ମୋଦିଙ୍କ ଉପରେ ବର୍ଷିଲେ ପାକିସ୍ତାନର ବୈଦେଶିକ ପରାମର୍ଶଦାତା : କହିଲେ ନିର୍ବାଚନ ପାଇଁ ମୋଦି ଆପଣେଇଛନ୍ତି ପାକିସ୍ତାନ ବିରୋଧୀ ଆଭିମୁଖ୍ୟ
ପାକିସ୍ତାନର ଦ୍ୱିପାକ୍ଷିକ ଶାନ୍ତି ଆଲୋଚନା ଉଦ୍ୟମକୁ ଭାରତ ପ୍ରତ୍ୟାଖ୍ୟାନ କରୁଥିବା ଅଭିଯୋଗ ଆଣିଛି ପାକିସ୍ତାନ । ଭାରତକୁ କୁଟନୈତିକସ୍ତରରେ ଘେରାଉ କରିବାକୁ ଯାଇ ଏହା କହିଛନ୍ତି ପାକିସ୍ତାନ ପ୍ରଧାନମନ୍ତ୍ରୀଙ୍କ ବୈଦେଶିକ ପରାମର୍ଶଦାତା ସରତାଜ ଅଜିଜ । ପ୍ରଧାନମନ୍ତ୍ରୀଙ୍କ ଉପରେ ଚିଡି ଯାଇ ଅଜିଜ କହିଛନ୍ତି, ଭାରତର ଏପରି ଦାଦାଗିରିକୁ ବରଦାସ୍ତ କରାଯିବ ନାହିଁ । ପାକିସ୍ତାନ ଗଣମାଧ୍ୟମ ଆଗରେ ଏହା କହିଛନ୍ତି ସରତାଜ ଅଜିଜ୍ ।
Kanak News is now on WhatsApp
Join and get latest news updates delivered to you via WhatsApp
ସରତାଜ ଅଜିଜ ମୋଦିଙ୍କ ଉପରେ ଆରୋପ ଲଗାଇ କହିଛନ୍ତି, ନିର୍ବାଚନ ପାଇଁ ମୋଦି କଠୋର ପାକିସ୍ତାନ ବିରୋଧୀ ଆଭିମୁଖ୍ୟ ଆପଣେଇଛନ୍ତି । ମୋଦି ନିଜକୁ ନାୟକ ଭାବେ ଉପସ୍ଥାପିତ କରିବାକୁ ଚାହୁଁଛନ୍ତି । ମୋଦିଙ୍କ ଇଲେକ୍ସ କ୍ୟାଂପେନ ଷ୍ଟ୍ରାଟେଜୀ ପାକିସ୍ତାନ ବିରୋଧୀ ଭାବନା ସହ ଜଡିତ । ହେଲେ ନିର୍ବାଚନ ଶେଷ ହେବା ପରେ ପାକିସ୍ତାନ ସହ ଆଲୋଚନା ପାଇଁ ମୋଦି ସରକାରଙ୍କ ଆଭିମୁଖ୍ୟ ବି ବଦଳିଯିବ ବୋଲି ସରତାଜ ଅଜିଜ କହିଛନ୍ତି ।