ଚାପ ପରେ ନବୀନ ନେଲେ କାର୍ଯ୍ୟାନୁଷ୍ଠାନ : ବିଜେଡିରୁ ପପୁ ପମପମ୍ ବହିଷ୍କୃତ
ଭୁବନେଶ୍ୱର ବ୍ୟୁରୋ , କନକ ନ୍ୟୁଜ୍ : ଶେଷରେ ଓଲିଉଡକୁ କଳଙ୍କିତ କରିଥିବା ଅଭିନେତା ପପୁ ପମପମଙ୍କ ଦୋଷକୁ ସ୍ୱୀକାର କରିଛି ବିଜେଡି । ନେତାରୁୁ ଅଭିନେତା ବନିଥିବା ପପୁ ଓରଫ୍ ତତ୍ୱପ୍ରକାଶ ଶତପଥୀଙ୍କୁ ଆଜି ବିଜେଡି ନିଜ ଦଳରୁ ବହିଷ୍କାର କରିଛି । ୨୦୧୪ ନିର୍ବାଚନରେ ପ୍ରଥମେ ଷ୍ଟାର କ୍ୟାମ୍ପେନର ଓ ପରେ ଚମ୍ପୁଆ ଆସନରୁ ପପୁଙ୍କୁ ପ୍ରାର୍ଥୀ କରିଥିଲା ଦଳ । ହେଲେ ଚମ୍ପୁଆରେ କାମ କରି ନଥିଲା ପପୁଙ୍କ ମ୍ୟାଜିକ୍ । ତେବେ ସାରା ରାଜ୍ୟ ବୁଲି ଦଳ ପାଇଁ ପ୍ରଚାର କରିଥିଲେ ପପୁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଓସ୍କାର ଚିଟଫଣ୍ଡ କଂପାନୀର ମାଲିକ ପ୍ରଭାସ ରାଉତ ଗିରଫ ହେବା ପରେ ପପୁଙ୍କ ଭୂମିକାକୁ ନେଇ ଉଠିଥିଲା ପ୍ରଶ୍ନ । ଚିଟଫଣ୍ଡ ଟଙ୍କାରେ ଫିଲ୍ମ ନିର୍ମାଣ କରୁଥିବା ପ୍ରଭାସଙ୍କ ଘନିଷ୍ଠ ଥିଲେ ପପୁ । ଏପରିକି କଂପାନୀର ପ୍ରମୋସନ ସହ କଳାଟଙ୍କାରେ ନିଜେ ମାଲମାଲ ହୋଇଥିବା ଅଭିଯୋଗ ହୋଇଥିଲା । ଏପରିକି ପପୁ ନିଜ ନିର୍ବାଚନ ସତ୍ୟପାଠରେ ମଧ୍ୟ ପ୍ରଭାସଙ୍କ ଠାରୁ ଟଙ୍କା ନିର୍ବାଚନ ଖର୍ଚ୍ଚ ବାବଦ ଅର୍ଥ ନେଇଥିବା ଜଣା ପଡିଥିଲା । ଏତେସବୁ ଅଭିଯୋଗ ପରେ ବି ନୀରବ ଥିଲା ବିଜୁ ଜନତା ଦଳ । ଏହି ଷ୍ଟାର ନେତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ ଦଳର ସୁପ୍ରିମୋ ନବୀନ ପଟନାୟକ । ତେବେ କାଷ୍ଟିଂ କାଉଚ୍ ଅଭିଯୋଗ ଆସିବା ଓ ଜଣେ ନାବାଳିକା ଥାନାରେ ଅଭିଯୋଗ କରିବା ପରେ ପପୁଙ୍କ ସହ ଦଳ ପାଇଁ ମଧ୍ୟ ଅଡୁଆ ବଢି ଯାଇଥିଲା ।
ତେବେ ପ୍ରଶ୍ନ ଉଠୁଛି, ପପୁଙ୍କ ପାପ ନେଇ କଣ ଦଳକୁ ଶକ୍ତ ପ୍ରମାଣ ମିଳି ଯାଇଛି କି । ଏହି ବଦନାମ ନେତାଙ୍କୁ ନେଇ ଦଳ ବଦନାମ ହେବାର ଆଶଙ୍କାକୁ ଏଡାଇବାକୁ ନବୀନ ଏଭଳି ପଦକ୍ଷେପ ନେଇଛନ୍ତି କି । ନିଲମ୍ବନ ନୁହେଁ ସିଧାସଳଖ ବହିଷ୍କାର । ଦଳର ଏହି ନିଷ୍ପତିକୁ ନେଇ ସନ୍ଦେହ ଆହୁରି ଘନୀଭୂତ ହୋଇଛି । କାରଣ ପୂର୍ବରୁ ଚିଟଫଣ୍ଡ କଳଙ୍କ ଲାଗିବା ପରେ ପ୍ରଭାତ ତ୍ରିପାଠୀଙ୍କ ଭଳି ନେତାଙ୍କୁ ଦଳରୁ ନିଲମ୍ବନ କରାଯାଇଥିଲା । ହେଲେ ପପୁଙ୍କ କ୍ଷେତ୍ରରେ ଦଳ ଦୃଢ ପଦକ୍ଷେପ ନେଇଛି ।
ଏହା ସହ ସମ୍ଭୋଗ ସମ୍ରାଟଙ୍କ କଳା କାହାଣୀ : ପପୁଙ୍କ ପାପରେ ଯୋଡି ହେଲା ଆଉ ଏକ ଫର୍ଦ୍ଦ