ରେଳ ମନ୍ତ୍ରାଳୟର ନୂଆ ନିୟମ ! ଏଣିକି ଟ୍ରେନ ବିଳମ୍ବ ହେଲେ ଟଙ୍କା ଫେରିପାଇବେ ଯାତ୍ରୀ
ଭାରତୀୟ ରେଳ ବିଭାଗ ତତ୍କାଳ ଟ୍ରେନ ଟିକେଟ ବୁକିଂରେ ନିୟମରେ କେତେକ ପରିବର୍ତ୍ତନ ଆଣିଛି । । ତତ୍କାଳ ଟିକେଟ ବୁକ କରିବା ପୂର୍ବରୁ ଆପଣ ପ୍ରଥମେ ଆଇଆରସିଟିସିର ୱେବସାଇଟ ଓ ରେଳ ବିଭାଗର ଇ-ଟିକେଟ ମାଧ୍ୟମରେ ଜାଣିପାରିବେ । ତତ୍କାଳ କୋଟାରେ ଟିକେଟ ବୁକିଂ କଲେ କୌଣସି ରିହାତି ମିଳିବ ନାହିଁ । ତା ସହ ସେମାନଙ୍କ ପାଇଁ ପ୍ରଥମ ଶେଣ୍ରୀ ଏସି କ୍ଲାସରେ ସିଟ ମନା । ତତ୍କାଳ ସୁବିଧା ମିଳିବାର ଗୋଟିଏ ମିନିଟ ଭିତରେ ଆପଣ ଟିକେଟ ବୁକିଂ କରିହେବ ।
Kanak News is now on WhatsApp
Join and get latest news updates delivered to you via WhatsApp
ତତ୍କାଳ ଟିକେଟ ବୁକିଂ ସମୟ
ଟ୍ରେନରେ ଯାତ୍ରା କରିବାର ଗୋଟିଏ ଦିନ ଆଗରୁ ତକ୍ରାଳ ଟିକେଟ ବୁକିଂ କରିପାରିବେ । ଏସି କ୍ଲାସ ପାଇଁ ସକାଳ ୧୦ଟା ଓ ନନଏସି ପାଇଁ ସକାଳ ୧୧ଟାରୁ ଆପଣ ତତ୍କାଳ ଟିକେଟ ବୁକିଂ କରିପାରିବେ ।
ତତ୍କାଳ ରିଜର୍ଭେସନ ପାଇଁ କେତେ ଚାର୍ଜ ଦେବାକୁ ପଡିବ ?
ଟ୍ରେନରେ ଆପଣ ତତ୍କାଳଟିକେଟରେ ସର୍ବନିମ୍ନ ଶହେ କିଲୋମିଟର ଯାତ୍ରା ପାଇଁ ଆପଣଙ୍କୁ ସର୍ବନିମ୍ନ ଦଶଟଙ୍କା ଓ ସର୍ବାଧିକ ୧୫ ଟଙ୍କା ଶୁଳକ ଦେବା ଦେବାକୁ ପଡିବ । ସେହିପରି ତତ୍କାଳ ସ୍ଲିପରରେ ୫ଶହ କିଲୋମିଟର ଯାତ୍ରା ପାଇଁ ସର୍ବନିମ୍ନ ଶହେ ଟଙ୍କା ଓ ସର୍ବାଧିକ ୨ଶହ ଟଙ୍କା ଶୁଳକ ଦେବାକୁ ପଡିବ । ଏସି ଚେୟାର କାରରେ ଆପଣ ୨୫୦ କିଲୋମିଟର ଗଲେ ସର୍ବନିମ୍ନ ୧୨୫ ଓ ସର୍ବାଧିକ ୨୨୫ ଟଙ୍କା ଶୁଳକ ଦେବାକୁ ପଡିବ । ଏସି -୩ ଟାୟାରରେ୫ଶହ କିଲୋମିଟର ଗଲେ ସର୍ବନିମ୍ନ ୩ଶହ ଟଙ୍କା ଓ ସର୍ବାଧିକ ୪ଶହ ଟଙ୍କା ଶୁଳକ ଦେବାକୁ ପଡିବ । ଏସି -୨ ଟାୟାର ପାଇଁ ଯଥାକ୍ରମେ ୪ଶହ ଓ ୫ଶହ ଟଙ୍କା ଗ୍ରାହକଙ୍କୁ ଶୁଳକ ଦେବାକୁ ହେବ । ଏକଜିକ୍ୟୁଟିଭ କ୍ଲାସରେ ଯେଉଁମାନେ ସର୍ବନିମ୍ନ ୨୫୦ କିଲୋମିଟର ଯିବେ ସେମାନେ ଯଥାକ୍ରମେ ୪ଶହ ଓ ୫ଶହ ଟଙ୍କା ଶୁଳକ ଦେବାକୁ ହେବ । ଯେଉଁମାନଙ୍କର ତତ୍କାଳ ଟିକେଟ କନଫର୍ମ ହୋଇଥିବ ସେମାନେ ଟିକେଟ ବାତିଲ କଲେ ସେମାନଙ୍କୁ କୌଣସି ଟଙ୍କା ଫେରସ୍ତ କରାଯିବ ନାହିଁ ।
