ଏଣିକି ଋଣ ନେବାକୁ ହେଲେ ଦେବାକୁ ପଡିବ ପାସପୋର୍ଟ ତଥ୍ୟ । ଦେଶରେ ଗୋଟିଏ ପରେ ଗୋଟିଏ ଘୋଟାଲା ସାମ୍ନାକୁ ଆସୁଥିବା ବେଳେ କେନ୍ଦ୍ର ସରକାର ଏଭଳି କଡା ନିଷ୍ପତ୍ତି ନେଇଛନ୍ତି । ୫୦ କୋଟିରୁ ଉଦ୍ଧ୍ୱର୍ ଋଣ ନେଉଥିବା ବ୍ୟକ୍ତିଙ୍କୁ ଏଣିକି ନିଜ ପାସପୋର୍ଟର ବିଶଦ ତଥ୍ୟ ବ୍ୟାଙ୍କ ଅଧିକାରୀଙ୍କ ନିକଟରେ ଜମା କରିବାକୁ ପଡିବ । ଏହାକୁ ବାଧ୍ୟତାମୂଳକ କରାଯାଇଛି । ଯେଉଁମାନେ ବହୁତ ବଡ ପରିମାଣର ଅର୍ଥ ନେଇ ଠକିବା ସହ ଦେଶ ଛାଡିକରି ଚାଲିଯାଉଛନ୍ତି ସେମାନଙ୍କୁ ରୋକିବାକୁ ଏହି ପଦକ୍ଷେପ ଗ୍ରହଣ କରାଯାଉଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ପାସପୋର୍ଟ ତଥ୍ୟ ବ୍ୟାଙ୍କ ଅଧିକାରୀଙ୍କ ନିକଟରେ ରହିବା ଫଳରେ, ଯେଉଁମାନେ ଠକିବାର ମନୋବୃତ୍ତି ରଖୁଛନ୍ତି ସେମାନଙ୍କ ବାବଦରେ ବିଭିନ୍ନ ସଂସ୍ଥା ଅବଗତ ରହିପାରିବେ । ଏପରିକି ଦେଶ ଛାଡି ଯିବା ଆଗରୁ ସେମାନଙ୍କୁ ରୋକାଯାଇ ପାରିବ ବୋଲି ଅନୁମାନ କରାଯାଉଛି । ଆର୍ଥିକ ସେବା ସଚିବ ରାଜୀବ କୁମାର ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି । ଋଣ ଆବେଦନ କରିବାର ୪୫ ଦିନ ଭିତରେ ପାସପୋର୍ଟ ବାବଦ ତଥ୍ୟ ବ୍ୟାଙ୍କ ଅଧିକାରୀଙ୍କୁ ହାସଲ କରିବାକୁ ପଡିବ ।
ନୀରବ ମୋଦି, ମେହୁଲ ଚୋକସି, ବିଜଲ୍ୟ ମାଲ୍ୟାଙ୍କ ଭଳି ବ୍ୟକ୍ତି ଋଣ ନେଇ ପରିଶୋଧ କରିବା ବଦଳରେ ଦେଶ ଛାଡି ଚାଲିଯିବାରେ ସମର୍ଥ ହୋଇଥିଲେ । ଯାହାକୁ ନେଇ କେନ୍ଦ୍ର ସରକାର ବଦନାମୀର ଶିକାର ହୋଇଥିଲେ । ନୀରବ ମୋଦି ଓ ମେହୁଲ ଚୋକସୀ ପଂଜାବ ନ୍ୟାସନାଲ ବ୍ୟାଙ୍କରୁ ଠକେଇ କରି ୧୨ ହଜାର ୭୦୦ କୋଟିର ଋଣ ନେଇ ଦେଶ ଛାଡି ଚାଲି ଯାଇଥିଲେ । ଏହାପରେ କେନ୍ଦ୍ର ସରକାର ଏକ ବିଲ୍ ପାରିତ କରିଥିଲେ, ଯେଉଁଥିରେ ଠକେଇ ପରିମାଣକୁ ଅସୁଲ କରାଯିବାର ବ୍ୟବସ୍ଥା ମଧ୍ୟ ରହିଥିଲା ।
ସେହିଭଳି ବ୍ୟାଙ୍କିଙ୍ଗ ବ୍ୟବସ୍ଥାରେ ସୁଧାର ଆଣିବାକୁ ଆଉ ଏକ ପଦକ୍ଷେପ ମଧ୍ୟ ଗ୍ରହଣ କରାଯାଇଛି । ସମସ୍ତ ରାଷ୍ଟ୍ରାୟତ୍ତ ବ୍ୟାଙ୍କକୁ ନିର୍ଦ୍ଦେଶ ଦେଇ କେନ୍ଦ୍ର ଅର୍ଥ ମନ୍ତ୍ରଣାଳୟ କହିଥିଲା, ୫୦ କୋଟିରୁ ଅଧିକ ଟଙ୍କାର ଥିବା ଏନପିଏ ଆକାଉଂଟ ବାବଦରେ ଯାଂଚ କରି ଠକିଥିବା ବ୍ୟକ୍ତିମାନଙ୍କ ବାବଦରେ ସିବିଆକୁ ଅବଗତ କରାଯାଉ । ସେହିଭଳି ୨୫୦ କୋଟିରୁ ଅଧିକ ଟଙ୍କ ଋଣ ନେଇଥିବା ସଂସ୍ଥା ଗୁଡିକର କାର୍ଯ୍ୟକଳାପ ଉପରେ ନଜର ରଖାଯାଉ ।