ପାକିସ୍ତାନ ପୋଲିସ ଅଧିକାରୀ କହିଲେ ଅନିଲ କପୁରଙ୍କ ଡାଏଲଗ୍ ! ଚାଲିଗଲା ଚାକିରି ।
ପାକିସ୍ତାନର ଜଣେ ପୋଲିସ ଅଧିକାରୀଙ୍କ ଭିଡିଓ ଭାଇରାଲ ହେବା ପରେ ତାଙ୍କୁ ସସପେଣ୍ଡ କରିଦିଆଯାଇଛି । ଇନ୍ସପେକ୍ଟର ଅରଶଦ ପଞ୍ଜାବ ପାକପଟ୍ଟନର କଲ୍ୟାନ୍ ପୋଲିସ ଷ୍ଟେସନରେ ନିୟୋଜିତ ଥିଲେ । କୁହାଯାଉଛି ଦୁଇଟି ଭିଡିଓରେ ଇନ୍ସପେକ୍ଟର ରହିଛନ୍ତି, ଯାହା ଏବେ ସୋସିଆଲ୍ ମିଡିଆରେ ଭାଇରାଲ ହେଉଛି । ଗୋଟିଏ ଭିଡିଓରେ ପାକିସ୍ତାନୀ ପୋଲିସ ଅଧିକାରୀ ଅନିଲ କାପୁରଙ୍କ ଫିଲ୍ମ ଡାଏଲଗ୍ କହୁଥିବାର ନଜର ଆସୁଛନ୍ତି । ତେବେ ତାଙ୍କ ବିରୋଧରେ ଏବେ ତଦନ୍ତ ପ୍ରକ୍ରିୟା ମଧ୍ୟ ଆରମ୍ଭ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଭିଡିଓରେ ସେ କହୁଛନ୍ତି ଯେ, ‘ଦୋ ବକ୍ତ କି ରୋଟି କମାତା ହୁଁ, ପାଞ୍ଚ ବକ୍ତ କି ନମାଜ ପଢତା ହୁଁ… ଇସସେ ଯାଦା ମେରି ଜରୁରତ ନେହିଁ ଅର୍ ମୁଝେ ଖରିଦନେ କି ତେରି ଓକାତି ନେହିଁ..’ । ତେବେ ଏହା ୨୦୧୭ରେ ରିଲିଜ୍ ହୋଇଥିବା ଅନିଲ କାପୁରଙ୍କ ଫିଲ୍ମ ସୁଟଆଉଟ୍ ଆଟ୍ ୱାଡାଲାର ଅଟେ । ସେହିପରି ଦ୍ୱିତୀୟ ଭିଡିଓରେ ଏହି ପୋଲିସ ଅଧିକାରୀ ଜଣଙ୍କ ଜଣେ ମହିଳାଙ୍କ ସହ ନାଚୁଥିବା ଦୃଶ୍ୟ ରହିଥିବା କୁହାଯାଉଛି । ଆଉ ଏତିରେ ମଧ୍ୟ ସେ ଭାରତୀୟ ସଙ୍ଗୀତରେ ନାଚୁଥିବା ଜଣାପଡିଛି । ଏହି ଭିଡିଓ ଭାଇରାଲ ହେବା ପରେ ପାକପଟ୍ଟନ ଜିଲ୍ଲା ପୋଲିସ ଅଧିକାରୀ ମାରିଆ ମହମ୍ମୁଦ ଅରଶଦଙ୍କୁ ସସପେଣ୍ଡ କରିଦେଇଛନ୍ତି ।