ଓମ୍ ପୁରୀଙ୍କ ଅତୃପ୍ତ ଆତ୍ମା ! ପ୍ରତିଶୋଧ ନେବା ପାଇଁ ଅଭିନେତାଙ୍କ ଭୂତ ବୁଲୁଥିବାର ଦାବି କରିଛି ପାକିସ୍ତାନ
ଓମ୍ ପୁରୀଙ୍କ ଅତୃପ୍ତ ଆତ୍ମା । ପ୍ରତିଶୋଧ ନେବା ପାଇଁ ବୁୁଲୁଛି ଏହି ବର୍ଷିୟାନ୍ ଅଭିନେତାଙ୍କ ଭୂତ । ଯାହାର ଦୃଶ୍ୟ କଏଦ୍ ହୋଇଛି କ୍ୟାମେରାରେ । ଏହାକୁ ଦାବିର ସହ କହିଛି ପାକିସ୍ତାନର ଏକ ଘରୋଇ ଟିଭି ଚ୍ୟାନେଲ୍ । ରାଷ୍ଟ୍ରୀୟ ସୁରକ୍ଷା ଉପଦେଷ୍ଟା ଅଜିତ୍ ଦୋଭଲଙ୍କ ଠାରୁ ପ୍ରତିଶୋଧ ନେବାକୁ ଓମ୍ ପୁରୀଙ୍କ ଆତ୍ମା ମୁମ୍ବାଇସ୍ଥିତ ନିଜ ଘରେ ବୁଲୁଥିବାର ଦାବି କରିଛନ୍ତି ପାକିସ୍ତାନୀ ନ୍ୟୁଜ୍ ଉପସ୍ଥାପକ ଆମୀର୍ ଲିଆକତ୍ ।
Kanak News is now on WhatsApp
Join and get latest news updates delivered to you via WhatsApp
ଚ୍ୟାନେଲ୍ ଦ୍ୱାରା ଜାରି କରାଯାଇଥିବା ଏହି ଭିଡିଓ ଫୁଟେଜରେ ଦେଖିବାକୁ ମିଳିଛି ଜଣେ ବ୍ୟକ୍ତି ଧଳା କୁର୍ତ୍ତା ପିନ୍ଧି ବୁଲୁଛନ୍ତି । ତେବେ ଓମ୍ ପୁରୀ ଅଜିତ୍ ଦୋଭଲଙ୍କୁ କାହିଁକି ମାରିବାକୁ ଚାହୁଛନ୍ତି ଏହାର କାରଣ ମଧ୍ୟ କହିଛି ଉକ୍ତ ଚ୍ୟାନେଲ୍ । ଆମୀର୍ ଲିଆକତଙ୍କ କହିବା ଅନୁଯାୟୀ ପ୍ରଧାନମନ୍ତ୍ରୀ ମୋଦି ଏବଂ ଅଜିତ୍ ମିଳିତ ଭାବରେ ଯୋଜନା କରି ଓମ୍ ପୁରୀଙ୍କୁ ମାରିଛନ୍ତି । କାରଣ ଉରୀ ଆକ୍ରମଣ ପରେ ପାକିସ୍ତାନୀ ଅଭିନେତାଙ୍କୁ ବଲିଉଡ ବ୍ୟାନ୍ କରିବା ଉପରେ ବିବାଦୀୟ ବୟାନ୍ ଦେଇଥିଲେ ଓମ୍ ପୁରୀ । ତେବେ ଭିଡିଓଟି ଜାନୁଆରୀ ମାସରେ ଓମ୍ ପୁରୀଙ୍କ ମୃତ୍ୟୁ ପରେ ପାକିସ୍ତାନ ଜାରି କରାଯାଇଥିଲା । ଏବେ ପୁଣି ଏହାକୁ ଆଜ୍ ତକ୍ ସାମ୍ନାକୁ ଆଣିଛି ।