ପୁଣି ଥରେ ଲଂଚ ହେଲା ପତଞ୍ଜଳୀର କିମ୍ଭୋ ଆପ୍ ! ହ୍ୱାଟସଆପ୍ ସହ ହେବ କଡ଼ା ଟକ୍କର
ସ୍ୱାଧୀନତା ଦିବସ ଅବସରରେ ପତଞ୍ଜଳୀ ପୁଣି ଥରେ ଲଂଚ କରିଛି କିମ୍ବୋ ଆପ୍ । ପୂର୍ବରୁ ଲଂଚ ହୋଇଥିଲା ରାମଦେବ ବାବାଙ୍କ କିମ୍ଭୋ ଆପ୍ । କିନ୍ତୁ କୌଣସି ତ୍ରୁଟିବଶତଃ ଏହି ମେସେଜିଙ୍ଗ ଆପକୁ ବନ୍ଦ କରିଦିଆଯାଇଥିଲା । କୁହାଯାଉଛି ହ୍ୱାଟସଆପକୁ କଡ଼ା ଟକ୍କାର ଦେବ ସ୍ୱଦେଶୀ କିମ୍ଭୋ ଆପ୍ । ଏହି ଆପର ଅପଡ଼େଟ୍ ଫିଚର ସହ ଗୁଗଲ ପ୍ଲେଷ୍ଟୋର ସହ ଆଇଓଏସ୍ ଆପ୍ ଷ୍ଟୋରରେ ୨୭ ଅଗଷ୍ଟରେ ଉପଲବ୍ଧ କରାଯିବ । ପତଞ୍ଜିଳୀ ଆୟୁର୍ବେଦର ମ୍ୟାନେଜିଂ ଡାଇରେକ୍ଟର ଆଚାର୍ଯ୍ୟ ବାଳକୃଷ୍ଣ ଟ୍ୱିଟ୍ ଜରିଆରେ ଏନେଇ ସୂଚନା ଦେଇଛନ୍ତି । ଏହାସହ ସେ ଟ୍ୱିଟରରେ ଆପ୍ ଡାଉନଲୋଡ଼୍ କରିବା ପାଇଁ ଲିଙ୍କ୍ ମଧ୍ୟ ଦେଇଛନ୍ତି । ଏବଂ ଏହି ସ୍ୱଦେଶୀ ଆପ୍ ନେଇ ଲୋକଙ୍କ ପରାମର୍ଶ ମାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଚାର୍ଯ୍ୟ ବାଳକୃଷ୍ଣ ସ୍ୱାଧୀନତା ଦିବସ ଅବସରରେ ଅଭିନନ୍ଦନ ଜଣାଇବା ସହ ପତଞ୍ଚଳୀ ପରିବାର ଉପରେ ବିଶ୍ୱା ଥିବାନେଇ ଲୋକଙ୍କୁ ଧନ୍ୟବାଦ ଅର୍ପଣ କରିଛନ୍ତି । ସେ କହିଛନ୍ତି ଆଜି ସ୍ୱାଧୀନତା ଦିବସ ଉପଲକ୍ଷେ କିମ୍ଭୋ ଆପ୍ ସହ ଡିଜିଟାଲ ସ୍ୱାଧୀନତା ପାଳନ କରନ୍ତୁ । ସୂଚନା ଅନୁସାରେ ତେବେ ଅଗଷ୍ଟ ୨୭ ରେ ବିଧିବଦ୍ଧ ଭାବେ ଏହି ଆପକୁ ଲଂଚ କରାଯିବ । ତେଣୁ ଆପର ଲଂଚ ପୂର୍ବରୁ ସେ ଲୋକଙ୍କ ମତାମତ ଲୋଡ଼ିଛନ୍ତି ।
ହ୍ୱାଟସଆପ ଏବଂ କିମ୍ଭୋ ଭଳି ସୋସିଆଲ ମିଡିଆ ପ୍ଲାଟଫର୍ମ ସହ ବାବା ରାମଦେବଙ୍କର ଏହି ମେସେଜିଙ୍ଗ ଆପର ସିଧାସଳଖ ଟକ୍କର ହେବ । ହ୍ୱାଟସଆପ ଭଳି ଭିଡିଓ କଲିଙ୍ଗ ଫିଚର୍ସ ସହ ଏହି ଆପରେ ବ୍ୟବହାରକାରୀ ଟେକ୍ସଟ, ମେସେଜ, ଭିଡିଓ, ଫଟୋ ଏବଂ ଅଡିଓ କ୍ଲିପ ସାଙ୍ଗସାଥୀଙ୍କ ସେୟାର କରିପାରିବେ । ଏହି ଆପରେ ଲୋକେସନ ସେୟାର କରିବାର ଫିଚର୍ସ ମଧ୍ୟ ରହିଛି ।