କନକ ବ୍ୟୁରୋ : ଓଡିଶାର ଜଣେ ବିଶିଷ୍ଟ ଶିକ୍ଷାବିତ୍ ତଥା ସଫଳ ଉଦ୍ୟୋଗୀ , ପାଢ଼ି ଟିଉଟୋରିଆଲର ମାଲିକ ଜାନକୀବଲ୍ଲଭ ପାଢ଼ିଙ୍କ ମୃତଦେହ ମିଳିଛି । ଫ୍ୟାନରୁ ଝୁଲନ୍ତା ଅବସ୍ଥାରେ ତାଙ୍କ ମୃତଦେହ ଉଦ୍ଧାର କରାଯାଇଛି । ସେ ଆତ୍ମହତ୍ୟା କରିଥିବା ନେଇ ପାରିପାଶ୍ୱିର୍କ ସ୍ଥିତିରୁ ଜଣାପଡିଛି । କିନ୍ତୁ କାହିଁକି ସେ ଆତ୍ମହତ୍ୟା କଲେ ତାହା ଏବେ ବି ରହସ୍ୟ ଘେରରେ । କୁହାଯାଉଛି ପାଖାପାଖି ୧୦କୋଟି ଟଙ୍କାର ଋଣ ପାଇଁ ମାନସିକ ଚାପରେ ରହୁଥିଲେ ଜାନକୀ ପାଢ଼ି । ତାଙ୍କ ଆତ୍ମହତ୍ୟାର କାରଣ ନେଇ ପୁଲିସ୍ ଏକ ଦଶ ପୃଷ୍ଠାର ହାତ ଲେଖା ଚିଠି ଜବତ କରିଛି ।
Kanak News is now on WhatsApp
Join and get latest news updates delivered to you via WhatsApp
କଟକ ଭୁବନେଶ୍ୱରରେ ପ୍ରତିଷ୍ଠିତ ଶିକ୍ଷାନୁଷ୍ଠାନ ସମେତ ରାଜ୍ୟର ବିଭିନ୍ନ ସ୍ଥାନରେ ପାଢ଼ୀ ଟ୍ୟୁଟୋରିଆଲ୍ ପ୍ରତିଷ୍ଠା କରି ଶିକ୍ଷା ବ୍ୟବସାୟାର ଶୀର୍ଷ ସ୍ଥାନରେ ପହଂଚିଥିବା ଜାନକୀ ବଲ୍ଲଭ ପାଢ଼ୀ ଯଦି ଆତ୍ମହତ୍ୟା କରିଛନ୍ତି । ତେବେ କାହିଁକି ଏ ଚରମ ପଦକ୍ଷେପ ନେଲେ ।
ବ୍ୟାଙ୍କ ଋଣ
-ରାଜ୍ୟର କୋଣ ଅନୁକୋଣରେ ଗଢ଼ିଥିବା ଶିକ୍ଷାନୁଷ୍ଠାନ ଗୁଡ଼ିକ ପାଇଁ ବହୁ ପରିମାଣରେ ଋଣ କରିଥିଲେ ଜାନକୀ ବାବୁ । ଯେଉଁଥିପାଇଁ ହୁଏତ ସେ ଋଣ ଜନିତ ଚାପରେ ଥାଇପାରନ୍ତି ।
ହାତ ଉଧାରି
-କୁହାଯାଉଛି ଜାନକୀ ବାବୁ ଅନେକ ପୁଂଜିପତିଙ୍କ ଠାରୁ ମୋଟା ଅଙ୍କରେ ହାତ ଉଧାରୀ କରିଥିଲେ । ଯେଉଁଥି ପାଇଁ ବିଭିନ୍ନ ସମୟରେ ତାଙ୍କୁ ଧମକ ସବୁ ଆସିଥିବା ଅଭିଯୋଗ ହୋଇଛି
ବ୍ୟବସାୟିକ କ୍ଷତି
