ଜଳନ୍ଧରରୁ ପାକିସ୍ତାନୀ ନାଗରିକ ଗିରଫ ! ପାଂଚ ବର୍ଷରେ ପାଂଚଥର ଭାରତ ଆସିଛି
କନକ ବ୍ୟୁରୋ : ଜଣେ ପାକିସ୍ତାନୀ ନାଗରିକକୁ ଗତକାଲି ପଞ୍ଜାବ ପୋଲିସ୍ ଗିରଫ କରିଛି । ଗିରଫ ଯୁବକ ପାକିସ୍ତାନର ନନକାନା ସାହିବର ଏହସାନ ଉଲ ହକ୍ । ପଂଚାବ ପୋଲିସ୍ ଆଏସଆଇ ଏଜେଂଟ ସନ୍ଦେହରେ ତାକୁ ଗିରଫ କରିଛି । ଏହସାନର ବୟସ ୫୭ ବର୍ଷ । ଏହସାନ ପାଂଚ ବର୍ଷରେ ପାଂଚ ଥର ଭାରତ ଆସିଥିବା ପଞ୍ଜାବ ପୋଲିସ୍ କହିଛି । ଏହସାନର ଗିରଫ ନେଇ ସ୍ପେଶାଲ ବ୍ରାଂଚ ଏସିପି ମନପ୍ରୀତ ସିଂହ ପ୍ରତିକ୍ରିୟା ରଖିଛନ୍ତି । ଏହସାନ ନାଁରେ ଆଇପିସି ୪୨୦,୪୧୯,୪୭୧ରେ ଏବଂ ଧାରା ୧୪ ଆଧାରରେ ମାମଲା ରୁଜୁ ହୋଇଛି । ତଦନ୍ତ ଜାରି ରହିଛି । ତଦନ୍ତ ପରେ ତଥ୍ୟ ଆଧାରରେ ମାମଲା ଚାଲିବ ।
Kanak News is now on WhatsApp
Join and get latest news updates delivered to you via WhatsApp
ଏହସାନ କହିବା ଅନୁସାରେ ପଂଚାବ ସହିଦଭଗତ ସିଂହ ନଗର ଅଂଚଳର ମୁକୁନ୍ଦପୁର ଗାଁରେ ବଲବିନ୍ଦର କୌରକୁ ୨୦୧୨ରେ ବିବାହ କରିଥିଲା । ଦୁହିଁଙ୍କର ଫେସବୁକ ମାଧ୍ୟମରେ ପରିଚିତ ହୋଇଥିଲା । ଏହସାନ ୩୦ ଅଗଷ୍ଟ ୨୦୧୭ରେ ପଞ୍ଜାବ ଆସିଥିଲା । ତଦନ୍ତ ସମୟରେ ତାର ଭିସାର ବୈଧତା ୨୯ ନଭେମ୍ବରରେ ୨୦୧୭ରେ ସରିଥବା ଜାଣିବାକୁ ପାଇଥିଲା ପଞ୍ଜବ ପୋଲିସ୍ । ପରେ ପୋଲିସର ଛାନଭିନ କରି ଜାଣିବାକୁ ପାଇଥିଲା ଯେ ଏହସାନ ୨୦୧୨ରୁ ୨୦୧୭ ମଧ୍ୟରେ ପାଂଚ ଥର ଭାରତ ଆସିଛି ।
ସୂଚନା ଅନୁସାରେ ଏହସାନ ୨୦୦୬ରେ ଜଣେ ଅଷ୍ଟ୍ରେଲିଆ ମହିଳାଙ୍କୁ ବିବାହ କରିଥିଲା । ଦୁହିଁଙ୍କର ସାଉଦିଆରବରେ ସାକ୍ଷାତ ହୋଇଥିଲା । ବିବାହ ପରେ ଏହସାନ ଅଷ୍ଟ୍ରେଲିଆର ନାଗରିକତ୍ୱ ମଧ୍ୟ ଗ୍ରହଣ କରିଥିଲା । କିନ୍ତୁ ୨୦୦୯ରେ ଏହସାନ ଅଷ୍ଟ୍ରେଲିଆ ମହିଳାଙ୍କୁ ତଲାକ ଦେଇଥିଲେ ।
ପଞ୍ଜାବ ପୋଲିସ୍ ଜାଣିବାକୁ ପାଇଛି ୨୦୧୫ରେ ଏହାସାନ ଜାଲ ଆଧାର ଓ ପ୍ୟନ କାର୍ଡ କରି ଜଳନ୍ଧରର ଅଲିପୁର ଗାଁରେ ଗୋଟିଏ ଜମି କିଣିଥିଲା । ସେପଟେ ଏହାସାନ କିପରି ଆଧାର ଓ ପ୍ୟାନ କାର୍ଡ ପାଇଲା ତାର ତଦନ୍ତ ହେବ ବୋଲି କହିଛି ପଞ୍ଜାବ ପୋଲିସ୍ ।