ଟିକସ ଫାଙ୍କି ଉପରେ ସରକାରଙ୍କ କଡ଼ା ପଦକ୍ଷେପ ! ଏଣିକି ସମସ୍ତ ସୁନା କାରବାରରେ ବାଧ୍ୟତାମୂଳକ ହୋଇପାରେ ପାନକାର୍ଡ
କନକ ବ୍ୟୁରୋ : ଏଣିକି ସୁନା କିଣାବିକାରେ ବାଧ୍ୟତାମୂଳକ ହୋଇପାରେ ପାନକାର୍ଡ । ଏନେଇ ଅର୍ଥନୈତିକ ନିୟନ୍ତ୍ରଣକାରୀ ପାନେଲ୍ ପ୍ରସ୍ତାବ ଦେଇଛନ୍ତି । ଯଦି ସରକାର ଏହି ପସ୍ତାବରେ ସହମତି ପ୍ରକାଶ କରନ୍ତି ତେବେ ସୁନା କିଣାବିକା ଯେତିକି ଟଙ୍କାର ହେଉନା କାହିଁକି ପାନକାର୍ଡ ବାଧ୍ୟତାମୂଳକ କରାଯିବ । ବର୍ତ୍ତମାନ କେବଳ ୨ ଲକ୍ଷରୁ ଅଧିକ ଟଙ୍କାର ସୁନା କାରବାର କଲେ ପାନ୍ ନମ୍ବର ଜରୁରୀ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ପ୍ୟାନେଲର ପ୍ରସ୍ତାବ ଅନୁଯାୟୀ, ଯେତେବେଳେ ବି ଗ୍ରାହକ ସୁନା କିଣିବେ ଇଲେକଟ୍ରୋନିକ୍ ଗୋଲ୍ଡ ରେଜିଷ୍ଟ୍ରି ମାଧ୍ୟମରେ କାରବାର କରାଯିବ । ଅର୍ଥାତ୍ ଆପଣ କୌଣସି ଦୋକାନରୁ ସୁନା କିଣନ୍ତୁ ନାଁ କହିଁକି ଅନଲାଇନ୍ ଏହାର ହିସାବନିକାଶ ରେକର୍ଡ ରହିବ । ଏହା ଦ୍ୱାରା କୌଣସି ବ୍ୟକ୍ତି ସୁନା ରୁପରେ କଳାଧନ ଜମାକରିବାକୁ ଚେଷ୍ଟା କଲେ ଜଣା ପଡିଯିବ ।
ଏହି ପଦକ୍ଷେପ କଳାଧନ ଟିକସ ଫାଙ୍କି ଉପରେ ରୋକ୍ ଲଗାଇବା ପାଇଁ ନିଆଯାଇଛି । ଯେଉଁମାନେ ସୁନା ରୁପରେ କଳାଧନ ଜମା କରୁଛନ୍ତି ସେମାନଙ୍କ ଉପରେ ନିୟନ୍ତ୍ରଣ ପାଇଁ ଏହି ନିଷ୍ପତି ନେଇଛି ପ୍ୟାନେଲ୍ । ବିଶ୍ୱର ଅନ୍ୟାନ୍ୟ ଦେଶ ଅପେକ୍ଷା ଭାରତରେ ଲୋକେ ଅଧିକ ସୁନା ରଖୁଥିବା କଥା କମିଟି କହିଛି। ତେଣୁ ଏଥିପାଇଁ ବିଭିନ୍ନ ପ୍ରକାରର ଗୋଲ୍ଡ୍ ବଣ୍ଡ୍ ପ୍ରଚଳନ କରାଯାଉ ବୋଲି ପାନେଲ୍ ଅନୁମୋଦନ କରିଛି। ଉଲ୍ଲେଖଯୋଗ୍ୟ , ଭାରତୀୟ ଗୃହସ୍ଥମାନଙ୍କର ବହୁମୁଖୀ ଅର୍ଥନୀତିକୁ ପର୍ୟ୍ୟବେକ୍ଷଣ କରିବାକୁ ଏହି ପାନେଲ୍ ଗଠିତ ହୋଇଥିଲା।
ସୌଜନ୍ୟ : ଆଜତକ୍