ତରଳିଲା ପାକିସ୍ତାନର ହୃଦୟ ! ବନ୍ଦୀ ଥିବା ଭାରତର ପୂର୍ବତନ ନୌସେନା ଅଧିକାରୀ କୁଳଭୂଷଣଙ୍କୁ ତାଙ୍କ ମାଆ ଓ ପତ୍ନୀ ଭେଟିବାକୁ ଅନୁମତି
କନକ ବ୍ୟୁରୋ : ତରଳିଲା ପାକିସ୍ତାନର ହୃଦୟ । ପାକିସ୍ତାନରେ ବନ୍ଦୀ ଥିବା ଭାରତର ପୂର୍ବତନ ନୈସେନା ଅଧିକାରୀ କୁଳଭୂଷଣ ଯାଦବଙ୍କୁ ତାଙ୍କ ମାଆ ଓ ପତ୍ନୀ ସାକ୍ଷାତ କରିବାକୁ ଅନୁମତି ମିଳିଛି । କୁଳ ଭୂଷଣ ଯାଧବଙ୍କ ମାଆ ଓ ପତ୍ନୀ ଆସନ୍ତା ୨୫ ତାରିଖରେ ସାକ୍ଷାତ କରିପାରିବେ ବୋଲି କହିଛି ପାକିସ୍ତାନ । ଏପରିକି ଏହି ସାକ୍ଷାତ ସମୟରେ ଭାରତୀୟ ହାଇକମିସନଙ୍କ ଯେକୌଣସି ଅଧିକାରୀ ଉପସ୍ଥିତ ରହିପାରିବେ ବୋଲି କହିଛି ପଡୋଶୀ ଦେଶ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ପାକିସ୍ତାନ ମାନବିକତା ଆଧାରରେ କୁଳଭୂଷଣଙ୍କୁ ତାଙ୍କ ପରିବାର ସହ ମିଶାଇବା ପାଇଁ ଭାରତକୁ ପ୍ରସ୍ତାବ ଦେଇଥିଲା । ଏହି ପ୍ରସ୍ତାବକୁ ଭାରତର ବୈଦେଶିକ ମନ୍ତ୍ରାଳୟ ମଂଜୁର କରିବା ପରେ ଏବେ ତାରିଖ ଧାର୍ଯ୍ୟ କରିଛି ପଡୋଶୀ ଦେଶ । ଗୋଇନ୍ଦାଗିରି ଓ ବିଧ୍ୱଂସକାରୀ କାର୍ଯ୍ୟକଳାପରେ ସଂପୃକ୍ତି ଅଭିଯୋଗରେ ପାକିସ୍ତାନ ଆର୍ମିକୋର୍ଟ କୁଳଭୂଷଣକୁ ଫାଶି ଦଣ୍ଡାଦେଶ ଶୁଣାଇଛି । ଯାହାର ପ୍ରତିବାଦରେ ଭାରତ ଆଇସିଜେଙ୍କ ଦ୍ୱାରସ୍ଥ ହୋଇଥିବା ବେଳେ କୁଳଭୂଷଣ ମାମାଲା ଏବେ ବିଚାରଧିନ ରହିଛି ।