ଯଦି ଠିକ ଲକ୍ଷ୍ୟଭେଦ ହୋଇଥାଆନ୍ତା, ତେବେ କାରଗିଲ ଯୁଦ୍ଧରେ ପ୍ରାଣ ହରାଇଥାନ୍ତେ ମୁଶାରଫ ଓ ନୱାଜ ସରିଫ୍
ପାକିସ୍ତାନ ପ୍ରାୟ ସବୁଦିନ ଅସ୍ତ୍ରବିରତି ଉଲଙ୍ଘନ କରୁଥିବା ବେଳେ ତାହାର ମୁହଁତୋଡ଼ ଜବାବ ମଧ୍ୟ ଦେଉଛନ୍ତି ଭାରତୀୟ ଯବାନ । ଭାରତୀୟ ସେନା ଏମିତି ହିିଁ କଡ଼ା ଜବାବ ଦେଇଥିଲେ ୧୯୯୯ ମସିହାରେ ଘଟିଥିବା କାରଗିଲ ଯୁଦ୍ଧ ସମୟରେ । ତେବେ ଉକ୍ତ ଯୁଦ୍ଧକୁ ନେଇ ଏପରି ଏକ ଘଟଣା ସାମ୍ନାକୁ ଆସିଛି, ଯାହା ସତ ହୋଇଥିଲେ ପାକିସ୍ତାନର ଚେହେରା ଆଜି କିଛି ଅଲଗା ହୋଇଥାନ୍ତା ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡିଆନ ଏକ୍ସପ୍ରେସ ଅନୁସାରେ, ୨୪ଜୁନ ୧୯୯୯ ମସିହାରେ ସକାଳ ୮.୪୫ ମିନିଟ ସମୟରେ ଯେତେବେଳେ ଯୁଦ୍ଧ ଶେଷ ସୀମାରେ ପହଞ୍ଚି ଯାଇଥିଲା, ସେତେବେଳେ ଭାରତୀୟ ବାୟୁସେନାର ଏକ ଜଗୁଆର ନିୟନ୍ତ୍ରଣ ରେଖା ନିକଟରୁ ନିଜର ଉଡ଼ାଣ ଭରିଥିଲା । ଯାହାର ଲକ୍ଷ୍ୟରେ ଥିଲା ପାକିସ୍ତାନୀ ସେନାର ଏକ ଦଳ । ଯାହା ଉପରେ ‘ଲେଜର ଗାଇଡ଼େଡ଼ ସିÁମ’ ଦ୍ୱାରା ବମ୍ ବିସ୍ଫୋରଣ କରିବାକୁ ନିଶ୍ଚିତ କରାଯାଇଥିଲା ।
ତା’ର ପଛରୁ ଆସିଥିବା ଅନ୍ୟ ଏକ ଜଗୁଆରକୁ ବମ୍ ପକାଇବାକୁ ନିର୍ଦ୍ଦେଶ ଥିବା ବେଳେ ସେ ଲକ୍ଷ୍ୟଠାରୁ ବିଚ୍ୟୁତ ହୋଇଯାଇଥିଲା । ଯାହାଫଳରେ ପାକିସ୍ତାନୀ ସେନା ଅଳ୍ପକେ ବର୍ତ୍ତି ଯାଇଥିଲା । ଏବେ ଜଣାପଡ଼ିଛି ଯେ, ଯଦି ଦ୍ୱିତୀୟ ଜଗୁଆର ସଠିକ ଭାବେ ଲକ୍ଷ୍ୟଭେଦ କରିଥାନ୍ତା ତେବେ ସେଥିରେ ପାକିସ୍ତାନର ପୂର୍ବତନ ଜେନେରାଲ ପରଭେଜ ମୁଶାରଫ ଏବଂ ସେତେବେଳର ପ୍ରଧାନମନ୍ତ୍ରୀ ନୱାଜ ସରିଫଙ୍କର ମୃତ୍ୟୁ ହୋଇଥାନ୍ତା ।
ସୂଚନା ମୁତାବକ, ଭାରତ ସରକାର ଏନେଇ ନିଜ ତରଫରୁ ସୂଚନା ଦେଇଛନ୍ତି । ଆକ୍ରମଣ ସମୟରେ ସେଠାରେ ଉଭୟେ ଥିବାର କଥା ପରେ ସ୍ପଷ୍ଟ ହୋଇଥିଲା । ବିସ୍ଫୋରଣ ପୂର୍ବରୁ ନବାଜ ସରିଫ ଏବଂ ମୁଶାରଫ ସେଠାରେ ଥିବା କଥା ଜଣାନଥିଲା ।