ଶ୍ରୀମନ୍ଦିରରେ ଆଜି ଠାରୁ ପହିଲି ଭୋଗ । ସଅଳ ହେବ ନୀତିକାନ୍ତି, ମାସେ ଯାଏଁ ଶ୍ରୀଜୀଉଙ୍କୁ ଅର୍ପଣ ହେବ ପହିଲି ଭୋଗ । ମାଆଙ୍କ ହାତରନ୍ଧା ଖାଦ୍ୟ ଖାଇବେ ମହାପ୍ରଭୁ
ରାମକୃଷ୍ଣ ବେନିଭାଇଙ୍କୁ ଖୁଆଇଦେବେ ମାଆ ଯଶୋଦା, ଜମୁଛି ଭକ୍ତଙ୍କ ଗହଳି
କନକ ବ୍ୟୁରୋ: ଆଜି ଧନୁ ସଂକ୍ରାନ୍ତି । ଏ ଅବସରରେ ଶ୍ରୀମନ୍ଦିରରେ ଆଜିଠାରୁ ଆରମ୍ଭ ହୋଇଛି ଶ୍ରୀଜୀଉଙ୍କ ପହଲି ଭୋଗ । ଏଥିପାଇଁ ସ୍ୱତନ୍ତ୍ର ନୀତି ଅନୁଷ୍ଠିତ ହେଉଛି । ଶ୍ରୀମନ୍ଦିରରେ ଶୃଙ୍ଖଳିତ ନୀତିକାନ୍ତି କରାଯାଇ ପ୍ରତିଦିନ ଏହି ବିଶେଷ ପହିଲି ଭୋଗ ଶ୍ରୀଜୀଉଙ୍କୁ ଅର୍ପଣ କରାଯିବ । ରତ୍ନସିଂହାସନରେ ଅବକାଶ ନୀତି ପରେ ପହିଲି ଭୋଗ ଅର୍ପଣ କରାଯିବ । ଏଥିପାଇଁ ଶ୍ରୀମନ୍ଦିରରେ ସ୍ୱତନ୍ତ୍ର ନୀତି ନିର୍ଘଂଟ କରାଯାଇଛି । ରାତି ୨ଟାରୁ ଶ୍ରୀମନ୍ଦିରର ଦ୍ୱାର ଫିଟାଯାଇ ନୀତି ସମ୍ପନ୍ନ କରାଯାଇଛି । ମାଆ ଯଶୋଦା ରାମକୃଷ୍ଣଙ୍କୁ ଖୁଆଇଦେବାର ବିଧି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର ନୀତି ସବ୍କମିଟି ବୈଠକ ଗତକାଲି ମନ୍ଦିର କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ବୈଠକରେ ପହିଲି ଭୋଗ ନୀତି ଚୂଡ଼ାନ୍ତ ହୋଇଥିଲା । ଆସନ୍ତା ୨୫ ତାରିଖରେ ସୂର୍ଯ୍ୟପରାଗ ଥିବାରୁ ଏହି ଦିନ ସଅଳ ନୀତି ସାରିବାକୁ ନିଷ୍ପତ୍ତି ହୋଇଥିଲା । ରାତି ୮ଟା ୨୦ ରୁ ପାକତ୍ୟାଗ ହେଉଥିବାରୁ ଏହା ମଧ୍ୟରେ ଚୂଡ଼ାନ୍ତ ନୀତି ସାରିବାକୁ ଆଲୋଚନା ହୋଇଥିଲା । କେବଳ ଛତିଶାନିଯୋଗ ଏଥିରେ ମୋହର ମାରିବା ବାକି ରହିଛି। ଅନ୍ୟ ପଟେ ଆସନ୍ତା ୨୦ ତାରିଖରେ ଶ୍ରୀମନ୍ଦିର ପରିଚାଳନା କମିଟି ବୈଠକ ବସିବା ନେଇ ତାରିଖ ମଧ୍ୟ ଧାର୍ଯ୍ୟ ହୋଇଥିଲା ।
ଆଜି ପବିତ୍ର ଧନୁସଂକ୍ରାନ୍ତି। ଏହି ଦିନ ଠାରୁ ଶ୍ରୀମନ୍ଦିରରେ ପହିଲି ଭୋଗ ନୀତି ଆରମ୍ଭ ହେବ। ସଅଳ ନୀତି ସାଙ୍ଗକୁ ସଅଳ ଅବଢ଼ା ବି ବାହାରିବ। ନିର୍ଘଣ୍ଟ ନୀତି ଅନୁଯାୟୀ ଡିସେମ୍ବର ୧୬ରୁ ଜାନୁଆରି ୧୫ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ପହିଲି ଭୋଗ ପାଇଁ ପ୍ରତିଦିନ ରାତି ୩ଟାରୁ ଶ୍ରୀମନ୍ଦିରରେ ଦ୍ବାର ଫିଟା ନୀତି ଅନୁଷ୍ଠିତ ହେବ। ସେହି ଭଳି ରାତି ୧୧ଟାରେ ପ୍ରତ୍ୟହ ପହୁଡ଼ ହେବ। କେବଳ ଡିସେମ୍ବର ୩୧ରେ ସଅଳ ପହୁଡ଼ ଓ ନୂଆ ବର୍ଷ ଦିନ ସଅଳ ଦ୍ବାରଫିଟା ନୀତି ଅନୁଷ୍ଠିତ ହେବ।