ଜାନୁଆରୀ ୨୫ ନୁହେଁ ୨୪ରେ ରିଲିଜ ହେବ ଫିଲ୍ମ ‘ପଦ୍ମାବତ’! ରିଲିଜ ପୂର୍ବରୁ ୪ଟି ରାଜ୍ୟରେ ବ୍ୟାନ ହେଲା ପଦ୍ମାବତ
ଜାନୁଆରୀ ୨୫ ନୁହେଁ ଜାନୁଆରୀ ୨୪ରେ ରିଲିଜ ହେବ ପଦ୍ମାବତ ଫିଲ୍ମ । ଏନେଇ ମିଡିଆରେ ରିପୋର୍ଟ ପ୍ରକାଶ ପାଇଛି । ସଞ୍ଜୟ ଲୀଲା ଭଂସାଲୀଙ୍କ ଫିଲ୍ମ ‘ପଦ୍ମାବତ’କୁ ନେଇ ଗତ କିଛି ଦିନ ହେଲା ବିବାଦ ଲାଗି ରହିଛି । ତେବେ ଏସବୁ ଭିତରେ ନିର୍ଦ୍ଧାରିତ ତାରିଖ ପୂର୍ବରୁ ପଦ୍ମାବତ ରିଲିଜ କରିବାକୁ ନିର୍ମାତା ଯୋଜନା କରୁଛନ୍ତି ବୋଲି ରିପୋର୍ଟରେ ପ୍ରକାଶ ପାଇଛି । ତେବେ ଏହା ପୂର୍ବରୁ ହରିୟାଣା, ରାଜସ୍ଥାନ, ମଧ୍ୟପ୍ରଦେଶ ଓ ଗୁଜରାଟରେ ପଦ୍ମାବତ ଫିଲ୍ମକୁ ବ୍ୟାନ କରାଯାଇଛି । ଏପରିକି ଏହି ଚାରି ରାଜ୍ୟ ବିରୋଧରେ ଫିଲ୍ମ ନିର୍ମାତା କମ୍ପାନି ସୁପ୍ରିମକୋର୍ଟରେ ଏକ ଯାଚିକା ଦାଖଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ଜାନୁଆରୀ ୨୪ ତାରିଖରେ ସିନେମାଘରେ ପଦ୍ମାବତ ଫିଲ୍ମର ଏକ ସ୍ପେଶାଲ ସ୍କ୍ରିନିଙ୍ଗର ବ୍ୟବସ୍ଥା କରିଛନ୍ତି ଏହାର ନିର୍ମାତା । ଏହି ସ୍ପେଶାଲ ସୋ ପାଇଁ ଫିଲ୍ମ ନିର୍ମାତା ହଲ ମାଲିକଙ୍କୁ ପଇସା ମଧ୍ୟ ଦେବେ । ରିଲିଜ ପୂର୍ବରୁ ଏପରି କରି ପଦ୍ମାବତକୁ ନେଇ ଲାଗି ରହିଥିବା ଗୁଜବକୁ ସାମ୍ନାକୁ ଆଣିବ । ଏହାଦ୍ୱାରା ଦର୍ଶକଙ୍କ ମନରୁ ଭ୍ରମ ମଧ୍ୟ ଦୂର ହୋଇଯିବ । ଯାହା ଫିଲ୍ମକୁ ବ୍ୟବସାୟିକ ଦୃଷ୍ଟିକୋଣରୁ ଫାଇଦା ଦେବ ବୋଲି ଏହାର ନିର୍ମାତା ଚିନ୍ତା କରୁଛନ୍ତି ।
ପୂର୍ବରୁ ଏହି ଫିଲ୍ମକୁ ରାଜପୁତ ଓ କରନୀ ସେନା ବିରୋଧ କରିବାରୁ ଏହାର ରିଲିଜ ତାରିଖରେ ପରିବର୍ତ୍ତନ କରାଯାଇଥିଲା । ଫିଲ୍ମଟି ରାଣୀ ପଦ୍ମାବତୀଙ୍କ କାହାଣୀକୁ ନେଇ ନିର୍ମାଣ କରାଯାଇଛି । କିନ୍ତୁ ରାଣୀ ପଦ୍ମନୀଙ୍କ ଚରିତ୍ରକୁ ଏଥିରେ ଭୂଲ ଭାବରେ ଦର୍ଶାଇଥିବାରୁ ଏହାକୁ ନେଇ ସେତେବେଳେ ପ୍ରବଳ ବିରୋଧ କରାଯାଇଥିଲା । ପରେ ଏହାକୁ ପୁର୍ନବାର ସେନସର ବୋର୍ଡ ନିକଟକୁ ପଠାଯାଇଥିଲା । ସେଠାରେ ଫିଲ୍ମର ବିବାଦୀୟ ଘୁମୁର ଗୀତରେ ପରିବର୍ତ୍ତନ କରିବାକୁ ରିଭ୍ୟୁ କମିଟି କହିଥିଲା । ଏପରିକି ଫିଲ୍ମର ନାମ ପଦ୍ମାବତୀରୁ ପଦ୍ମାବତ କରି ରିଲିଜ କରିବାକୁ ସେନସର ବୋର୍ଡ ଅନୁମତି ଦେଇଥିଲା । ପ୍ରଥମେ ୧୯୦ କୋଟି ବଜେଟର ଏହି ଫିଲ୍ମ ଡିସେମ୍ବର ୧୨ ତାରିଖରେ ରିଲିଜ ହେବାକୁ ସ୍ଥିର କରାଯାଇଥିଲା । କିନ୍ତ ରାଜପୁତ ଓ କରନୀ ସେନାର ପ୍ରବଳ ବିରୋଧ ଯୋଗୁଁ ଏହାର ରିଲିଜ ତାରିଖକୁ କିଛି ଦିନ ପାଇଁ ସ୍ଥଗିତ ରଖାଯାଇଥିଲା । ଏପରିକି ଫିଲ୍ମ ରିଲିଜ ହେଲେ ସିନେମାଘର ଜଳିବ ବୋଲି କରନୀ ସେନା ଧମକ ମଧ୍ୟ ଦେଇଛି । ପଦ୍ମାବତ ସାଙ୍ଗରେ ଅକ୍ଷୟଙ୍କ ଫିଲ୍ମ ପ୍ୟାଡମ୍ୟାନ ମଧ୍ୟ ଜାନୁଆରୀ ୨୫ରେ ରିଲିଜ ହେବ ।