ମୋଦି ଲେହେର ଫିକା ପଡ଼ିବା ପୂର୍ବରୁ ମୋଦିଙ୍କ ମାଷ୍ଟରପ୍ଲାନ୍ ! କେନ୍ଦ୍ର ସହ ୧୦ ରାଜ୍ୟକୁ ଏକାବେଳେ ଜିତିବାକୁ ଯୋଜନା
୨୦୧୯ରେ ଶେଷ ହେଉଛି ମୋଦିଙ୍କ କାର୍ଯ୍ୟକାଳ । କିନ୍ତୁ ଶାସନକାଳ ଶେଷ ହେବା ପୂର୍ବରୁ ହିଁ ନିର୍ବାଚନ କରାଇବା ପାଇଁ ଯୋଜନା ହେଉଛି । ତେବେ ଲୋକସଭା ନିର୍ବାଚନ ସହିତ ବିଧାନସଭା ନିର୍ବାଚନ ମଧ୍ୟ ହୋଇପାରେ ବୋଲି ଚର୍ଚ୍ଚା ହେଉଛି । କାରଣ ଲୋକସଭା ସହିତ ରାଜ୍ୟ ବିଧାନସଭା ନିର୍ବାଚନ ଏକା ସାଙ୍ଗରେ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚାହୁଁଥିବା ଜଣାପଡ଼ିଛି। ଆଉ ସେଥିପାଇଁ ଏବେ ଠାରୁ ରାଜନୀତିରେ ଛକାପଞ୍ଝା ଆରମ୍ଭ ହେଲାଣି । ପ୍ରମୁଖ ରାଜନୈତିକ ଦଳ ଗୁଡ଼ିକ ମଧ୍ୟ ପ୍ରସ୍ତୁତି ଆରମ୍ଭ କରିଦେଲେଣି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ୨୦୧୯ରେ କାର୍ଯ୍ୟକାଳ ଶେଷ ହେଉଥିଲେ ହେଁ ପୂର୍ବରୁ ଲୋକସଭା ନିର୍ବାଚନ କରିବା ପାଇଁ ମୋଦି ଯୋଜନା ଆରମ୍ଭ କରିଦେଇଛନ୍ତି । କାରଣ କିଛି ଦିନ ପୂର୍ବରୁ ହୋଇଥିବା ରାଜସ୍ଥାନ ନିର୍ବାଚନରେ ବିଜେପିକୁ ଝଟକା ଲାଗିଛି । ଧୀରେ ଧୀରେ ବିଜେପି ବିରୋଧୀ ସ୍ୱର ଶୁଭିଲାଣି ଆଉକୁ ନଜରରେ ରଖି ମୋଦି ଏପରି ପ୍ଲାନ୍ ତିଆରି କରିଛନ୍ତି । ରାଜସ୍ଥାନରେ ଲୋକସଭାର ଦୁଇଟି ଏବଂ ଗୋଟିଏ ବିଧାନସଭା ଆସନରେ ଅନୁଷ୍ଠିତ ଉପନିର୍ବାଚନରେ କ୍ଷମତାସୀନ ବିଜେପିକୁ ଗୁରୁତର ଝଟକା ଲାଗିଛି । ଏହି ତିନିଟି ଯାକ ଆସନକୁ ବିଜେପି ହାତରୁ ଛଡ଼ାଇ ନେଇଛି କଂଗ୍ରେସ । ଚଳିତ ବର୍ଷ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଥିବା ବେଳେ ଏହି ଉପନିର୍ବାଚନକୁ ସେମିଫାଇନାଲ ବୋଲି ବିଚାର କରାଯାଉଥିଲା । ଉପନିର୍ବାଚନରେ କଂଗ୍ରେସର ଦମଦାର ବିଜୟ ଆସନ୍ତା ବିଧାନସଭା ନିର୍ବାଚନକୁ ପ୍ରଭାବିତ କରିବ ବୋଲି କୁହାଯାଉଛି । ଦଳର ଏପରି ନୈରାଶ୍ୟଜନକ ପ୍ରଦର୍ଶନ ପାଇଁ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ନିଜକୁ ଦାୟୀ କରିବା ସହିତ ଲୋକଙ୍କ ପାଇଁ ପୂର୍ବଭଳି ସେବା ଜାରି ରହିବ ବୋଲି କହିଛନ୍ତି ।
