ଆଜି ସରୁଛି ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମଙ୍କ ରିମାଣ୍ଡ ଅବଧି । ଆଇଏନ୍ଏକ୍ସ ମିଡ଼ିଅ।। ଦୁର୍ନୀତି ମାମଲାରେ ପୁଣି ସିବିଆଇ କୋର୍ଟରେ ହାଜର ହେବେ ଚିଦାମ୍ବରମ୍
କନକ ବ୍ୟୁରୋ : ଆଇଏନ୍ଏକ୍ସ ମିଡ଼ିଆ ଦୁର୍ନୀତି ମାମଲାରେ ଆଜି ପୁଣି ଥରେ ସିବିଆଇ କୋର୍ଟରେ ହାଜର ହେବେ ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମ । ୫ ଦିନିଆ ରିମାଣ୍ଡରେ ନେଇଥିବା ସିବିଆଇ, ଚିଦାମ୍ବରମଙ୍କୁ ଆଜି ଦିଲ୍ଲୀର ରାଉଜ୍ ଏଭେନ୍ୟୁ ସ୍ଥିତ ସିବିଆଇର ସ୍ୱତନ୍ତ୍ର କୋର୍ଟରେ ହାଜର କରିବ । ସେହିପରି ଗିରଫଦାରୀରୁ ସୁରକ୍ଷା ଦେବା ନେଇ ସୁପ୍ରିମକୋର୍ଟରେ ହୋଇଥିବା ଆବେଦନର ମଧ୍ୟ ଆଜି ଶୁଣାଣି ହେବ । କେନ୍ଦ୍ର ଅର୍ଥମନ୍ତ୍ରୀ ଥିବା ସମୟରେ ନିଜ ପଦବୀର ଦୁରୁପ ଯୋଗକରି ଆଇଏନଏକ୍ସ ମିଡିଆକୁ ଅନୁକମ୍ପା ଦେଖାଇ ଥିବା ନେଇ ଚିଦାମ୍ବରମଙ୍କ ନାଁରେ ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ପୁଅର ବ୍ୟବସାୟ ବୃଦ୍ଧି ପାଇଁ ସେ ଆଇଏନଏକ୍ସ ମିଡିଆର ପ୍ରତିଷ୍ଠାତା ଇନ୍ଦ୍ରାଣୀ ମୁଖାର୍ଜୀଙ୍କୁ ଏହି ଅନୁକମ୍ପା ଦେଖାଇଥିଲେ ବୋଲି ସିବିଆଇ ତାର ମାମଲାରେ ଉଲ୍ଲେଖ କରିଛି । ହେଲେ ସିବିଆଇ ପ୍ରଶ୍ନୋତରରେ ଇନ୍ଦ୍ରାଣୀ କିମ୍ବା ତାଙ୍କ ସ୍ୱାମୀ ପିଟରଙ୍କୁ ଜାଣିନଥିବା କହିଥିଲେ ପି. ଚିଦାମ୍ବରମ୍ । ଦୁହିଁଙ୍କୁ କେବେ ଭେଟିନଥିଲେ କିମ୍ବା ପୁଅର ବ୍ୟବସାୟରେ କେବେ ଦଖଲ ଦେଇନାହାନ୍ତି ବୋଲି ସ୍ପଷ୍ଟ କରିଦେଇଥିଲେ ।