ଅନ୍ତର୍ଜାତୀୟ ଚାପ ଆଗରେ ମୁଣ୍ଡ ନୁଆଁଇଲା ପାକିସ୍ତାନ । ଗିରଫ ହେଲା ମୁମ୍ବାଇ ୨୬-୧୧ ଆକ୍ରମଣର ମାଷ୍ଟର ମାଇଣ୍ଡ ହାଫିଜ ସଇଦ ।
କନକ ବ୍ୟୁରୋ : ଶେଷରେ ଭାରତ, ଆମେରିକା ସହ ଅନ୍ତରାଷ୍ଟ୍ରୀୟ ଚାପ ଆଗରେ ମୁଣ୍ଡ ନୁଆଁଇଛି ପାକିସ୍ତାନ । ପୁଣି ଥରେ ଆତଙ୍କବାଦୀ ହାଫିଜ ସଇଦକୁ ଗିରଫ କରିଛନ୍ତି ପାକିସ୍ତାନ ସରକାର । ମୁକୁଳିବାର ଏକ ସପ୍ତାହ ପରେ ପୁଣି ହାଫିଜ ସଇଦକୁ ଗିରଫ କରିଛି ପାକିସ୍ତାନ । ସପ୍ତାହେ ତଳେ ହାଫିଜକୁ ନଜରବନ୍ଦୀରୁ ମୁକ୍ତ କରିଥିଲେ ଲାହୋର ହାଇକୋର୍ଟ । ଫଳରେ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ତଥା ଜମାତ ଉଦ ଦାୱା ଆତଙ୍କବାଦୀ ସଂଗଠନର ମୁଖ୍ୟ ହାଫିଜ ସୟିଦ ପୁଣି ଥରେ ଗିରଫ ହୋଇଛି । ତେବେ କେଉଁ ମାମଲାରେ ତାକୁ ଗିରଫ କରାଯାଇଛି ତାହା ସ୍ପଷ୍ଟ ହୋଇନି । ଏପଟେ ଏହା ଭାରତର ଏକ କୂଟନୈତିକ ବିଜୟ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଯେତେ ଚେଷ୍ଟା କଲେ ମଧ୍ୟ ଭାରତ ମୋର କିଛି ବିଗାଡି ପାରିବ ନାହିଁ, ଆଉ ଖୁବ ଶୀଘ୍ର କାଶ୍ମୀର ସ୍ୱାଧୀନ ହେବ ବୋଲି କହିଥିଲା ହାଫିଜ ସୟିଦ । କଶ୍ମୀରର ସ୍ୱାଧୀନତା ଲଢେଇ କରୁଥିବାରୁ ଭାରତ ପଛରେ ପଡିଛି । ଏହା ପାକିସ୍ତାନର ବିଜୟ ବୋଲି ହାଫିଜ କହିଥିଲା । ପାକିସ୍ତାନ ସରକାର କୋର୍ଟରେ ହାପିଜ ବିରୋଧରେ ବଳିଷ୍ଠ ପ୍ରମାଣ ନଦେବା ଓ ବେପରୁଆ ଭାବେ ଦଲିଲ ଉପସ୍ଥାପନା କରିଥିଲେ ।
ଜୁଡିସିଆଲ ରିଭ୍ୟୁ ବୋର୍ଡ ହାଫିଜ ବିରୋଧରେ ଦାଖଲ ପ୍ରମାଣ ଓ ଦଲିଲ ତାକୁ ଗୃହବନ୍ଦୀ କରି ରଖିବା ପାଇଁ ପର୍ୟ୍ୟାପ୍ତ ନୁହେଁ ବୋଲି କହିଥିଲେ । ଗୋଇନ୍ଦା ସୂଚନା ଆଧାରରେ ପାକିସ୍ତାନ ସରକାର ହାଫିଜକୁ ଗତ ଜାନୁୟାରୀରେ ବହୁ ଅପରାଧ ମାମଲାରେ ଗୃହବନ୍ଦୀ କରି ରଖିଥିଲେ । ତେଣୁ ପଂଜାବ ସରକାର ଅନ୍ୟ ମାମଲାରେ ହାଫିଜକୁ ଅଟାକାଇବାକୁ ଯୋଜନା କରୁଥିବା ସୂଚନା ମିଳିଥିଲା ।