କଲ୍ୟାଣ ପାଇଁ ପୂଜା କରିଥାନ୍ତି । ନବରାତ୍ରୀ ସମୟରେ ମଧ୍ୟ ମା’ଦୂର୍ଗାଙ୍କ ପୂଜା କରିବା ସମୟରେ ନମାଜ ସମୟରେ ସେ ମଣ୍ଡପରେ ନମାଜ ପଢିଥା’ନ୍ତି । ଗୋଟିଏ ପଟୁ ମା’ଙ୍କ ମନ୍ତ୍ର ଉଚ୍ଚାରଣର ଧ୍ୱନି ଶୁଣାଯିବା ସହ ସେହି ମଣ୍ଡପରେ ହିଁ ନମାଜର ଅଜାନ୍ ମଧ୍ୟ ଶୁଣାଯାଏ । ମା’ଙ୍କ ପୂଜା ନିମିତ୍ତ ୯ ଦିନ ଧରି ଫଳାହାର କରୁଥିବା ଏହି ମୁସଲମାନ୍ ବ୍ୟକ୍ତିଙ୍କ ହିନ୍ଦୁ ଧର୍ମ ତଥା ପର୍ବ ପ୍ରତି ଥିବା ଆସ୍ଥା ଏବଂ ଶ୍ରଦ୍ଧା ଦେଖି ଲୋକ ତାଙ୍କୁ ସଦଭାବନାର ପୂଜାରୀ ଭାବିଥାନ୍ତି ।

ତେବେ ବର୍ତ୍ତମାନ ନିଜ ଘର ଛାଡି ସେ ମା’ଙ୍କ ପୂଜାମଣ୍ଡପରେ ହିଁ ରହୁଛନ୍ତି । ଏଠାରେ ହିଁ ଏକ ସଙ୍ଗେ ମା’ଙ୍କ ଆରାଧନା ଏବଂ ନମାଜର ଅଦା କରନ୍ତି ଅରମାନୀ । ତେବେ ଅରମାନୀଙ୍କ ଏହି ଭକ୍ତି ଦେଖି ବଗହା ନବଦୂର୍ଗା କମିଟିର ସଦସ୍ୟମାନେ ତାଙ୍କୁ କମିଟିର ଅଧ୍ୟକ୍ଷ ଦାୟିତ୍ୱ ଦେଇଛନ୍ତି । ତେବେ ଅରମାନୀ ୩ ବର୍ଷ ଧରି ମା’ଙ୍କ ପୂଜା ପାଇଁ ଉପବାସ କରୁଛନ୍ତି ।

ତେବେ ଏନେଇ ଅରମାନୀ ଖାଁଙ୍କୁ ପଚାରିଲେ ସେ କୁହନ୍ତି , ଆସ୍ଥା ଏବଂ ବିଶ୍ୱାସ ମଣିଷକୁ କେଉଁଠାରୁ କେଉଁଠାକୁ ନେଇ ପହଞ୍ଚାଇଦିଏ । ମୁଁ ତ ଆସ୍ଥାରେ ବିଶ୍ୱାସ ରଖେ କିନ୍ତୁ ଏହି ଆସ୍ଥା ଯେ ଜଣେ ମୁସଲୀମକୁ ହିନ୍ଦୁ ପୂଜା ମଣ୍ଡଳୀର ଅଧ୍ୟକ୍ଷ କରିଦେବ ତାହା ଜାଣିନଥିଲି । ପଟନାର ବରଗା ବାସିନ୍ଦା ଅରମାନୀଙ୍କ ଭଳି ଜଣେ ବ୍ୟକ୍ତିଙ୍କୁ ପାଇ ଖୁବ୍ ଖୁସି ଥିବା କୁହନ୍ତି ।

Comments are closed.