ସଂପର୍କ କ୍ରାନ୍ତି ଏକ୍ସପ୍ରେସର ପକୋଡ଼ାରେ ପୋକ ! ଏପରି ଖାଦ୍ୟରୁ ‘ପ୍ରଭୁ’ ହିଁ ବଂଚାଇପାରିବେ
ରେଲୱେରେ ନିମ୍ନ ମାନର ଖାଦ୍ୟ ମିଳୁଛି ବୋଲି ଅନେକ ସମୟରେ ଅଭିଯୋଗ ହୋଇଛି । ଆଉ ଗୋଟିଏ ପରେ ଗୋଟିଏ ଏହାର ଉଦାହରଣ ମଧ୍ୟ ସାମ୍ନାକୁ ଆସୁଛି । ଏବେ ବିହାର ସଂପର୍କ କ୍ରାନ୍ତି ଏକ୍ସପ୍ରେସରେ ଯାତ୍ରା କରୁଥିବା ଜଣେ ଯାତ୍ରୀଙ୍କ ପକୋଡ଼ା ପ୍ୟାକେଟରେ ପୋକ ମିଳିଥିବାର ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ବିହାରର ଛାପ୍ରା ଷ୍ଟେସନ୍ରୁ ନିଜ ପରିବାର ସହିତ ଯାତ୍ରା କରୁଥିବା ମହମ୍ମଦ ଆଜାଦ୍ ଅଲ୍ଲି ପାନଟ୍ରି ଷ୍ଟାଫଙ୍କୁ ପକୋଡ଼ା ପାଇଁ ସେ ଅର୍ଡ଼ର ଦେଇଥିଲେ । ପକୋଡ଼ା ଦିଆଯିବା ପରେ ସେ ତା’କୁ ଖୋଲି ନିଜର ୪ବର୍ଷର ପୁଅକୁ ଖୁଆଇଥିଲେ । ତେବେ ପୁଅକୁ କେତୋଟି ପକୋଡ଼ା ପିସ୍ ଖୁଆଇଲା ପରେ ତାଙ୍କ ନଜରକୁ ଆସିଥିଲା ସେହି ଭୟଙ୍କର ପୋକ । ଏହାପରେ ମହମ୍ମଦ ଆଜାଦ୍ ପାନ୍ଟ୍ରି ପରିଚାଳକଙ୍କୁ ଅଭିଯୋଗ କରିଥିଲେ ।
ତେବେ ଏ ସଂପର୍କରେ ଅନ୍ୟଜଣେ ସହଯାତ୍ରୀ କେନ୍ଦ୍ର ରେଳ ମନ୍ତ୍ରୀଙ୍କୁ ସୁରେଶ ପ୍ରଭୁଙ୍କୁ ଟ୍ଵିଟ୍ କରି ଜଣାଇଥିଲେ । ଅଭିଯୋଗ ପାଇବା ପରେ ରେଳମନ୍ତ୍ରୀ ମଧ୍ୟ ମାଇକ୍ରୋବ୍ଲଙ୍ଗି ସାଇଟ୍ ଜରିଆରେ ତୁରନ୍ତ ପଦକ୍ଷେପ ଗ୍ରହଣ କରିବାକୁ ରେଳବାଇ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । ତେବେ ସେହି ପକୋଡ଼ା ଖାଇଥିବା କେତେକ ଯାତ୍ରୀ ବାନ୍ତି ମଧ୍ୟ କରିଥିବା ସୂଚନା ମିଳିଛି ।
ଏହା ପୂର୍ବରୁ ଟ୍ରେନରେ ମିଳୁଥିବା ଖାଦ୍ୟ ମଣିଷ ଖାଇବା ପାଇଁ ଉପଯୁକ୍ତ ମାନର ନୁହେଁ ବୋଲି ସିଏଜି ରିପୋର୍ଟରେ ଖୁଲାସା ହୋଇଥିଲା । ରିପୋର୍ଟରେ କୁହାଯାଇଥିଲା ରେଳ ଷ୍ଟେସନରେ ଯେଉଁ ଖାଦ୍ୟ ପରସା ଯାଉଛି , ଏହା ମଣିଷ ଖାଇବାକୁ ସଂପୂର୍ଣ୍ଣ ଅନୁପଯୁକ୍ତ ଅଟେ । ରିପୋର୍ଟ ଅନୁସାରେ ଟ୍ରେନ୍ ଓ ଷ୍ଟେସନରେ ଦିଆଯାଉଥିବା ଜିନିଷ ପ୍ରଦୂଷିତ ଅଟେ । ଡବା ବନ୍ଦ ଓ ବୋତଲ ବନ୍ଦ ଜିନିଷର ଏକ୍ସପାୟରୀ ଡେଟ୍ ସରିବା ପରେ ବି ବିକ୍ରି କରାଯାଉଛି ।
