ଉତ୍କଳ ବିଶ୍ୱବିଦ୍ୟାଳୟରେ ଉତ୍ତେଜନା । ୧୦ ଦଫା ଦାବି ନେଇ କୂଳପତିଙ୍କ ଅଫିସରେ ଧସେଇ ପଶିଲେ ଛାତ୍ରଛାତ୍ରୀ
ବିକ୍ଷୋଭକାରୀ ଛାତ୍ରଛାତ୍ରୀ ଓ ପୋଲିସ ମୁହାଁମୁହିଁ
କନକ ବ୍ୟୁରୋ: ବାଣୀବିହାର ବିଶ୍ୱବିଦ୍ୟାଳୟରେ ଉତ୍ତେଜନା । କ୍ୟାମ୍ପସରେ ଛାତ୍ର ଅଶାନ୍ତି ଦେଖାଦେଇଛି । ୧୦ ଦଫା ଦାବି ନେଇ ଛାତ୍ରଛାତ୍ରୀମାନେ ବିକ୍ଷୋଭ କରିବା ସହ କୁଳପତିଙ୍କ ଅଫିସକୁ ଧସେଇ ପଶିଛନ୍ତି । ଫଳରେ ଶତାଧିକ ଛାତ୍ରଛାତ୍ରୀ ଓ ପୁଲିସ ମୁହାଁମୁହିଁ ହୋଇଛନ୍ତି । ଆଜିଠୁ ବିଶ୍ୱବିଦ୍ୟାଳୟ ବନ୍ଦ ଡାକରା ଦେଇଥିଲେ ଛାତ୍ରଛାତ୍ରୀ । ବିଶ୍ୱବିଦ୍ୟାଳୟର ସମସ୍ତ ବିଭାଗ ବନ୍ଦ ରହିବା ସହିତ ମୁଖ୍ୟଫାଟକ ବନ୍ଦ ରହିବ ବୋଲି ଛାତ୍ରଛାତ୍ରୀମାନେ ଏକ ମିଳିତ ପ୍ରେସ ବିବୃତି ଜାରି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଛାତ୍ର ମାନଙ୍କର ୧୦ ଦଫା ଦାବି ହେଲା ରାଜା ହୋଟେଲ ନିକଟରେ ମୁଖ୍ୟ ପ୍ରବେଶ ଫାଟକ ନିର୍ମାଣ, ସମସ୍ତ ବିଭାଗର ଏକ ସମୟରେ ପରୀକ୍ଷା ଅନୁଷ୍ଠିତ କରିବା ସହିତ ୪୫ ଦିନରେ ଫଳ ପ୍ରକାଶ କରିବା ଓ ଗତ ୨ ବର୍ଷ ହେବ ପ୍ରବେଶିକା ପରୀକ୍ଷା ଫି, ହଷ୍ଟେଲ ଫି ଓ ମାଇଗ୍ରେସନ ଫି ବୃଦ୍ଧି ପାଇଥିବାରୁ ଅହେତୁକ ଫି ବୃଦ୍ଧିକୁ ନେଇ ଛାତ୍ରଙ୍କ ମଧ୍ୟରେ ଅଶାନ୍ତି ଦେଖାଦେଇଛି ।