ପାରାଳାଖେମୁଣ୍ଡି : ପାରାଳାଖେମୁଣ୍ଡି ରାଜାଙ୍କ ମ୍ୟାନେଜର ସମେତ ତାଙ୍କ ପରିବାରର ୩ ଜଣଙ୍କ ଆତ୍ମହତ୍ୟା ପରେ ରହସ୍ୟରେ ରାଜା ଘରର ଭିତିରି କଥା । ଚର୍ଚ୍ଚା ହେଉଛି ୫୦୦ କୋଟିର ସଂପତିକୁ ନେଇ ହୋଇଥିବା ବଡ ଧରଣର ଷଡଯନ୍ତ୍ରର ପରିଣାମ ହେଉଛି ଏହି ଭୟାନକ ଘଟଣା । ରାଜା ପରିବାରର ସପଂତିକୁ ନେଇ ବିବାଦ ଚାଲିଥିଲା । ଏହା ପରେ ରାଜାଙ୍କୁ ନଜରବନ୍ଦୀ କରାଯାଇଥିବା ନେଇ ଜୋରଦାର ପ୍ରଚାର ହୋଇଥିଲା । ଏଥିରେ ରାଜାନେତାଙ୍କ ଠାରୁ ଆରମ୍ଭ କରି ଏକ ନିଦ୍ଦିଷ୍ଟ ଗଣମାଧ୍ୟମ ସାମିଲ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏବେ ବଡ ପ୍ରଶ୍ନ ହେଉଛି ନଜରବନ୍ଦି ପ୍ରଚାର ଷଡଯନ୍ତ୍ରର ଏକ ଅଂଶ ଥିଲା କି? ମ୍ୟାନେଜରଙ୍କ ପରିବାର ଲୋକ ସିଧାସଳଖ ଅଭିଯୋଗ ଆଣିଛନ୍ତି ସ୍ଥାନୀୟ ବିଧାୟକ ଓ ଏକ ନିର୍ଦ୍ଦିଷ୍ଟ ଗଣମାଧ୍ୟମ ବିରୋଧରେ । କଥାକୁ ଅତିରଂଜିତ ଭାବେ ପ୍ରଚାର କରି ଏପରି ଚାପସୃଷ୍ଟି କରାଯାଇଥିଲା, ସେଥିପାଇଁ ସେମାନେ ଆତ୍ମହତ୍ୟା କରିବାକୁ ବାଧ୍ୟ ହେଲେ ବୋଲି କହୁଛନ୍ତି ପରିବାର ଲୋକେ । ଏବେ ଆତ୍ମହତ୍ୟା ଉଦ୍ୟମ କରିଥିବା ମ୍ୟାନେଜର ଅନଙ୍ଗ ମଂଜରୀଙ୍କ ଭାଇ ସନ୍ତୋଷ ପାତ୍ର ମୃତ୍ୟୁ ସହ ଏମକେସିଜି ହସ୍ପିଟାଲରେ ସଂଘର୍ଷ କରୁଛନ୍ତି, ଏବେ ତାଙ୍କ ବୟାନ ଉପରେ ସମସ୍ତଙ୍କ ନଜର ରହିଛି ।