ଯାଂଚ ଦ୍ୱାରା ଏହା ବି ଜାଣିବାକୁ ମିଳିଛି ଯେ , ରେଳ ଷ୍ଟେସନ ପରିସର ଓ ଟ୍ରେନରେ ପରିଷ୍କାର ପରିଚ୍ଛନତା ପ୍ରତି ଆଦୈା ଦୃଷ୍ଟି ଦିଆଯାଉନାହିଁ । ଏହା ଛଡା ଟ୍ରେନରେ ବିକ୍ରି ହେଉଥିବା ଜିନିଷର ବିଲ୍ ବି ଦିଆଯାଉନାହିଁ ଏବଂ ଫୁଟ୍ କ୍ୱାଲିଟ ମଧ୍ୟ ଜମା ଭଲ ରହୁନାହିଁ । ସିଏଜି ଓ ରେଳର ଯାଂଚ ଟିମ୍ ୭୪ଟି ଷ୍ଟେସନ ଓ ୮୦ଟି ଟ୍ରେନର ଅନୁଧ୍ୟାନ କରିବା ପରେ ଏହି ରିପୋର୍ଟ ପ୍ରସ୍ତୁତ କରିଛନ୍ତି । ଏହି ସମସ୍ୟା ପ୍ରତି ରେଳ ପ୍ରଶାସନର ପଦକ୍ଷେପ ମଧ୍ୟ ପ୍ରଭାବହୀନ । ଏହା ଯୋଗୁଁ ଯାତ୍ରୀଙ୍କୁ ଖାଦ୍ୟ ଓ ପାନୀୟ ପଦାର୍ଥର ଅଧିକ ଦେବାକୁ ପଡୁଛି । ଠିକାଦାରମାନେ ଟ୍ରେନ ଓ ଷ୍ଟେସନରେ ଅସ୍ୱଚ୍ଛ ଓ ନିମ୍ନ ଗୁଣବତାର ଖାଦ୍ୟ ପଦାର୍ଥ ବିକ୍ରି ଜାରି ରଖୁଛନ୍ତି ।
ଆଉ ମଧ୍ୟ ରିପୋର୍ଟରେ ଦର୍ଶାଯାଇଛି , ବ୍ରାଣ୍ଡର ଚୟନ କ୍ଷେତ୍ରୀୟ ରେଲୱେ ଦ୍ୱାରା କରାଯାଉଛି । କିନ୍ତୁ ଏଥିରେ ମୂଲ୍ୟର ଉଲ୍ଲେଖ କରାଯାଉନାହିଁ । ବ୍ରାଣ୍ଡ ଅଧିକୃତ ବିକ୍ରେତା ଙ୍କୁ ଏହି ସର୍ତ୍ତ ସହ ଏମଆରପି ଉପରେ ବିକ୍ରୟ ଅନୁମତି ଦିଆଯାଇଛି । ଖୋଲା ବଜାରରେ ବିକ୍ରି କରାଯାଉଥିବା ସମାନ ଉତ୍ପାଦର ଏମଆରପି ଠାରୁ ଯେମିତି ଅଧିକ ହେବ ନାହିଁ । ରିପୋର୍ଟରେ କୁହାଯାଇଛି ୨୦୦୫ମସିହାରେ ଖାଦ୍ୟ-ପାନୀୟ ନୀତି ଅନୁସାରେ ଭାରତୀୟ ରେଳରେ ଖାଦ୍ୟ ପାନୀୟ ବ୍ୟବସାୟକୁ ଭାରତୀୟ ରେଲୱେ ଖାଦ୍ୟ-ପାନୀୟ ଏବଂ ପର୍ଯ୍ୟଟନ ନିଗମ (ଆଇଆରସିଟିସି ) କୁ ଦାୟିତ୍ୱ ଦିଆଯାଇଛି । ଖାଦ୍ୟ-ପାନୀୟର ଗୁଣବତାର ସୁଧାରତାକୁ ନେଇ ରେଲୱେ ବୋର୍ଡ ଖାଦ୍ୟ-ପାନୀୟ ନୀତି ୨୦୧୭ରେ ପ୍ରତିପାଦିତ କରିଛି । ଏହାକୁ ୨୭ ଫେବୃୟାରୀରେ ଜାରି କରାଯାଇଛି । ଏହା ସତ୍ୱେ ବି ସ୍ଥିତିରେ ସୁଧାର ଆସିନାହିଁ ।