ସମ୍ବଲପୁରରେ ଆରମ୍ଭ ହେଲା ଧାନ କିଣା ପ୍ରକ୍ରିୟା ! ଧାନ କିଣା ପୂୂର୍ବରୁ ଚାଷୀଙ୍କ ସହ ପ୍ରଶାସନିକ ଅଧିକାରୀଙ୍କ ଆଲୋଚନା
କନକ ବ୍ୟୁରୋ : ଆରମ୍ଭ ହୋଇଛି ଧାନ କିଣା ପ୍ରକ୍ରିୟା । ସମ୍ବଲପୁରର ବରେଇପାଲି ଧାନ ମଣ୍ଡିରେ ଧାନ କିଣା ପୂର୍ବରୁ ଚାଷୀଙ୍କ ସହ ଏକ ବୈଠକ ବସିଛି । ଏହି ବୈଠକରେ ଯୋଗାଣ ଅଧିକାରୀ, ଉପଜିଲ୍ଲାପାଳ ଓ ଅତିରିକ୍ତ ଜିଲ୍ଲାପାଳ ଚାଷୀଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି । ଚାଷୀମାନେ ଧାନ ବିକ୍ରି କରିବା ପୂର୍ବରୁ କୌଣସି ଅସୁବିଧାର ସମ୍ମୁଖୀନ ନହୁଅନ୍ତି ସେବାବଦରେ ଆଲୋଚନା କରାଯାଉଛି । ଏହସହ ସମ୍ବଲପୁରରେ ଯେଉଁ ୭ଟି ମିଲ୍ ଯୋଗାଣ ବିଭାଗ ଧାନ ବସ୍ତା ଜବତ କରିଛି ସେହି ମିଲ୍ ଗୁଡିକ ଧାନ କିଣାରୁ ବାଦ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସମ୍ପୃକ୍ତ ମିଲ୍ ଗୁଡିକ ତଦନ୍ତ ନସରିବା ଯାଏଁ ଧାନ କିଣି ପାରିବେ ନାହିଁ ବୋଲି ପ୍ରଶାସନ ପକ୍ଷରୁ ନିର୍ଦେଶ ରହିଛି । ତେବେ ଏହି ୭ଟି ମିଲ ମଧ୍ୟରୁ ୨ଟି ମିଲ୍ ସରକାରୀ ପ୍ରକ୍ରିୟାରେ ଚାଷୀଙ୍କ ଠାରୁ ଧାନ କିଣିଥାନ୍ତେ । ମିଲ ଧାନ କିଣିବାରୁ ବାଦ ଦେବା ପରେ ସୃଷ୍ଟି ହେବାକୁ ଥିବା ସମସ୍ୟା ବାବଦରେ ମଧ୍ୟ ଚାଷୀଙ୍କ ସହ ଆଲୋଚନା କରାଯାଇଛି ।