ଧିମେଇ ଯାଉଛି ଶଙ୍ଖ ଧ୍ୱନି, ଫୁଟୁଛି ପଦ୍ମ, ହାତ ଥରହର : ପଶ୍ଚିମରୁ ଉପକୂଳ ସବୁଠି ବିଜେପିର ବିଜୟ ଧାରା ଜାରି
କନକ ବ୍ୟୁରୋ : ବିଜେପିି ଉଠୁଛି, କଂଗ୍ରେସ ଖସୁଛି ଓ ଶାସକ ବିଜେଡି ପାଇଁ ଯନ୍ତ୍ରଣା ବଢ଼ୁଛି । ପଂଚାୟତ ନିର୍ବାଚନର ୩ଟି ଯାକ ପର୍ଯ୍ୟାୟର ଫଳାଫଳକୁ ଯଦି ଗୋଟିଏ ଧାଡ଼ିରେ କୁହାଯାଏ ବୋଧହୁଏ ଏମିତିଆ କିଛି ନିର୍ଯ୍ୟାସ ବାହାରିବ । ପ୍ରଥମ ୩ଟି ପର୍ଯ୍ୟାୟରେ ହୋଇଥିବା ମୋଟ୍ ୫୩୮ଟି ଜିଲ୍ଲା ପରିଷଦ ଆସନରୁ ବିଜେଡି ଖାତାକୁ ୨୯୦ଟିି ଆସନ ଯାଇଥିବା ବେଳେ ବିଜେପି ହାତେଇଛି ୧୯୨ଟି ଆସନ ।
Kanak News is now on WhatsApp
Join and get latest news updates delivered to you via WhatsApp
ସେହିପରି କଂଗ୍ରେସ ମାତ୍ର ୪୪ଟି ଜୋନରେ ବିଜୟୀ ହୋଇଥିବା ବେଳେ ଅନ୍ୟାନ୍ୟ ଦଳ ପାଖକୁ ଯାଇଛି ୧୨ଟି ଆସନ । କେବଳ ତୃତୀୟ ପର୍ଯ୍ୟାୟ ମତଦାନକୁ ଯଦି ଦେଖିବା ତାହେଲେ ମୋଟ୍ ୧୭୫ଟି ଆସନରୁ ବିଜେଡି ୯୦ଟି ଆସନ ଜିତିଥିବା ବେଳେ ବିଜେପି ପାଇଛି ୬୩, କଂଗ୍ରେସ ପାଇଛି ୧୭ ଏବଂ ଅନ୍ୟାନ୍ୟ ଦଳ ପାଖକୁ ଯାଇଛି ୫ଟି ଜିଲ୍ଲା ପରିଷଦ ଆସନ ।
ସେହିପରି କେବଳ ଦ୍ୱିତୀୟ ପର୍ଯ୍ୟାୟ ନିର୍ବାଚନର ମୋଟ୍ ୧୭୫ ଆସନ ଭିତରୁ ଶାସକ ବିଜେଡି ୯୭ଟି ଜିଲ୍ଲା ପରିଷଦ ଜୋନରେ ବିଜୟୀ ହୋଇଥିବା ବେଳେ ୫୮ଟିରେ ବିଜେପି, ୧୬ଟି ସିଟରେ କଂଗ୍ରେସ ଏବଂ ୪ଟି ସିଟ୍ରେ ଅନ୍ୟାନ୍ୟ ଦଳ ବିଜୟୀ ହୋଇଛି । ପ୍ରଥମ ପର୍ଯ୍ୟାୟରେ ହୋଇଥିବା ୧୮୮ଟି ଜିଲ୍ଲା ପରିଷଦ ଆସନରୁ ବିଜେଡି ୧୦୩ଟି ଆସନରେ ବିଜୟୀ ହୋଇଥିବାବେଳେ ବିଜେପି ୭୧ଟି, କଂଗ୍ରେସ ୧୧ଟି ଏବଂ ଅନ୍ୟାନ୍ୟ ଦଳ ୩ଟି ଜୋନ୍ କବଜା କରିଥିଲା ଆସନ୍ତାକାଲି ହେଉଥିବା ଚତୁର୍ଥ ପର୍ଯ୍ୟାୟ ନିର୍ବାଚନରେ ମତଦାନ ହେବ । ତେବେ ଚତୁର୍ଥ ପର୍ଯ୍ୟାୟରେ କାହା ଖାତାକୁ କେତେ ଆସନ ଯାଉଛି ଏବେ ସେ ଉପରେ ସମସ୍ତଙ୍କ ନଜର ।