ୱେଟ ଲିଷ୍ଟ ଓ ଆରଏସିରେ ଥିବା ବ୍ୟକ୍ତିଙ୍କୁ ଟଙ୍କା ଫେରସ୍ତ କରାଯିବ
ଯେଉଁମାନେ ତତ୍କାଳ କୋଟାରେ ଆରଏସି କିମ୍ବା ୱେଟିଂ ଲିଷ୍ଟରେ ଥିବେ ସେମାନଙ୍କୁ ଟଙ୍କା ଫେରସ୍ତ କରାଯିବ ଯଦି ସେହି ବ୍ୟକ୍ତିମାନେ ଅଧଘଂଟା ଆଗରୁ ସେମାନଙ୍କ ଟିକେଟ ବାତିଲ କରିବେ । ଯଦି ଟ୍ରେନ ତିନି ଘଂଟା ବିଳମ୍ବ କରିଛି ତେବେ ଆପଣ ପ୍ରକୃତ କାରଣ ଦର୍ଶାଇ ଟଙ୍କା ଫେରସ୍ତ ପାଇଁ ଆବେଦନ କରିପାରିବେ ।
-ଯଦି ଟ୍ରେନ ତିନିଘଂଟା ବିଳମ୍ବରେ ଚାଲୁଥାଏ ।
-ଟ୍ରେନ ତାର ରୁଟ ପରିବର୍ତନ କରେ ଏବଂ ପାସେଂଜର ସେହି ରୁଟରେ ଯିବା ପାଇଁ ଇଚ୍ଛୁକ ନଥାଏ ।
-ଟ୍ରେନ ରୁଟ ପରିବର୍ତ୍ତନ କରିବାରେ ଯଦି ପାସେଂଜର ଓହ୍ଲାଇବାକୁ ଥିବା ଷ୍ଟେସନ ସେହି ରୁଟରେ ନପଡେ – ତତ୍କାଳ କୋଟାରେ ଯାତ୍ରା କରୁଥିବା ଯାତ୍ରୀଙ୍କୁ ଦିଆଯାଇଥିବା ଆକୋମୋଡେସନ ନମିଳିଲେ ସେମାନେ ରିଫଣ୍ଡ ପାଇଁ ଆବେଦନ କରିପାରିବେ ।
-ଯଦି ଯାତ୍ରୀ ଲୋୟର କ୍ଲାସରେ ଟିକେଟ ପାଇଥାଏ ଏବଂ ସେହି ଟିକେଟରେ ସେ ଯାତ୍ରା କରିବାକୁ ଚାହୁଁନଥାଏ ତେବେ ତାଙ୍କୁ ରିଫଣ୍ଡ କରାଯିବ ବୋଲି ରେଲ ବିଭାଗର ୱେବସାଇଟରେ ଉଲ୍ଲେଖ କରାଯାଇଛି ।
ଆଇଆରଟିସିର ନୂଆ ସୁବିଧା ମାଧ୍ୟମରେ କରିପାରିବେ ବୁକିଂ କରିପାରିବେ ତତ୍କାଳ ଟ୍ରେନ ଟିକେଟ
ଟ୍ରେନଯାତ୍ରୀଙ୍କ ପାଇଁ ଆଇଆରଟିସି ନୂଆ ପ୍ଲାନ ଆଣିଛି । ଯେଉଁମାନେ ଇ-ଟିକେଟ ମାଧ୍ୟମରେ ଟିକେଟ କାଟୁଥିବା ସେମାନେ ଅର୍ଥଶାସ୍ତ୍ର ଫିନଟେକର ‘ପେ ଲ୍ୟାଟର‘ରେ ଟଙ୍କା ପୈଠ କରିପାରିବେ । ପ୍ରଥମେ ଟିକେଟ ବୁକିଂ କରି ପରେ ଟଙ୍କା ଦେଇପାରିବେ । ଏଥିପାଇଁ ଇ-ଟିକେଟ କରୁଥିବା ସମୟରେ ପେ -ଲ୍ୟାଟର ଅପସନକୁ ଟିକ କରିବେ । ଏଥିପାଇଁ ଆପଣଙ୍କୁ ପେ-ଲ୍ୟାଟରରେ ରେଜିଷ୍ଟର କରିବାକୁ ପଡିବ । ଆଉ ଆପଣ ଟଙ୍କା ପୈଠ କରିବା ପାଇଁ ୧୪ ଦିନ ପାଇପାରିବେ ।