ପାରଦୀପ ସିୱେଜ୍ ମ୍ୟାନେଜରଙ୍କ ହତ୍ୟାର ହେଲା ପର୍ଦ୍ଦାଫାଶ : ୨୦୧୫ରୁ ପ୍ରସ୍ତୁତ ହୋଇଥିଲା ବ୍ଲୁପ୍ରିଂଟ୍
ପାରଦୀପ : ସିୱେଜ୍ ଜିଏମ ମହେନ୍ଦ୍ର ସ୍ୱାଇଁଙ୍କ ହତ୍ୟାକାଣ୍ଡ ପଛରେ ରହିଛି ଷ୍ଟିଭେଡରିଂ ବିବାଦ । ଏଥିରେ ଓଏସଏଲର ସମ୍ପୃକ୍ତି ଥିବା ସାମ୍ବାଦିକ ସମ୍ମିଳନୀରେ କହିଛନ୍ତି କେନ୍ଦ୍ରାଂଚଳ ଆଇଜି ସୌମେନ୍ଦ୍ର ପ୍ରିୟଦର୍ଶୀ । ମହେନ୍ଦ୍ର ଙ୍କୁ ମାରିବା ପାଇଁ ଅଭିଯୁକ୍ତଙ୍କୁ ସୁପାରି ଦିଆଯାଇଥିବା ଜଣାପଡିଛି । ହତ୍ୟାକାଣ୍ଡ ପାଇଁ ଅଭିଯୁକ୍ତଙ୍କୁ ସୁପାରି ଆକାରରେ ଓଏସଏଲ ପକ୍ଷରୁ ଆଗୁଆ ୧୨ ଲକ୍ଷ ଟଙ୍କା ଦିଆଯାଇଥିବା ପୁଲିସ କହିଛି । ଏମାନଙ୍କ ପାଖରୁ କିଛି ଟଙ୍କା, ୩ଟି ବନ୍ଧୁକ, ୫୦ ରାଉଣ୍ଡ ଗୁଳି, ୩ଟି ମଟର ସାଇକେଲ ଓ ଗୋଟିଏ ଆଟୋ ଜବତ କରିଛି ପାରଦୀପ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ଷ୍ଟିଭେଡରିଂ ବିବାଦକୁ ନେଇ ସିୱେଜ୍ ମ୍ୟାନେଜରଙ୍କୁ ହତ୍ୟା କରିବା ପାଇଁ ୨୦୧୫ରୁ ବ୍ଲୁପ୍ରିଂଟ୍ ପ୍ରସ୍ତୁତ କରାଯାଇବା ଜେରା ବେଳେ କହିଛି ମୁଖ୍ୟ ଅଭିଯୁକ୍ତ ରାକେଶ ଚୌବେ । ତେବେ ହତ୍ୟାକାଣ୍ଡରେ ୪୦ ପ୍ରତିଶତ ତଦନ୍ତ ଆଗେଇଛି । ଖୁବଶୀଘ୍ର ଏହି ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତଙ୍କୁ ଗିରଫ କରାଯିବ ବୋଲି କହିଛନ୍ତି କେନ୍ଦ୍ରାଂଚଳ ଆଇଜି ସୌମେନ୍ଦ୍ର ପ୍ରିୟଦର୍ଶୀ । ଗତ ୨୬ ତାରିଖରେ ପ୍ରଥମେ ବୋମାମାଡ ପରେ ଗୁଳିମାଡ କରି ସିୱେଜ ଜେନେରାଲ ମ୍ୟାନେଜର ମହେନ୍ଦ୍ର ସ୍ୱାଇଁଙ୍କୁ ହତ୍ୟା କରିଥିଲେ ଅଭିଯୁକ୍ତ ।