ସୂତ୍ର ଅନୁସାରେ ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ ବିଧାନସଭା ନିର୍ବାଚନ ସହ ଲୋକସଭା 
ନିର୍ବାଚନ କରିବା ପାଇଁ ମୋଦି ସରକାର ଯୋଜନା କରୁଛନ୍ତି । ଆଉ ଏଥିପାଇଁ ଦେଶରେ ପ୍ରଥମ ଥର ପାଇଁ ବଡ଼ ସ୍ତରରେ ପ୍ରସ୍ତୁତି ଚାଲିଛି । ୧୭ତମ ଲୋକସଭା ନିର୍ବାଚନ ୨୦୧୯ ମେ’ ବଦଳରେ ଆସନ୍ତା ଡିସେମ୍ବରରେ ହୋଇପାରେ। ବିଜେପି ନେତୃତ୍ୱାଧୀନ ଏନଡିଏ ସରକାର ଆଗୁଆ ନିର୍ବାଚନ ପାଇଁ ଏଭଳି ଯୋଜନା କରୁଥିବା ଜଣାପଡ଼ିଛି । ଚଳିତ ବର୍ଷସାରା ବିଭିନ୍ନ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଡିସେମ୍ବରରେ ଆଗୁଆ ଲୋକସଭା ନିର୍ବାଚନ କରାଇବାକୁ ସରକାର କ୍ଷେତ୍ର ପ୍ରସ୍ତୁତ କରିବା ଆରମ୍ଭ କଲେଣି ବୋଲି ଚର୍ଚ୍ଚା ଜୋର ଧରିଛି ।
କିଛି ଦିନ ପୂର୍ବରୁ ମୋଦି ଏକ ଦେଶ ଏକ ନିର୍ବାଚନ କରିବା ପାଇଁ ପ୍ରସ୍ତାବ ଦେଇଥିଲେ । ଏଥିପାଇଁ ବିଜେପି ଶାସିତ ରାଜ୍ୟ ମହାରାଷ୍ଟ୍ର, ହରିୟାଣା ଓ ଝାଡ଼ଖଣ୍ଡ ସରକାରକୁ ବାଜିରେ ଲଗାଇବା ପାଇଁ ପଛାଉ ନାହାନ୍ତି ମୋଦି । ଏଥିପାଇଁ ଏହି ରାଜ୍ୟ ଗୁଡ଼ିକରେ ୧୦ ରୁ ୧୧ ମାସ ପୂର୍ବରୁ ନିର୍ବାଚନ କରିବା ପାଇଁ ପ୍ରସ୍ତୁତି ଚାଲିଛି । ଅନ୍ୟପଟେ ଏହି ରାଜ୍ୟଗୁଡ଼ିକର ବିଧାନସଭା କାର୍ଯ୍ୟକାଳ ୨୦୧୯ ଅକ୍ଟୋବର- ନଭେମ୍ବରରେ ପୁରା ହେଉଛି । ଏହାର ଅର୍ଥ ୬ଟି ରାଜ୍ୟର ବିଧାନସଭା ନିର୍ବାଚନ ଏକାସଙ୍ଗେ କରିବା ପାଇଁ ବିଚାର କରାଯାଉଛି ।
ବିଜେପି ଶାସନରେ ଛଅ ରାଜ୍ୟରେ ବିଧାନସଭା ନିର୍ବାଚନ କରିବା ସହ ଏନଡ଼ିଏ ନିଜର ସହଯୋଗୀ ଚନ୍ଦ୍ରବାବୁ ନାଇଡ଼ୁଙ୍କ ଟିଡ଼ିପି ଓ ଚନ୍ଦ୍ରଶେଖର ରାଓଙ୍କ ତେଲେଙ୍ଗାନାରେ ମଧ୍ୟ ସମୟ ପୂର୍ବରୁ ନିର୍ବାଚନ କରାଇବା ପାଇଁ ମନାଉଛନ୍ତି । ଆନ୍ଧ୍ରପ୍ରଦେଶରେ ଟିଡିପି ସହିତ ବିଜେପି ମେଣ୍ଟରେ ଅଛି। ଯଦି ଦଳ ଟିଡିପିକୁ ରାଜି କରାଇବାରେ ସମର୍ଥ ହେବ ତା’ହେଲେ ଏଠାରେ ନିର୍ବାଚନ ହୋଇପାରେ। ଅବଶ୍ୟ ଆନ୍ଧ୍ର ପ୍ରଦେଶ ବିଧାନସଭାରେ ବିଜେପିର ମାତ୍ର ୪ ଜଣ ସଦସ୍ୟ ଅଛନ୍ତି। ଅନ୍ୟପକ୍ଷରେ ୧୭୫ ଆସନ ବିଶିଷ୍ଟ ଏହି ବିଧାନସଭାରେ ଟିଡିପିର ୧୦୨ ଜଣ ସଭ୍ୟ ଅଛନ୍ତି । ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ସମୟ ପୂର୍ବରୁ ପାଂଚ ମାସ ପୂର୍ବରୁ ଲୋକସଭା ନିର୍ବାଚନ କରିବା ସହ ହିଁ ବିଧାନସଭା ନିର୍ବାଚନ ସମ୍ଭବ ହୋଇଯିବ । ଏହାସହ ସିକ୍କିମର ମଧ୍ୟ ୫ ମାସ ପୂର୍ବରୁ ନିର୍ବାଚନ କରାଇବା ପାଇଁ ପ୍ରସ୍ତୁତି ଆରମ୍ଭ କରାଯାଉଛି । ଲୋକସଭା ଏବଂ ଏହି ୯ଟି ରାଜ୍ୟରେ ନିର୍ବାଚନ ସହ ନୀତିଶ କୁମାର ମଧ୍ୟ ବିହାର ବିଧାନସଭା ନିର୍ବାଚନ କରିବା ପାଇଁ ପ୍ରସ୍ତତୁ ହୋଇପାରନ୍ତି । ପୂର୍ବରୁ ଏନେଇ ନୀତିଶ ସୂଚନା ଦେଇସାରିଛନ୍ତି ।
ବିଶ୍ୱସ୍ତ ସୂଚନା ଅନୁସାରେ ଡିସେମ୍ବରେ ହିଁ ଲୋକସଭା ନିର୍ବାଚନ ସହ ୧୦ଟି ରାଜ୍ୟରେ
ବିଧାନସଭା ନିର୍ବାଚନ କରିବା ପାଇଁ ମାଷ୍ଟର ପ୍ଲାନ୍ କରିଛନ୍ତି ମୋଦି । ଏପରି ହେବା ଦ୍ୱାରା ମୋଦି ଲୋକସଭା ନିର୍ବାଚନ ସହ ୧୦ ଟି ରାଜ୍ୟର ବିଧାନସଭା ନିର୍ବାଚନ ସହ କେନ୍ଦ୍ରକୁ ସତ୍ତାରେ ଆସିଯିବେ । ତେବେ ମୋଦିଙ୍କ ଏହି ମାଷ୍ଟର କାର୍ଡ଼ ଯୋଗୁଁ ବିଜେପି ଶାସିତ ରାଜ୍ୟରେ ଶାସନ ବିରୋଧୀ ସ୍ୱର ଧୀମା ପଡ଼ିଯିବ । ସୂୂଚନା ଅନୁସାରେ ରାଜସ୍ଥାନରେ ଉପନିର୍ବାଚନରେ ପରାଜୟ ଯୋଗୁଁ ବିଜେପି ଏବେ ଟଳମଳ ଅବସ୍ଥାରେ ରହିଛି । ଏହା ବ୍ୟତୀତ ଛତିିଶଗଡ଼ରେ ରମଣ ସିଂ ଓ ମଧ୍ୟପ୍ରଦେଶରେ ଶିବରାଜ ସିଂ ମଧ୍ୟ ବହୁତ ସମୟ ଧରି ଶାସନରେ ଅଛନ୍ତି । କୁହାଯାଉଛି ଶାସନ ବିରୋଧୀ ଲେହେର ତାଙ୍କୁ ମଧ୍ୟ ସାମ୍ନା କରିବା ପାଇଁ ପଡ଼ିବ ।
ତେବେ ସତ୍ତା କେତେବେଳେ ପଲଟି ଯିବ କିଛି କହିହେବ ନାହିଁ । ଶୀଘ୍ର ନିର୍ବାଚନ କରି ସତ୍ତାରେ ରହିବାର ମୋଦିଙ୍କ ଚାଲି ଫେଲ୍ ମଧ୍ୟ ମାରିପାରେ । ସାଧାରଣ ଜନତା ଯାହାକୁ ଚାହିଁବେ ସେ ହିଁ ଶାସନରେ ରହିବେ । ତେବେ ଏଥିର ମୋଦି କୌଣସି ଚାନ୍ସ ହରାଇବା ପାଇଁ ଚାହୁଁନାହାନ୍ତି । ଦୁଇ ଦିନ ପୂର୍ବରୁ ସଂସଂଦରେ ମୋଦି ବିଜେପିର ସଫଳତା ଓ କଂଗ୍ରେସ ବିଫଳତାକୁ ବଖାଣିଥିଲେ । ତେବେ କଂଗ୍ରସ ଏନେଇ ମଧ୍ୟ ଆଗରୁ ପ୍ରସ୍ତୁତି ଆରମ୍ଭ କରିଦେଲାଣି । ଆଉ ଏଥିପାଇଁ ଗୁରୁବାର ଦିନ ସୋନିଆ ଗାନ୍ଧି କଂଗ୍ରେସ ନେତାଙ୍କୁ ଆଗାମୀ ନିର୍ବାଚନ ପାଇଁ ପ୍ରସ୍ତୁତ ରହିବା ପାଇଁ ପରାମର୍ଶ ଦେଇଛନ୍ତି ।