ଓଡ଼ିଶା ପାଇଁ ଗର୍ବ ! ସ୍ମାରକୀ ମୁଦ୍ରାରେ ସ୍ଥାନ ପାଇବ ପାଇକ ବିଦ୍ରୋହର ଚିତ୍ର, କେନ୍ଦ୍ର ସରକାରଙ୍କ ନିକଟକୁ ଚୂଡାନ୍ତ ଡିଜାଇନ ପଠାଇଲେ ରାଜ୍ୟ ସରକାର
କନକ ବ୍ୟୁରୋ : ଖୁବଶୀଘ୍ର ମୁଦ୍ରାରେ ସ୍ଥାନ ପାଇବାକୁ ଯାଉଛି ୧୮୧୭ ପାଇକ ବିଦ୍ରୋହର ଚିତ୍ର । ଏନେଇ ରାଜ୍ୟ ସରକାରଙ୍କ ପକ୍ଷରୁ ମୁଖ୍ୟମନ୍ତ୍ରୀ ଦ୍ୱାରା ଚୂଡାନ୍ତ ହୋଇଥିବା ଡିଜାଇନକୁ କେନ୍ଦ୍ର ସରକାରଙ୍କ ପାଖକୁ ପଠାଯିବ । ଏହାପରେ କେନ୍ଦ୍ର ଅର୍ଥମନ୍ତ୍ରଣାଳୟ ପକ୍ଷରୁ ସ୍ମାରକୀ ମୁଦ୍ରାରେ ଏହି ଫଟୋ ଚିତ୍ର ସ୍ଥାନ ପାଇବ । ଏହି ଫଟୋ ଚିତ୍ରରେ ପାଇକ ବିଦ୍ରୋହ ଓ ବିପ୍ଲବୀ ବକ୍ସି ଜଗବନ୍ଧୁ ଘୋଡା ଉପରେ ବସିଥିବାର ଚିତ୍ର ରହିଛି ।
Kanak News is now on WhatsApp
Join and get latest news updates delivered to you via WhatsApp
ପାଇକ ବିଦ୍ରୋହର ୨୦୦ ବର୍ଷ ପୂର୍ତି ଉପଲକ୍ଷେ ସ୍ମାରକୀ ମୁଦ୍ରା ପ୍ରଚଳନ ନିମନ୍ତେ ରାଜ୍ୟ ସରକାରଙ୍କଠାରୁ ପ୍ରସ୍ତାବ ମାଗିଥିଲା କେନ୍ଦ୍ର । ଏ ନେଇ ରାଜ୍ୟ ସଂସ୍କୃତି ବିଭାଗ ପକ୍ଷରୁ ବିଶେଷଜ୍ଞମାନଙ୍କୁ ନେଇ ଏକ କମିଟି ଗଠନ କରାଯାଇଥିଲା । ଏହି କମିଟିରେ ସଂସ୍କୃତି ସଚିବ ମନୋରଂଜନ ପାଣିଗ୍ରାହି ସମେତ ଶିଳ୍ପୀ ରଘୁନାଥ ପାଣିଗ୍ରାହୀ, ବିକେ ଆର୍ଟ କଲେଜର ଅଧ୍ୟାପକ ତଥା ଶିଳ୍ପୀ ଗଜେନ୍ଦ୍ର ସାହୁ, ସଂସ୍କୃତି ବିଭାଗର ନିର୍ଦ୍ଦେଶକ ସାମିଲ ଥିଲେ । ୪ ଥର ବୈଠକ ପରେ ୪ଟି ଫଟୋ ବଛାଯାଇ ମୁଖ୍ୟମନ୍ତ୍ରୀଙ୍କ ପାଖକୁ ପଠାଯାଇଥିଲା । ତନ୍ମମଧ୍ୟରୁ ଗୋଟିଏ ଫଟୋକୁ ମନୋନିତ କରାଯାଇଛି ।