ଚୀନର ଗୁଲାମ୍ ହେବ ପାକିସ୍ତାନ ? ଏସିଆରେ ରାଜ୍ କରିବ ଚାଇନା ? ଜାଣନ୍ତୁ କାହିଁକି ହେଉଛି ଏଭଳି ଚର୍ଚ୍ଚା ।
ଦୁନିଆରେ ନିଜ ଶକ୍ତି ବଢାଇବା ପାଇଁ ସମସ୍ତ ପ୍ରକାର ପ୍ରୟାସ ଆରମ୍ଭ କରି୍ଛି ଚୀନ୍ । ଏସିଆ ମହାଦେଶର ସମସ୍ତ ଦେଶକୁ ନିଜ ପଛରେ ରଖି ନେତା ହେବା ପାଇଁ ଚେଷ୍ଟା ଚଳାଇଛି ଚାଇନା । ଆଉ ଏହି ଶକ୍ତି ବଳରେ ସାରା ଦୁନିଆରେ ନିଜ ଦବଦବା ରଖିବା ଲକ୍ଷ୍ୟରେ ରହିଛି ଚୀନ୍ । ଆଉ ଏହାରି ମଧ୍ୟରେ ଓବିଓଆର ଚୀନର ଏକ ମହତ୍ତ୍ୱାକାଂକ୍ଷୀ ପ୍ରୋଜେକ୍ଟ ଅଟେ । ଏହି ପ୍ରୋଜେକ୍ଟ ଚୀନର ସେହି ରାସ୍ତା ଏବଂ ସମୁଦ୍ର ପଥଗୁଡିକୁ ପୁଣି ଥରେ ଜୀବିତ କରିବାର ଇଚ୍ଛା ଥିଲା, ଯାହା ଜରିଆରେ ମଧ୍ୟଯୁଗ ପର୍ଯ୍ୟନ୍ତ ଚୀନ୍, ୟୁରୋପ ଏବଂ ଆଫ୍ରିକା ସହ ବ୍ୟାପାର କରୁଥିଲା । ଆଉ ଚୀନର ଏହି ମହତ୍ତ୍ୱାକାଂକ୍ଷୀ ପ୍ରୋଜେକ୍ଟର ଏକ ଅଂଶ ହେଉଛି, ଚାଇନା-ପାକ୍ ଇକୋନୋମିକ୍ କରିଡର ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଏହି ପ୍ରୋଜେକ୍ଟକୁ ଆଖି ଆଗରେ ରଖି ଚୀନ୍, ପାକିସ୍ତାନର ଗ୍ୱାଦର ଠାରେ ଏକ ଅଲଗା ସହର ସ୍ଥାପନ କରୁଛି । ଏହି ସହରରେ ୫ ଲକ୍ଷ ଲୋକ ରହିବେ । ଏବଂ ଏମାନେ ସମସ୍ତେ ଚୀନର ହିଁ ନାଗରିକ ହୋଇଥିବେ । ଏବଂ ଏହି ସହର ନିର୍ମାଣ ପାଇଁ ଚାନ ପାଖାପାଖି ୧୫ କୋଟି ଡଲାର ଖର୍ଚ୍ଚ କରୁଛି । ତେବେ ଚୀନ୍ କ୍ରମାଗତ ଭାବେ ପାକିସ୍ତାନ ଉପରେ ନିଜ ଆଧିପତ୍ୟ ବିସ୍ତାର କରୁଥିବା ଦେଖିବାକୁ ମିଳୁଛି । ଚାଇନା-ପାକ୍ ଇନଭେଷ୍ଟମେଣ୍ଟ କର୍ପୋରେସନ, ଗ୍ୱାଦର ଠାରେ ୩୬ ଲକ୍ଷ ବର୍ଗ ଫୁଟ ଜାଗା କିଣିଥିବା ଜଣାପଡିଛି ।
ତେବେ କେବଳ ଏତିକି ନୁହେଁ, ପାକିସ୍ତାନର ପାଇପଲାଇନ୍, ରେଲୱେ, ହାଇୱେ, ମୋବାଇଲ୍ ନେଟୱାର୍କ, ପାୱାର ପ୍ଲାଣ୍ଟରେ ମଧ୍ୟ ଚୀନ୍ ଅନେକ ଟଙ୍କା ନିବେଶ କରିଛି । ତେବେ ସୂଚନା ଅନୁଯାୟୀ, ୨୦୧୭ ମସିହାରେ ବେଜିଂ ଠାରେ ଓବିଓଆର ଶିଖର ସମ୍ମିଳନୀର ଆୟୋଜନ କରାଯାଇଥିଲା । ଯେଉଁଥିରେ ଅନେକ ଦେଶ ଉପସ୍ଥିତ ରହିଥିଲେ । ଅପରପକ୍ଷେ ଭାରତ ଏହି ସମ୍ମିଳନୀକୁ ବହିଷ୍କାର କରିଥିଲା । ଆଉ ଏବେ ନିଜ ଶକ୍ତି ବଢାଇବା ଆରମ୍ଭ କରିଦେଇଛି ଚୀନ୍ । ପାକିସ୍ତାନର ଗ୍ୱାଦର ଠାରେ ଚୀନ୍ ନିଜ ଦେଶବାସୀଙ୍କ ପାଇଁ ଏକ ବଡ ସହର ସ୍ଥାପନ କରିବା, ଏହାର ଏକ ଜ୍ୱଳନ୍ତ ଉଦାହରଣ ଅଟେ ।