ଶିଷ୍ଟାଚାରରେ ଜିରୋ ଇମରାନ ଖାନ୍ : ରାଷ୍ଟ୍ରଅଧ୍ୟକ୍ଷଙ୍କ ସ୍ୱାଗତ ସମୟରେ ସମସ୍ତେ ଛିଡ଼ା ହୋଇଥିଲେ, ହେଲେ ବସିଥିଲେ ପାକ୍ ପ୍ରଧାନମନ୍ତ୍ରୀ
କର୍ଗିସ୍ତାନର ରାଜଧାନୀରେ ଆୟୋଜିତ ସଂଘାଇ ସହଯୋଗ ସଙ୍ଗଠନ ଅର୍ଥାତ୍ ଏସସିଓ ଶିଖର ସମ୍ମିଳନୀରେ ପାକିସ୍ତାନର ପ୍ରଧାନମନ୍ତ୍ରୀ ଇମରାନ ଖାନ ରାଜନୈତିକ ପ୍ରୋଟୋକଲ ଭାଙ୍ଗିଛନ୍ତି । ସମ୍ମିଳନୀର ଉଦଘାଟନ ସମାରୋହରେ ପାକିସ୍ତାନ ତେହେରିକ-ଏ-ଇନସାଫ(ପିଟିଆଇ)ର ଅଫିସିଆଲ ଟ୍ୱିଟରରେ ସେୟାର କରାଯାଇଥିବା ଏକ ଭିଡିଓରେ ଏହି ସମୟରେ ଇମରାନ ଖାନଙ୍କୁ ସମାରୋହରେ ବସିଥିବା ଦେଖିବାକୁ ମିଳିଛି । ଯେବେକି ବାକି ସମସ୍ତ ଦେଶର ପ୍ରମୁଖଙ୍କ ହଲରେ ପ୍ରବେଶ କରିବା ସମୟରେ ଲୋକ ତାଙ୍କ ସ୍ୱାଗତ ପାଇଁ ଛିଡା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
Prime Minister of #Pakistan @ImranKhanPTI‘s Arrival with other World Leaders at Invitation of President of Kyrgyzstan for Opening Ceremony 19th Meeting of the Council of the Heads of State of the Shanghai Cooperation Organization in Bishkek Kyrgyzstan (13.06.19)#SCOSummit2019 pic.twitter.com/fYdKYN3Fv7
— PTI (@PTIofficial) June 13, 2019
ଉଦଘାଟନ ସମାରୋହ ସମୟରେ ସମସ୍ତ ଦେଶର ପ୍ରମୁଖ ଜଣେ ଜଣେ କରି ହଲରେ ପ୍ରବେଶ କରୁଥିଲେ । ଏହି ସମୟରେ ସେଠି ଉପସ୍ଥିତ ଥିବା ସମସ୍ତ ଲୋକ ଛିଡା ହୋଇ ସ୍ୱାଗତ କରୁଥିଲେ । ଏହି ସମୟରେ କେବଳ ଇମରାନ ଖାନ ହିଁ ଏକୁଟିଆ ଏମିତି ବ୍ୟକ୍ତି ଥିଲେ, ଯିଏ ଚେୟାରରେ ବସିଥିଲେ । କିନ୍ତୁ କିଛି ସମୟ ପରେ ଜାଣିପାରିଲେ କି ପୁରା ସମାରୋହରେ ଏକୁଟିଆ ସେ ହିଁ ବସିଛନ୍ତି ଓ ବାକିମାନେ ଛିଡା ହୋଇଛନ୍ତି । ଏହାର ତୁରନ୍ତ ପରେ ସେ ଛିଡା ହୋଇଗଲେ, କିନ୍ତୁ ପୁଣି ଥରେ ବସିପଡିଲେ । ଏହାପୂର୍ବରୁ ଇମରାନ ସାଉଦି ଆରବରେ ଆୟୋଜିତ ୧୪ତମ ଓଆଇସି ଶିଖର ସମ୍ମିଳନୀରେ ବି ସେ ପ୍ରୋଟୋକଲ ଭାଙ୍ଗିଥିଲେ ।