ବିଦେଶ ଗସ୍ତର ବିମାନ ଖର୍ଚ୍ଚ ! ୩ ବର୍ଷର ବିଦେଶ ଗସ୍ତ ଭିତରେ ପ୍ରଧାନମନ୍ତ୍ରୀ ମୋଦିଙ୍କ ଚାଟାର୍ଡ ଫ୍ଲାଇଟରେ ଖର୍ଚ୍ଚ ହୋଇଛି ୨୫୫ କୋଟି ଟଙ୍କା ।
୩ ବର୍ଷରେ ପ୍ରଧାନମନ୍ତ୍ରୀ ମୋଦିଙ୍କ ଉଡ଼ାଣରେ ଖର୍ଚ୍ଚ ହୋଇଛି ୨୫୫ କୋଟି । ଗତ ୩ ବର୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉଡ଼ାଣରେ ଚାଟାର୍ଡ ବିମାନ ବାବଦକୁ ୨୫୫ କୋଟି ଟଙ୍କା ଖର୍ଚ୍ଚ ହୋଇଛି । ପ୍ରଧାନମନ୍ତ୍ରୀଙ୍କ ବିଦେଶ ଗସ୍ତରେ ଏଭଳି ଖର୍ଚ୍ଚ ହୋଇଥିବା ଗତ କାଲି ରାଜ୍ୟସଭାରେ କୁହାଯାଇଛି। କେନ୍ଦ୍ର ବୈଦେଶିକ ରାଷ୍ଟ୍ରମନ୍ତ୍ରୀ ଭି ମୁରଲୀଧରନ୍ ଲିଖିତ ଉତ୍ତରରେ ଏହି ଖର୍ଚ୍ଚ ବାବଦରେ ସୂଚନା ଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ୨୦୧୬-୧୭ ରେ ୭.୨୭ କୋଟି ଟଙ୍କା ଖର୍ଚ୍ଚ ହୋଇଥିଲା। ୨୦୧୭-୧୮ ରେ ଏହାର ପରିମାଣ ୯୯.୩୨ କୋଟି ଟଙ୍କା ଥିଲା। ୨୦୧୮-୧୯ରେ ଉଡ଼ାଣ ବାବଦକୁ ଖର୍ଚ୍ଚ ୭୯.୯୧ କୋଟି ଟଙ୍କା ଥିବାବେଳେ ୨୦୧୯-୨୦ ଆର୍ଥିକ ବର୍ଷର ତଥ୍ୟ ଏଯାଏଁ ଆସିପାରିନାହିଁ। ହଟ୍ ଲାଇନ୍ ବ୍ୟବସ୍ଥା ପାଇଁ ୨ କୋଟି ୨୪ ଲକ୍ଷ ୭୫ ହଜାର ୪୫୧ ଟଙ୍କା ଖର୍ଚ୍ଚ ହୋଇଛି। ୨୦୧୭-୧୮ ରେ ୫୮ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା। ରାଜ୍ୟସଭାରେ ଦିଆଯାଇଥିବା ଆକଳନ ଅନୁସାରେ, ସବୁଠାରୁ ଅଧିକ ଖର୍ଚ୍ଚ ୯ ଏପ୍ରିଲ ରୁ ୧୭ ଏପ୍ରିଲ , ୨୦୧୫ ପର୍ୟ୍ୟନ୍ତ ୯ ଦିବସୀୟ ଫ୍ରାନ୍ସ, ଜର୍ମାନୀ ଏବଂ କାନାଡା ଉପରେ ହୋଇଥିଲା । ଏହି ଯାତ୍ରା ପାଇଁ ଚାଟାର୍ଡ ଫ୍ଲାଇଟ ଉପରେ ୩୧.୨୫ କୋଟି ଟଙ୍କା ଖର୍ଚ୍ଚ ହୋଇଥିଲା ।