କନକ ବ୍ୟୁରୋ : ଶୀତୁଆ ରାତିରେ ନିଘୋଡ ନିଦରେ ଶୋଇଯାଇଛି ସହର । ହେଲେ ଚାହିଁଛି ଚାଷୀ । ପୁରା ସହର ଶୋଇଯାଇଥିବା ବେଳେ ନିଜର ଅମଳ ଶସ୍ୟକୁ ଜଗି ବସିଛି ଚାଷୀ । ଏ ଚିତ୍ର ହେଉଛି କୋରପୁଟ ଜିଲ୍ଳା ଡ଼ଙ୍ଗର ପାଉଁସି ମଣ୍ଡିର । କୋରାପୁଟର ଅସମ୍ଭାଳ ଶୀତରେ ସହର କମ୍ଭଳ ଘୋଡେଇ ହୋଇ ଶୋଇଥିବା ବେଳେ ଚାଷୀ, ଘର ଛାଡି ଖୋଲାମେଲା ପଡ଼ିଆରେ ପଡିଥିବା ଅମଳ ଶସ୍ୟକୁ ଜଗିବସିଛି ।
Kanak News is now on WhatsApp
Join and get latest news updates delivered to you via WhatsApp
ଦିନ ତମାମ ଧାନକୁ ଜଗି ବସିଥିବା ଚାଷୀଙ୍କ ମଧ୍ୟରୁ କିଏ ହାଲିଆ ହୋଇ ଟିକିଏ ନିଦର ଆସର ନେଇଥିଲେ ତ କିଏ ନିଆଁ ଜାଳି ପାଳି ଅନୁଶାରେ ଜଗିବସିଥିଲେ । ନିଛାଟିଆ ରାତିର ସାଥୀ କେବଳ ଗୋଟିଏ ଟାଙ୍ଗିଆ ଓ ପୋଷା କୁକୁର । ଗତ ୨ ତାରିଖରୁ ଖରିଫ ଧାନ କଣିବା ପାଇଁ ମଣ୍ଡି ଖୋଲିଛି । କୋରାପୁଟ ଜିଲ୍ଳାରେ ସରକାର ୪୮ ଟି ଖରିଫ ମଣ୍ଡି ପାଇଁ ନିଷ୍ପତି ନେଇଥିବା ବେଳେ କେବଳ ଜୟପୁର ସବଡ଼ିଭିଜନରେ ୩୮ ଟି ମଣ୍ଡି ରହିଛି ।
ଏଫଏକ୍ୱୁମାନର ଗୁଣବତାକୁ ନେଇ ମିଲର, ଚାଷୀ ଓ ପ୍ରଶାସନଙ୍କ ମଧ୍ୟରେ ବିବାଦ ତୁଟୁ ନଥିବା ବେଳେ ମଣ୍ଡିରେ ଧାନ ପଡ଼ି ରହିଛି । ରାତି ଅନିଦ୍ରା ହୋଇ ଶୀତ କାକରରେ ମଣ୍ଡିରେ ଧାନ ରଖି ଜଗିବସିଛି ଚାଷୀ । ଖୋଲାମେଲା ସ୍କୁଲ ପଡ଼ିଆରେ ପ୍ରଶାସନ କରିଥିବା ଡ଼ଙ୍ଗର ପାଉଁସି ମଣ୍ଡି ଉପରେ ପ୍ରାୟ ୪ ଟି ପଚାଂୟର ଚାଷୀ ନିର୍ଭର କରନ୍ତି ।