ତ୍ରିପୁରାରେ ପ୍ରବଳ ବର୍ଷା ଓ ଝଡ଼ତୋଫାନ : ହଜାର ହଜାର ପରିବାର ବାସହୀନ,ଉଦ୍ଧାର କାର୍ଯ୍ୟ ଜାରି
କନକ ବ୍ୟୁରୋ : ତ୍ରିପୁରାରେ ପ୍ରବଳ ବର୍ଷା ସାଙ୍ଗକୁ ଝଡ଼ତୋଫାନ । ଅତି ପ୍ରବଳ ବର୍ଷା ହେବା ଫଳରେ ତ୍ରିପୁରାର ଉନକୋଟି, ଉତ୍ତର ତ୍ରିପୁରା ଏବଂ ଧଳାଇ ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଆଉ ଏଥି ଯୋଗୁଁ ରାଜ୍ୟର ପାଖାପାଖି ୭୦୦ରୁ ଘର ଭାଙ୍ଗି ଯାଇଛି । ହଜାର ହଜାର ପରିବାର ବାସହୀନ ହୋଇଯାଇଛନ୍ତି । ପ୍ରାକୃତିକ ବିପର୍ଯ୍ୟୟରେ ମୃତାହତଙ୍କ ଖବର ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଏବେ ସେଠାରେ ୨୨ଟି ଏନଡିଆରଏଫ ଟିମ ବନ୍ୟା ପୀଡ଼ିତ ପରିବାରକୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ଲାଗିପଡ଼ିଛନ୍ତି । ଏନଡିଆରଏଫ ଟିମ ଲୋକଙ୍କୁ ସୁରକ୍ଷିତ ସ୍ଥାନରେ ପହଂଚାଇବା ପାଇଁ ଜୋରଦାର କାମ କରୁଛନ୍ତି । ପ୍ରବଳବର୍ଷା ପରେ ଜୁରୀ ଏବଂ କାକଟି ନଦୀର ଜଳସ୍ତର ବୃଦ୍ଧି ପାଇଁ ବନ୍ୟା ସୃଷ୍ଟି ହୋଇଛି । ବର୍ତ୍ତମାନ ବନ୍ୟା ଯୋଗୁଁ ଲୋକଙ୍କର ଅବସ୍ଥା ନାହି ନଥିବା ଅସୁବିଧା ଦେଖାଯାଇଛି ।
ଉଦ୍ଧାର କାର୍ଯ୍ୟରେ ୯ଟି ଦ୍ରୁତଗାମୀ ଡଙ୍ଗା, ୪୦ ଉଦ୍ଧାରକାରୀ ଡଙ୍ଗା କାମ କରୁଛି । ତ୍ରିପୁରା ଷ୍ଟେଟ ରାଇଫଲ, ଦମକଳ ବିଭାଗ, ଜିଲ୍ଲା ପ୍ରଶାସନ ଓ ରାଜ୍ୟ ସରକାର ବନ୍ୟା ପରବର୍ତ୍ତୀ ସ୍ଥିତିର ମୁକାବିଲା ପାଇଁ ଲାଗି ପଡ଼ିଛନ୍ତି । ତ୍ରିପୁରା ସରକାର ବନ୍ୟା ପ୍ରପୀଡ଼ିତ ଲୋକଙ୍କପାଇଁ ରିଲିଫ୍ ବ୍ୟବସ୍ଥା କରିଛନ୍ତି ।