ରିଲିଜ ବାବଦରେ ସସପେନ୍ସ ବଢୁଥିବାବଳେ ‘ପଦ୍ମାବତୀ’କୁ ନେଇ କରନୀ ସେନାର ବିରୋଧ ଜାରି ରହିଛି । ଆଜି ଗୁରୁଗ୍ରାମରେ କରନୀ ସେନାର କର୍ମୀମାନେ ‘ପଦ୍ମବାତୀ’ର ପୋଷ୍ଟର ଜାଳିବା ସହ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲିକୁ କଡା ଚ୍ୟାଲେଞ୍ଜ ଦେଇଛନ୍ତି । କରନୀ ସେନାର ଅଭିଯୋଗ ହେଲା, ସିନେମାରେ ଇତିହାସକୁ ଭୁଲ ଭାବେ ଉପସ୍ଥାପିତ କରାଯାଇଛି । ଖିଲିଜୀଙ୍କ ସହ ଯେଉଁ ପ୍ରେମକାହାଣୀ ଲେଖାଯାଇଛି ତାହା ଠିକ୍ ନୁହେଁ । ସିନେମା ରିଲିଜ ହେଲେ ସିନେମା ଘରେ ନିଆଁ ଲାଗିବ ବୋଲି ସେନା ଧମକ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ‘ପଦ୍ମାବତୀ’ଙ୍କୁ ନେଇ ଦେଶସାରା ବିବାଦ ବଢୁଥିବାବେଳେ ଅଭିନେତ୍ରୀ ଦୀପିକା ପାଦୁକୋନ୍ ଆଜି ଏହାର କଡା ଜବାବ ଦେଇଛନ୍ତି । ସେ କହିଛନ୍ତି , ଆଇନ ବ୍ୟବସ୍ଥା ଉପରେ ମୋର ପୁରା ଭରସା ରହିଛି । ସିନେମାକୁ ନେଇ ଦେଶରେ ଯାହାସବୁ ଚାଲିଛି ତାକୁ ଦେଖି ମୋତେ ହସ ଆସୁଛି । ‘ପଦ୍ମାବତୀ’ ପାଇଁ ସେ ଦୁଇ ବର୍ଷ ଦେଇଛନ୍ତି ଏବଂ ସିନେମାକୁ ନେଇ ଯାହା କିଛି ବି ହେଉଛି ସେଥିରେ ସେ ଦୁଃଖିତ ଥିବା କହିଛନ୍ତି ।
‘ପଦ୍ମାବତୀ’ ସିନେମାକୁ ନେଇ ବିବାଦ ତେଜିବାରେ ଲାଗିଥିବା ବେଳେ ଦୀପିକା ପାଦୁକୋନଙ୍କ ସୁରକ୍ଷା ବଢାଇ ଦିଆଯାଇଛି । କରନୀ ସେନା ପକ୍ଷରୁ ତାଙ୍କ ଧମକ ମିଳିବା ପରେ ଅଭିନେତ୍ରୀ ଦୀପିକା ପାଦୁକୋନଙ୍କ ସୁରକ୍ଷା ବଢାଇ ଦିଆଯାଇଛି । ପଦ୍ମାବତୀ ସିନେମାର ନିର୍ମାତା ସଂଜୟ ଲୀଲା ଭନସାଲି ଓ ଦୀପିକା ଉଭୟଙ୍କ ବାସଭବନ ସମ୍ମୁଖରେ ଅଧିକ ସୁରକ୍ଷାକର୍ମୀଙ୍କୁ ମୁତୟନ କରାଯାଇଛି । ଦୀପିକାଙ୍କ ଘର ସମେତ ତାଙ୍କ କାର୍ଯ୍ୟାଳୟରେ ମଧ୍ୟ ଅଧିକ ପୁଲିସ ମୁତୟନ କରାଯାଇଛି । ଗତ ସପ୍ତାହରେ ସିନେମା ନିର୍ମାତା ସଂଜୟ ଲୀଲା ଭନସାଲିଙ୍କୁ ମଧ୍ୟ ଧମକ ମିଳିଥିଲା ଏହାପରେ ତାଙ୍କର ସୁରକ୍ଷା ମଧ୍ୟ କଡାକଡି କରାଯାଇଛି ।
ପଦ୍ମାବତୀକୁ ନେଇ ବିବାଦ ଚାଲିଥିବା ବେଳେ ସେନସର ବୋର୍ଡ ସିନେମାକୁ ବୈଷୟିକ ତ୍ରୁଟି ଦେଖାଇ ନିର୍ମାତା ପାଖକୁ ଫେରାଇ ଦେଇଛନ୍ତି । ତ୍ରୁଟି ସଂଶୋଧନ ପରେ ଏହାକୁ ଦ୍ୱିତୀୟ ବାର ସମୀକ୍ଷା କରି ସିନେମାକୁ ପ୍ରମାଣପତ୍ର ଦିଆଯିବ ବୋଲି ସେନସର ବୋର୍ଡ କହିଛନ୍ତି । ଡିସେମ୍ବର ୧ ତାରିଖରେ ସଂଜୟଲୀଲା ଭନସାଲୀଙ୍କ ସିନେମା ପଦ୍ମାବତୀର ରିଲିଜ ପାଇଁ ତାରିଖ ଧାର୍ଯ୍ୟ ହୋଇଛି । ତେବେ ସେନସର ବୋର୍ଡ ବୈଷୟିକ ତ୍ରୁଟି ଦେଖାଇବା ପରେ ଏହାର ରିଲିଜ ଜାନୁୟାରୀ ଆଡକୁ ଘୁଂଚିଯାଇପାରେ ବୋଲି ଚର୍ଚ୍ଚା ହେଉଛି ।