-କିଛି କଲେଜ ଏବଂ ଟ୍ୟୁଟୋରିଆଲ ସ୍ୱାଭାବିକ ଚାଲିଥିଲେ ସୁଦ୍ଧା ଭୁବନେଶ୍ୱର ନିକଟରେ ଏକ ମ୍ୟାନେଜମେଂଟ୍ କଲେଜର ହୋଷ୍ଟଲ ନିର୍ମାଣ କାମ ଚାଲିଛି । ଯେଉଁଥି ପାଇଁ ତାଙ୍କୁ ଫଣ୍ଡର ଆବଶ୍ୟକତା ଥିଲା । ହୁଏତ ଏଥିପାଇଁ ଚରମ ନିଷ୍ପତି ନେଇଥାଇ ପାରନ୍ତି ।
ପାରିବାରିକ ଅବସାଦ
-ଗତ କିଛି ଦିନ ହେଲା ଏକୁଟିଆ ସମୟ କାଟୁଥିବା ପାଢ଼ୀ ୨ଟି ବିବାହା କରିଛନ୍ତି । ହୁଏତ ପାରିବାରିକ ଅବସାଦ ଯୋଗୁଁ ବ୍ୟଥିତ କରିଥାଇପାରେ ।
କାହିଁକି ଜାନକୀ ବାବୁଙ୍କ ଏହି ମୃତ୍ୟୁକୁ ନେଇ ରହସ୍ୟ ବଢୁଛି । ପାରିପାଶ୍ୱିକ ପରିସ୍ଥିତିରୁ ଏକ ଆତ୍ମହତ୍ୟା ହୋଇଥିବା ଅନୁମାନ କରାଯାଇଥିବା ବେଳେ ମୃତ୍ୟୁ ପୂର୍ବରୁ ପାଢ଼ୀଙ୍କ କିଛି ଲକ୍ଷଣ ବି ବେଶ ସନ୍ଦେହ ଘେରରେ ରହିଛି ।
ମିଳାମିଶା କମ୍ କରୁଥିଲେ
-ବେଶ କିଛି ଦିନ ହେବ ଜାନକୀ ବାବୁ ଏକୁଟିଆ ରହିବାକୁ ପସନ୍ଦ କରୁଥିଲେ । କାହା ସହିତ ବେଶି ମିଳାମିଶା କରିବାକୁ ପସନ୍ଦ କରୁନଥିଲେ । ଏମିତିକି ଏକୁଟିଆ ଶୋଇବା ଏବଂ ପାର୍କ ଯିବା ମଧ୍ୟ ପରିଲକ୍ଷିତ ହୋଇଥିଲା ।
ମାନସିକ ଅବସାଦ
-ଜାନକୀ ବାବୁ ବିଭିନ୍ନ କାରଣରୁ ବିଗତ କିଛି ଦିନହେଲା ଅବସାଦ ଭିତରେ ଗତି କରୁଥିଲେ । ବ୍ୟବସାୟୀକ କାରଣ ହେଉ କିମ୍ବା ଋଣ ପାଇଁ ହେଉ, ସେ ଅବସାଦ ଭିତରେ ଥିବା କୁହାଯାଉଛି । କ୍ରାଇମବ୍ରାଂଚ ମାମଲାରେ ଛନ୍ଦି ହେବା ଘଟଣାକୁ ନେଇ ମଧ୍ୟ ଚାପରେ ଥିଲେ ।
ତେବେ, ଜଣେ ଖ୍ୟାତି ସଂପନ୍ନ ଶିକ୍ଷାବିତ ଏବଂ ସଫଳ ବ୍ୟବସାୟୀ ଭାବେ ନାଁ କରିଥିବା ଜାନକୀ ବଲ୍ଲଭଙ୍କ ମୃତ୍ୟୁକୁ ନେଇ ଯେତିକି ଚର୍ଚ୍ଚା ହେଉଛି, ତାଠୁ ଅଧିକ ସନ୍ଦେହ ସୃଷ୍ଟି କରୁଛି ମୃତ୍ୟୁକୁ ନେଇ ରହିଥିବା ୧୦ ପୃଷ୍ଠାର ସୁସାଇଡ୍ ନୋଟ୍ ।
ଏହା ସହ ଦେଖନ୍ତୁ ଏହି ଭିଡିଓ-