ଗୋଟିଏ ସମୟରେ ବିକ୍ରି କରୁଥିଲେ ସିମ୍ ! ଏବେ ମାତ୍ର ୨୨ ବର୍ଷ ବୟସରେ ହେଲେ କୋଟିପତି ।
ଓୟୋ ରୁମର ସଂସ୍ଥାପକ ୨୩ ବର୍ଷୀୟ ରିତେଶ ଅଗ୍ରୱାଲ ଚୀନରେ ନିଜର ଏକ ବଡ ପରିଚୟ ବନାଇବାକୁ ଯାଉଛନ୍ତି । ୬.୫ ଲକ୍ଷ କୋଟି ଟଙ୍କା ନିବେଶ ଫଣ୍ଡର ମାଲିକ ମାସାୟୋରୀ ସୋନ ଚୀନରେ ବ୍ୟବସାୟ ଆରମ୍ଭ କରିବା ପାଇଁ ଅଗ୍ରୱାଲଙ୍କୁ ସାହାଯ୍ୟ କରିଥିଲେ । ଯାହା ଫଳରେ ରିତେଶ ଏକ ସଫଳ ବ୍ୟବସାୟୀ ଭାବରେ ସାରା ବିଶ୍ୱରେ ନିଜର ଏକ ପରିଚୟ ତିଆରି କରିପାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିତେଶ ଅଗ୍ରୱାଲ ସଫଳତାର ଏପରି ଏକ ଉଦାହରଣ ପାଲଟିଛନ୍ତି, ଯାହା ପ୍ରମାଣ କରିଦେଉଛି ଉପରକୁ ଉଠିବା ପାଇଁ ଔପଚାରିକ ଶିକ୍ଷା ହିଁ ସବୁକିଛି ନୁହେଁ । କିଛି ବର୍ଷ ପୂର୍ବରୁ ରିତେଶ ଓଡିଶାର ଏକ ଛୋଟ ସହରରେ ସିମ କାର୍ଡ ବିକ୍ରି କରୁଥିଲେ । କିନ୍ତୁ ଆଜି ଦୁନିଆର ସବୁଠାରୁ ବଡ ସପ୍ଟବ୍ୟାଙ୍କ ନିବେଶକ ମାସାୟୋଶୀ ସୋନ ଚୀନରେ ଓୟୋ ରୁମରେ ଏଣ୍ଟ୍ରି କରିବା ସହିତ ଏହାର ପାର୍ଟନର ମଧ୍ୟ ହେବାକୁ ଚାହୁଁଛନ୍ତି । ଅଗ୍ରୱାଲ ସ୍କୁଲ ପାଠପଢା ପୁରା କରିବା ପରେ ଚୀନରେ ତାଙ୍କର ପ୍ରଥମ ବ୍ୟବସାୟ ଆରମ୍ଭ କରିଥିଲେ । ଅଗ୍ରୱାଲ ତାଙ୍କର ଇଚ୍ଛାଶକ୍ତି ଏବଂ ପରିଶ୍ରମ ବଳରେ ଧିରେ ଧିରେ ଆଗକୁ ବଢିବାରେ ଲାଗିଲେ । ଯାହାର ଫଳ ସ୍ୱରୁପ ଆଜି ସାରା ଦୁନିଆ ସେ ବେଶ ପରିଚିତ ହୋଇପାରିଛନ୍ତି ।